Mberaand 1:26 - NQAARIIT NE ROOG

²⁶ Maaga, Roog a laya yee: «Fat i sak o kiin, ta ref nitaal in, a nand fa in. Liƥ ke no maag ole, tiiƭ ke na asamaan, muumeen ke, lanq ke fop fo ƥood ke no lanq ke, fop no ɓay um a ndefkaa.»

Mberaand 1:26 Referans Kwoze

Kolos 3:10

Ndiiki koy, nu ndokooxa ngiin nqas ne na jib’atintaa no nand Roog fee sakuuna, ndax ta fadnoox no andin tigi.

Efees 4:24

Ndokooxyo ngiin nqas ne sakeena a nand fa Roog, soo a feeñ kam o ñoow o jofu le saqna ndigil ne, too a ted.

Mberaand 3:22

O Yaal oxe Roog a laya yee: «Ndiiki koy, o kiin oxe a nandata nen o leng na in, took o and paax fo paaxeer. Yaaga boog, fat i nqañtin ta duq ndaxar ne no ñoow ole, yaam ndik ta moɗ xa tim axe ten, soo a ñoowaa boo kili.»

Mberaand 5:1

Keeke refu safe le na kon ake na xa taan Aadama: Ye Roog a sakna o kiin, a fi’aan ta nand fa Roog.

A kim a tedu ke 100:3

Andyo yee o Yaal oxe refu Roog. O ten saku a in, i ndefanin. In ndefu xeet um, o siir ole ta gayaa.

2 Korint 3:18

In fop we andoona yee a tagid in faŋ a fi’u, kaa i meleƈtaa no ndam onqe no Yaal in. Neene, kaa i suptel, ndax i nand fo o Yaal oxe. Kaa i sutooraa no ndam, ndokaa no ndam onqaa moƴna o magin. Keene refu boog calel ke no Yaal oxe refna Yiif.

Esayi 64:8

O Yaal oxe, ba o fuux bo ta ɗom, too ba o gen no wetandooxaa tooñ ke in. Koo dami rek ee in fop xeet of i ndefu.

Kolos 1:15

Kiristaa refu nitaal Roog fee a ngid a waageerna o ga, a ref taaw um yaaga dara sakafulaand.

Saak 3:9

Kaa i niwaa o Yaal oxe Faap in fo ɗelem in, ndaa kaa i layanaa wiin lakas we paaxeer fo ɗelem leng le itam. Yaag oo toox de, Roog saku a den no nand um.

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

1 Korint 11:7

O koor waree o muxloox, yaam ten refu nitaal fo o ndam Roog, o tew o mat a ref o ndam no koor.

Mberaand 9:6

O kiin oxuu ɓaxna fo’oy no kend um, xan o lakas a ɓax fo’oy um, yaam Roog kaa sak o kiin ta ref nitaal um.

O baawaare xe 7:29

Kaa koy, ke ga’uuma refu yee: Roog kaa sak wiin we da njof, ndaa den o mat kaa njafeñin tige.

A pi ake 17:26

No kiin o leng a saktu qeet ke fop, a dalin a den na adna fee fop. Xeet fuu refna, ta hapanin camaane, a ɗeganin me ta warna o gen.

YEGIL MBAAX NE YEESU ne Saŋ a bindtuuna 14:23

Yeesu a doonaan ee: «Fexaxama, xan a gay fa lay es, too xan Faap es a fexin itam. Yaaga xan i ngar, ngen no ten.

1Saŋ 5:7

Yaaga koy, a jega daduk waa na seede’anan:

Saak 3:7

Wiin we a mbaaga o ndam kuu refna. A naanga o ndamaa muumeen ke fo tiiƭ ke fo ƥood ke fo liƥ ke itam.

Esayi 6:8

Maaga, nanaam o ñuxur ole no Yaal oxe layoogna yee: «An um lulkaa? Ndi an na retankaa a in?» um jaaɓ ee: «Mexey, lulaam.»

A kim a tedu ke 149:2

Fat Isra’el a felakinoox no saasak um! Kaam ee fat xeet fee Siyoŋ a njeg o ɗaay no maad den!

Mberaand 11:7

Fat i ndet njaxas lak fee den boo leng we nanirkatee fo lakas we.»

Yeremi 27:6

Ndiiki koy, mexe ɓoxotaa a saax ake nuun fop na xa ƥay Nebukadnesaar fee o maad oxe Babilon, refna o tag es, cooxan muumeen-a-koƥ ke sax, ndax da ndagooxan.

Ke bindeena no xe ne’eena YOB 35:10

Kaa koy, o leng layee yee: «Taa Roog fee sakaxama, ten fee na gimnooraa o kiin a kim a niwir kam o yeng ole,

YEGIL MBAAX NE YEESU ne Saŋ a bindtuuna 5:17

Yeesu a laya a den ee: «Faap es kaa gen no jalaa, too mi itam mexey no calel.»

A pi ake 17:20

Yaam kaa o nannooraa a in kaa i andeerna. Ndiiki koy, i mbuga o and ke keene a tekitna.»

Ke bindeena no xe ne’eena YOB 5:23

yaam xan o hiɓoor fo a ƥil ake na xa qol axe soo reer jam fo ƥaaɓaan ke no lanq ke.

Mberaand 2:19

O Yaal oxe Roog a muulit’a muumeen-a-koƥ ke fo tiiƭ ke na asamaan fop no lanq ke. Cinj kaaga, a ɓakandiida a den me no koor oxe, ndax ta and ne o koor oxe a ne’kaa a den. Oxuu refna teen, gon le o koor oxe a ferankan a ne’keel.

Esayi 45:18

O Yaal oxe saku asamaan fee, ten refu Roog fa leng kut fee fiisna lanq ke, a sip a den soo a saƭkand a den koŋ. Sakee a den koy, ndax da yoq o ƥor, ndaa ndax da ngenel. Ndiiki keeke a layu: «Mi refu o Yaal oxe. Jegee roog fa lakas.

Ke bindeena no xe ne’eena YOB 39:11

Ndax xan o hoolooxin, yaam ne ta mayna doole? Ndax xan o xaƴin fo ke waroona o jal?

A kim ale na kim ake 1:11

Xam fi’anong kumooxel wurus kaa mosandteena xaaliis fa nqoolu.