Mberaand 1:24 - NQAARIIT NE ROOG

²⁴ Cinj kaaga, Roog a laya yee: «Fat xa qos tikoorik fop a sutoor no lanq ke, muumeeniin, ƥoodiin, ƥaaɓaaniin.» Kaaga a dalfooxa jeg.

Mberaand 1:24 Referans Kwoze

Ke bindeena no xe ne’eena YOB 40:15

Ɗeetangi a Behemot fee sakuuma nen a wo. Kaa suufaa nen nqoox.

Mberaand 6:20

Ngoor fo ndew no xos oluu refna: Tiiƭ ke, muumeen ke fo ƥood ke no lanq ke, xan a ngar me wo, ndax o mucil a den.

Mberaand 8:19

Muumeen ke fop fo ƥood ke fop fo tiiƭ ke fop fo ke na yo’nooxaa took lanq ke, o xos oluu refna teen a sutooxa a kaal ale.

A kim a tedu ke 148:10

fo muumeen-a-koƥ ke fo cegel ke fo ƥood ke fo tiiƭ ke!

Ke bindeena no xe ne’eena YOB 39:5

An xaƴu o faam-a-koƥ ole ta jeg a xoox um? An guutatirandun fo kadoor?

Mberaand 7:14

den fo xa qos muumeen axe fop: Cegel ke, o xos oluu refna teen fo xa qos ƥood axe na ƥoodaa took lanq ke fop, tiiƭ ke fop fo xa qos den fo fop ke jegna a nafir too a yetaa.

A kim a tedu ke 104:23

Maaga, o kiin oxe a sutoox a jalik, a ref no faŋfaŋnaa boo yaa roog a yaarkaa.

A kim a tedu ke 104:18

A suk pambe-koƥ ake njegu xa coong xa ciig axe, soo a ƥil ake a ndef ndaɗand no damaan ke.

Ke bindeena no xe ne’eena YOB 39:19

Ndax wo ci’u pis ne doole soo dufanin jibaq no cok ole ten?

Ke bindeena no xe ne’eena YOB 39:9

Ndax naak-a-koƥ le a jaɓa jalanong? Ndax xan o fe’nin no kud?

Ke bindeena no xe ne’eena YOB 39:1

Ndax andaa waxtu fee pambe-koƥ ke a ndimaa? Ndax mosaa ga njaf, yaa ta ñootaa?

Mberaand 1:23

A yenga, a feed, ta ref ñaal ƥetkandeer ne.

Mberaand 2:19

O Yaal oxe Roog a muulit’a muumeen-a-koƥ ke fo tiiƭ ke na asamaan fop no lanq ke. Cinj kaaga, a ɓakandiida a den me no koor oxe, ndax ta and ne o koor oxe a ne’kaa a den. Oxuu refna teen, gon le o koor oxe a ferankan a ne’keel.