Mberaand 1:21 - NQAARIIT NE ROOG

²¹ Roog a saka xa qos niŋki-naŋka maak ke fo ke na ñoowaa fop too a mbeƴaa no maag ole, a sak itam o xos ndiiƭ oluu refna. Roog a ga’a yee keene tig paax oo.

Mberaand 1:21 Referans Kwoze

Mberaand 1:25

Roog a saka muumeen ke fo xa qos den, ƥood ke no lanq ke fop fo xa qos den fo ƥaaɓaan ke no lanq ke fo xa qos den. Roog a ga’a yee keene tig paax oo.

Mberaand 8:19

Muumeen ke fop fo ƥood ke fop fo tiiƭ ke fop fo ke na yo’nooxaa took lanq ke, o xos oluu refna teen a sutooxa a kaal ale.

Mberaand 8:17

Suti xa qos muumeen axe ndefna fa wo fop, tiiƭ ke fo muumeen ke fo ƥood ke. Fat da pictoor no lanq ke, a ndimik, a mayƭandik adna fee.»

A sutax ale 8:3

Kaa koy, yaal-o-and we a mbi’a leng kut ke Aaroon a fi’na too a ndokna a paaɓ kam saax le Misira.

A sutax ale 1:7

Kaa koy, Ii-isra’el we a ndimatira, a mayat bo. A ƥaatooxa too a moƴa o njeg doole. Maaga, a suxa saax le fo wiin.

Mberaand 9:7

Nuun o mat, ndimikyo, mayƭandik lanq ke.»

Mberaand 7:14

den fo xa qos muumeen axe fop: Cegel ke, o xos oluu refna teen fo xa qos ƥood axe na ƥoodaa took lanq ke fop, tiiƭ ke fop fo xa qos den fo fop ke jegna a nafir too a yetaa.

Mberaand 6:20

Ngoor fo ndew no xos oluu refna: Tiiƭ ke, muumeen ke fo ƥood ke no lanq ke, xan a ngar me wo, ndax o mucil a den.

Ke bindeena no xe ne’eena YOB 26:5

We nqaadna jaaniif owe sendaa yoora poofi ke ɗuga lanq ke fo ke genna teen.

Ke bindeena no xe ne’eena YOB 7:12

Ndax kaa um ref juwaam mbaat Niŋki-naŋka boo a tax o dalin yeeyetax me widaxama?

Mberaand 1:31

Maaga, Roog a ga’a yee ke ta fi’na fop paax oo. A yenga, a feed, ta ref ñaal ɓetuu fa lengandeer ne.

Mberaand 1:18

a saq ñaal ne fo yeng ole, a nqaaj itam a qoolaand ale fo o niɓaan ole. Roog a ga’a yee keene tig paax oo.

Mace 12:40

Ne Yoona a refit’ina no fud liƥ maak boo a jeg ñaal tadik fo xa yeng den, neene o Ƥeenqe no kiin oxe a refitkaa kam lanq ke boo a jeg ñaal tadik fo xa yeng den.

Heseki’el 32:2

«Wo fee o ƥiy no kiin, yoɗani a Firawon fee o maad Misira a kim a ƭomatax! Fat o lay ee: Kaa o nandtoogu o njogoy o njanglax ndeer a saax ake, ref nen fa noox kam xa maag axe. Kaa o balnoogu xa quluɓ axe wo, noottaa poofi ke a caf of, jiqtaa a kal ake den fop.

Yoona 2:10

Mi o mat, xam ɓoxotong sadax, yoonandtin a kim a kidmir, soo fadin ke regoonga boo ƴut, yaam a muc na wo a hataa, wo o Yaal oxe.»

Mberaand 1:20

Roog a layahina yee: «Fat tikoorik a mbeeñ no poofi ke, tiiƭ a ƭisit a lanq, a yetaa ɗuga asamaan fee.»

Mberaand 1:22

Roog a barke’a a den ee: «Ndimikyo, siw too mayƭandik poofi ke na xa maag axe. Fat tiiƭ ke itam a siw took lanq ke.»

Mberaand 9:2

Muumeen ke na koƥ ale fop fo tiiƭ ke na asamaan fop fo ke na ɓoodaa a lanq fop fo liƥ ke no maag ole fop xan a ndiidaa a nuun, a saɗar a nuun.

A kim a tedu ke 148:7

Simatyo o Yaal oxe, nuun we ndefna took lanq ke! Simateenoo, nuun ƥaanoor ke no maag ole fa juwaam fee!

Mberaand 2:19

O Yaal oxe Roog a muulit’a muumeen-a-koƥ ke fo tiiƭ ke na asamaan fop no lanq ke. Cinj kaaga, a ɓakandiida a den me no koor oxe, ndax ta and ne o koor oxe a ne’kaa a den. Oxuu refna teen, gon le o koor oxe a ferankan a ne’keel.

Ke bindeena no xe ne’eena YOB 12:7

O laamtangaa muumeen ke, xan a njangnong, o laamit tiiƭ ke, da aqatinong,