Nu ndaxaaƴooxangaa na asamaan fee, nga njeeƈ ne fo o nqool onqe fo xa qoor axe, tig oo tig ke na asamaan fop daal, baa riñ a nuun nu ngungaa mbaambir den, mbaɗooxaa a den. O Yaal oxe Roog kaa xaƴan qeet lakas ke fop no lanq ke a pi akeene.
Yoɗyo a kid nuun took too ƭeet! An saku kene fop? Ten refu oxe na fokataa a den ne da mbodeena fop. Kaa xoyaa a den fop, oxuu refna ta taar no gon um na pexey sañ-sañ um fa maak fa doole um fa njegu katil. Jegee o leng na den oxaa ta weecna.»
A qoor ale xan a gaci, soo njeeƈ ne a sed, yaam o Yaal oxe Hupna fop xan a maadoox took o joong ole Siyoŋ, na Yeerusaleem, too xan o ndam um a meleƈ na kid no maak we.
«Ndak fo ndak, a cinj coono fa maak faaga, xan njeeƈ ne a nuk, a qoor ale a niifaar, soo xa qoor axe a yenit na asamaan, too xan katil ke ndefna na asamaan a yo’noox.
Keeke o Yaal oxe a layu, ten oxe na ci’taa njeeƈ ne, ndax ta xoolandaa ñaal ne, a heblaa o nqool onqe fo xa qoor axe, ndax da nqoolandaa o yeng ole, a jumbandaa o maag ole boo a yag-ee-yag ake a ndititaa, ten oxe gon um a refna o Yaal oxe Hupna fop: