Mberaand 1:14 - NQAARIIT NE ROOG

¹⁴ Roog a layahina yee: «Fat kaa na nqoolandaa a ndef na asamaan, ndax da nqaaj ñaal ne fo o yeng ole, a ndefik itam ke na limteel camaane ke fo ñaal ke fo xa kiid axe.

Mberaand 1:14 Referans Kwoze

A cangatin ale 4:19

Nu ndaxaaƴooxangaa na asamaan fee, nga njeeƈ ne fo o nqool onqe fo xa qoor axe, tig oo tig ke na asamaan fop daal, baa riñ a nuun nu ngungaa mbaambir den, mbaɗooxaa a den. O Yaal oxe Roog kaa xaƴan qeet lakas ke fop no lanq ke a pi akeene.

Yeremi 31:35

Keeke o Yaal oxe a layu, ten oxe na ci’taa njeeƈ ne, ndax ta xoolandaa ñaal ne, a heblaa o nqool onqe fo xa qoor axe, ndax da nqoolandaa o yeng ole, a jumbandaa o maag ole boo a yag-ee-yag ake a ndititaa, ten oxe gon um a refna o Yaal oxe Hupna fop:

A kim a tedu ke 148:3

Simateenoo, nuun njeeƈ ne fo o nqool onqe! Simateenoo, nuun xa qoor axe na meleƈaa fop!

A kim a tedu ke 148:6

Kaa dalin a den bo na moos boo moos, a sipan a den kebil kaa da ƭapkeerna.

Amos 5:8

An saku xa Kulook axe fo Ndaalaand ne? Kaam ee, an saku xa qoor axeene? An na suttaa mbeet no niɓaan, ñaal ta dugandtin o yeng, a fokat poofi ke no maag ole, soo a picit a den took lanq ke? Mee ndax ten ne’e o Yaal oxe!

Yeremi 10:2

O Yaal oxe kaa tee: «Ba nu laal a pesoorooƭ ale no qeet ke, too ba nu send mbaambir xa anddiloor axe na asamaan, ne qeet ke a sendtaa mbaambir den.

A kim a tedu ke 81:3

Nqaanyo, yo’in ñal le, mbak o nqilimb o mbelu, nquus riiti le.

Mberaand 8:22

Feek lanq ke we maadaa, a tuup fo a saxad, a ƥuuɓ fo a sumaan, ñaal fo o yeng ñakkatee muk.»

Esayi 40:26

Yoɗyo a kid nuun took too ƭeet! An saku kene fop? Ten refu oxe na fokataa a den ne da mbodeena fop. Kaa xoyaa a den fop, oxuu refna ta taar no gon um na pexey sañ-sañ um fa maak fa doole um fa njegu katil. Jegee o leng na den oxaa ta weecna.»

Mace 24:29

«Ndak fo ndak, a cinj coono fa maak faaga, xan njeeƈ ne a nuk, a qoor ale a niifaar, soo xa qoor axe a yenit na asamaan, too xan katil ke ndefna na asamaan a yo’noox.

Amos 8:9

A koom, xam fi njeeƈ ne a mud yaa ta fodna ndeer xoox, o niɓaan a joot took lanq ke njoloor o mbuc. Mi o Yaal oxe na refkaa boo faw layun.

Yowel 2:10

Lanq ke kaa sendaa mbaambir den, asamaan fee a yo’noox, njeeƈ ne fo o nqool onqe a nuk, soo xa qoor axe a ñak a qoolaand den.

Yeremi 33:20

«Keeke layum, mi o Yaal oxe: A soƥangaa yee nu mbaaga o ñuf bargal es ke dalnanuuma ñaal ne fo ke dalnanuuma o yeng ole, boo ndefkatee ñaal fo o yeng na waxtu fee da ngapeena,

Mbeeñil 6:12

Cinj kaaga, ga’aam o Mbaal onqe a ñaƥtaa o ñaas ɓetuu fo lengandeer ole. Maaga, a jeg’a yo’nax lanq maak, njeeƈ ne a ɓalig ɗok nen ndoki ñaawoor, a qoor ale a yaxig coy nen fo’oy,

Mace 2:2

«Taa o maad oxe no Yaawuur we sogeena o rim? Kaa i nga o xoor um no batand boo ten taxu i ngar ndax i mbaɗooxin.»

Heseki’el 46:1

Keeke o Yaal oxe na refkaa boo faw a layu: «O don-maax ole no maax-kam ole faambirna no batand xan a wegeel no ñaal ɓetuu fa leng ke na njalteel, ndaa xan a wetel na bes fee na ñootnax ale, a wetel itam na xew fee no nqool o ndeɓ onquu refna.

Yeremi 33:25

Kaa koy, keeke layum, mi o Yaal oxe: Um dalin’angee bargal es fo ñaal ne fo o yeng ole, dalin a leem ake na asamaan fo no lanq ke,

Ke bindeena no xe ne’eena YOB 25:5

A soƥangaa kañ ee a qoor ale xooleeru, soo xa qoor axe a niifaar na kid um,

Mberaand 9:13

Mexe doonaa a ñang-ee-ñang es na eel ake, ta ref o anddiloor ngiɓoor ne ndeer es fo lanq ke.

Mbeeñil 8:12

Cinj kaaga, malaaka fa nahkandeer fee a luuƥa. Naaga, a qaaj a tadkandeer ale na qoor ale fo ale na xa qoor axe a nqawe, boo oxuu refna na den, a qaaj a tadkandeer ale na qoolaand um a mo. Jeg’atee a qoolaand na qaaj a tadkandeer ale no ñaal ne fo ale no yeng ole.

YEGIL MBAAX NE YEESU ne Lik a bindtuuna 23:45

Njeeƈ ne a dalfooxa o nuk, too mbaƴ naa fegit’eena o Mbiñ o tedu nqaa no Mbind Roog naa, a naagta faceet took boo a sipoox a lanq.

Mark 13:24

«Kaa koy, no ñaal kaaga, cinj coono fa maak faaga, njeeƈ ne xan a nuk, a qoor ale a niifaar,

Heseki’el 46:6

Na bes fee no nqool o ndeɓ onqe, xan a sadaxit nqoox ndeɓ naa jegeerna sik, paal ɓetuu fa leng fo suk mbaal njegeerna sik.

A kim a tedu ke 119:91

Ke simtoona taxu fop a ref boo xaye, too wo sake le fop a refanu.

Ke bindeena no xe ne’eena YOB 25:3

Ndax xiixire we ten a njega hap? Ndax a jega took no xaa a qoolaand um a meleƈkeerna?

Ke bindeena no xe ne’eena YOB 3:9

Yaasam baa o xoor mbeet ole a meleƈ took um, too baa yakaƥaar a qoolaand ale, a ñak o ga mbeet ne a leeliidaa,

Mbeeñil 9:2

Maaga, o xoor ole a weta a ngas fiɗel alaa, too fo suun olaa nandna nen fo suun ndoxand a sutoorta teen boo a niifaarin njeeƈ ne fo nqeñ ne.

Mberaand 1:13

A dakooxa o yeng, a feed, ta ref ñaal ndadkandeer ne.

Mberaand 1:15

Fat a mbod na asamaan, a nqoolandaa lanq ke.» Kaaga a refta naaga.

A kim a tedu ke 150:1

Haleluyaa! Simatyo a Roog kam o mbiñ o tedu nqe ten, simateenoo no kuul ne na laltaa doole um!