Mberaand 1:11 - NQAARIIT NE ROOG

¹¹ Roog a laya yee: «Fat lanq ke saq a nap fo daaƭ laa saqna ax fo xa qos taxar tiirim kaa na njegkaa ax.» Kaaga a jegta naaga.

Mberaand 1:11 Referans Kwoze

Hebre 6:7

Boo andoona yee lanq a nquƥa sap yaam a ndeɓel ne waritna, soo a sax daaƭ laa jegna o njiriiñ no xe xooxuuna, yaaga a ndaawa na barke fee Roog.

A kim a tedu ke 147:8

O ten na muurtaa asamaan fee a eel, a jagandanaa lanq ke a teƥ, soo a jolnaa daaƭ le took xa coong axe fo tuufe-duufe ke na njiriiñaa o kiin.

Mberaand 1:29

Roog a layahina a den ee: «Daaƭ le fo taxar ke na ndimaa fop, cooxaanum a nuun, da ndefik ñoowir nuun.

Mberaand 2:9

O Yaal oxe Roog a saxna maaga xa qos taxar fop, da njeg a safaan, a mbel o ñaamel, ndaxar ne no ñoow ole fo ndaxar ne na andnooraa paax fo paaxeer a ndef a ndeer ale.

Mark 4:28

Lanq ke soom na saxnaa ke duufeena: O kangafaan ole na eetaa o sutoox, o yaƥ ole a doonoox, soo pep ke a mbeeñit no yaƥ ole.

Mace 6:30

Roog a ñirtangaa neene daaƭ le na xa saawit axe, andoona yee a refangaa xaye, o feet ta deɓel no ngañ, ndax moƴkee o ñir a nuun? Nuun soo neew o ngim!

Ke bindeena no xe ne’eena YOB 28:5

Lanq ke andoona yee teen ñaamel a ngataa, yoora den kaa sufaaltel fiɗel.

A kim a tedu ke 1:3

Oxeene kiin kaa ref nen ndaxar njimbe paam o ƈufnand foofi, a rimaa na waxtu um, a gen no neepaa kili. No kuu ta rokna rek, xan a ñaaƴ.

Mberaand 2:5

o mbafid onqe moƴna o neew sax reeƭee took lanq ke, daaƭ leng sax’afulee teen, yaam o Yaal oxe Roog deɓ’afulee too o kiin o leng jeg’afulee ndax ta xoox lanq ke.

Saak 3:12

Fog es, ndun rimkee xa ariƈ, too ariƈ rimkee xa tun. Foofi fo fel hatkee na foofi fo xanju.

Mace 3:10

Ndiiki, ɓaax le a sipe na puƭ ake no taxar ke. Ndaxar nuu rimkeerna xa tim xa paax, xan a godel, a deɓel kam fiɗel laa.

Yeremi 17:8

Kaa nand nen ndaxar njimbe paam poofi, a joobnaa a paƴ um farna fo a ƈufnand ale. Saɗaree yaa a sumaan ale a garna, soo saqit um a gen no neepaa. No hiid o feñ sax naagee jaaxɗaa, too kaa gen no rimaa.

Mberaand 2:16

O Yaal oxe Roog a hebla o koor oxe yee: «Waagaa o moɗ xa tim axe no taxar ke na ƭing ale fop,

1 Korint 15:38

Roog a cooxin cer kaa mbeluuna, tuufe-duufe kuu ndefna, ta cooxin cer ke ta jilanuuna.

Mberaand 1:12

Lanq ke a saxa a nap fo o xos daaƭ oluu refna fo ax um fo o xos ndaxar oluu refna fo ax um. Roog a ga’a yee paax oo.

Esayi 61:11

Yaam ne lanq ke a suttaa col ke mbaat ne a ƭing a saxnitaa ke duufeena teen, neen o Yaal oxe na refkaa boo faw a saxnitkaa o cofel fo a simat mbaambir a saax ake, ne da mbodeena fop.