Mbeeñil 9:3 - NQAARIIT NE ROOG

³ Tooroog a sutoorta no fo suun ole, soo a pasaroox took lanq ke fop. Tooroog keene a ci’e doole faa nandna nen daŋat a beex.

Mbeeñil 9:3 Referans Kwoze

Mbeeñil 9:5

Tooroog ke ci’’aand ndax da mbar wiin weene, kaa ci’’el o toroxand a den boo a qool a ƥetak. Toroxand ne da ndoonoogna wiin weene kaa nand’u nen a ƭomaand ŋat a beex.

Yowel 1:4

Ke kusax ke a nqaƴna, soƈ ke a ñaamaan, ke soƈ ke a nqaƴna, xa benq axe a ƥuusaan, ke xa benq axe a nqaƴna, tooroog ke a nduudnaan.

Yowel 2:25

O Yaal oxe kaa tee: «Xam rafooxan a nuun xa kiid axe soƈ ke fo xa benq axe fo tooroog ke fo kusax ke a ñaamna, xiixire mayu we mi hebliid’uuma took nuun.

A cangatin ale 8:15

A ñaaƴnoora a nuun na koƥ-a-ƥor a maak a saɗarnooxu le pangool cegu daŋat fo a beex a ngenna. Kaa koy, no lanq beeru koroŋ keene jegeerna o mboofi, a balnanta a nuun foofi no ɓil saƭku koŋ.

1 Maad we 12:11

Faap es a roxond’a a nuun a toq a meɗu, mi koy, xam roxond a nuun a toq alaa moƴna o meɗ. Faap es xa yar a yartoogu a nuun, mi koy, xa cap axaa ƭomitna nen ŋat a beex um yaritkaa a nuun.› »

Haahate we 7:12

Maamajan we, Aa-amalek we fo molaan lakas we no batand fop kaa naang’u gañ kam a yulanq alaa nen tooroog pagkatar, too keeleemb ke den mbaagaand o lim, yaam a mayit nen pep lanq na ƥeeraamb o maag.

YEGIL MBAAX NE YEESU ne Lik a bindtuuna 10:19

Nan-gilooxyo: Ci’aam a nuun sañ-sañ faa nu ñaaƴtaa took ƥood ke fo a beex ake fa katil ke no pañ oxe fop, too dara waagkee o gaañ a nuun.

Nahum 3:17

Gelwaar we wo kaa nand nen soƈ, kelfa ke wo a nand nen muƈ tooroog kaa ndongna na xa ƭiiɗing yaa fo a ƥuuɓ. Njeeƈ ne xaa aayaa rek, da yet, too o leng andkee me da nqotna.

Nahum 3:15

Yaqanee koy, xan fiɗel a raaɓong, laƥ a moocandong, a ñaamong nen tooroog kaa na nduudnaa. We ngenna me wo kaa mayit’u nen muƈ tooroog.

Heseki’el 2:6

Wo fee o ƥiy no kiin, ba o saɗar a den, too ba o saɗar fa lay den, ke o refkaa ref a ndeer takar-ñiig fo tomb soo moof fo a beex fop oo. Ba o saɗar fa lay den too ba o send mbaambir mukit den, yaam xeet fa mbaafañ a ndefu.

Esayi 33:4

Kalal ke den fop xan a ngifel nen kaa soƈ a nduudinna, a ngindrel nen ngindir tooroog.

2 Caloori ke 10:11

Faap es a roxond’a a nuun a toq a meɗu, mi koy, xam roxond a nuun a toq alaa moƴna o meɗ. Faap es xa yar a yartoogu a nuun, mi koy, xa cap axaa ƭomitna nen ŋat a beex um yaritkaa a nuun.› »

2 Caloori ke 10:14

ndax a reef ke xa pes axe a as’uuna. O maad Rehabewam a laya a den ee: «Faap es a roxond’a a nuun a toq a meɗu, mi koy, xam roxond a nuun a toq alaa moƴna o meɗ. Faap es xa yar a yartoogu a nuun, mi koy, xa cap axaa ƭomitna nen ŋat a beex um yaritkaa a nuun.»

Mbeeñil 9:7

Tooroog keene kaa nandtaa pis kaa kesaneena xire, a saq o ndip onqaa nandna fa wurus na qoox den, soo mukit den a nand fo mukit no kiin.