Mbeeñil 9:21 - NQAARIIT NE ROOG

²¹ Wiin weene koy, mbes’ee a cinj barir fo pan fo ceeq fo kuuƭ.

Mbeeñil 9:21 Referans Kwoze

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

Mbeeñil 22:15

Kaa koy, we na mbi’aa cednooxu fo fan we fo we na seeqaa fo waawar we fo juujuur we fo fop we mbexna o maaɓaa na fa lay fo na pi, o leng na den rokkee na teeru fee muk.

Mbeeñil 17:5

Gon a bind’e na tagid um, ndaa kunpa a reeƭu. Gon kunpa’u leene refu: «Babilon fa maak, yaay fee na caga ke, a ref yaay no wiin we na mbi’aa cednooxu.»

2 Korint 12:21

Kaam saɗaraa sax ee um fadiidangaa, xan Roog es a toroxandahinaam yaam nuun. Pexey es fop a refkaa rek um loolaa took no we miñna o mbakaadaa, too a mbañ o ndicoox qoolaƭaru ke fo ceeq ne fo caasaay ne da ñoowtaa.

Mbeeñil 17:2

Maad we na adna fee a seeqa fo ten, soo we ngenna na adna fee a mbay fa biiñ fee ten refna ceeq.»

Mbeeñil 18:3

A yerna qeet ke fop biiñ fee ten refna ceeq. Maad we na adna fee fop a seeqa fo ten, soo jiijikax we na adna fee sax a njegit halal no neq um.»

Esayi 47:9

No ñaal leng kut ne, ndeer ñaf fo ƭeet, tig ƭik kene xan a ndalong: xan o ñak xa ƥeef soo refat o ñaaw. Keene xan a ndalong boo ta dey sik, ke mayoona may pannax fa doole fee no ñango of fop oo.

Mbeeñil 16:6

Yaam kaa ƥax fo’oy le no we mbogna na Roog fo le no duleer we. Ndiiki koy cooxaa a den fo’oy fo yerel. A ndaawa a las den!»

Mbeeñil 14:8

Malaaka fa ƭikandeer a reefana fa eetaand fee, a lay ee: «Koo a jiƭtooxa, a jiƭtooxa yoo! Babilon fa maak fee yerinna qeet ke fop biiñ fee ten, refna a yaaw a paaxeer ake na seeqnooraa.»

Galati 5:20

fo a cuur pangool fo pan. Kaa taxaa itam wiin we a mbaagraƭar, a nqasraa, a mat a qeeñ, a mbuuxanraa, a ngendandooraa, a nqaajooraa, soo a mbi’aa fo mbokatax fo sayooxu.

Mace 15:19

Yaam a qalaat a paaxeer ake fo barir ke fo ceeq ke fo pesanir ke fo kuuƭ ke fo seede paaxeer ke fo a ben ake fop, no xeeñ a inooraa.

Esayi 57:3

«Matiidyo mene, nuun lakas we, xa ƥiy no tew o naq oxe nu ndefna, xeet fa mbeefes fee fo fa njaga’u fee.

Esayi 47:12

Dami no pan of boog fo no ñango of keene jang’oona fo a koorgoorlax a maak no kaa xotitna no ndeƥandoong of. Xeƈa xan o xotit teen o ndimle mbaat o diidland muj fa mbaaxeer fee.

Mbeeñil 19:2

Kaa hate’taa ndigil fo o cofel, yaam a hate’a a caga maak ale naxtoogna adna fee ceeq.»

Mbeeñil 13:15

Ɓaanoor fa ƭikandeer fee a ci’e o ɓek o laaw olaa na fiɗaa no nitaal ne nandna fa Ɓaanoor, ndax nitaal neene a waag fa lay, a waag o fi boo we mbaɗooxkeerna nitaal ne nandna fa Ɓaanoor a nqon.

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

Dañel 11:33

We njegna o and na xeet fee xan a aqatin wiin mayu. Kaa koy, no ngap o miñeer xan a jeg na den waa ñoot den a nquufkeel, wene a ndoxel boo riw, wene a ƥekel kaso, wene a njangalel.

Mbeeñil 13:13

Ɓaanoor fa ƭikandeer feene kaa fi’oogu xa anddiloor xa maak: A fudnitiidooga fiɗel na asamaan, ta yeniid a lanq mbaambir a kid ake no wiin we.

Mbeeñil 13:7

A ci’e o maafir fo we mbogna na Roog, ndax ta maaf a den. A ci’e sañ-sañ no tim oluu refna fo no saax luu refna fo na lak fuu refna fo na xeet fuu refna.

Mbeeñil 9:20

We yoq’ina no wiin we too nqonee no taamaala keene koy, mbes’ee a cinj xa taaƴ axe da mbi’’ina Roog den. Kaa ngen’u no mbaɗooxaa cini ke fo xa taaƴ wurus fo xa taaƴ xaaliis fa nqoolu fo xa taaƴ xanjar fo xa taaƴ ɓil fo xa taaƴ a teex axaa mbaageerna a ka, mbaagee fa nan, mbaagee a ñaaƈ.

Mbeeñil 17:4

O tew oxe koy kaa rokoox’u ndoki daalde mosu, soo a yipoox wurus fo a ƥil a cafeñu a mosu fo xa peme. A deegoox’a itam o mbeeƭ wurus onqaa mayna fo cednooxu ƥor ke ta seeqtaa.