Mbeeñil 9:11 - NQAARIIT NE ROOG

¹¹ A njeg’a koy o maad oxaa fodanna a den no xoox le. Ten reeƭu malaaka fee na ngas fiɗel ale, ne’eena na hebre Abadon soo na gerek ta ne’el Apoliyon.

Mbeeñil 9:11 Referans Kwoze

Ke bindeena no xe ne’eena YOB 26:6

Jaaniif kaa naag fuc ee ƭuc mbaambir Roog, too o sayoom sax singiran gamb le na saŋkax ale.

Efees 2:2

Kaa nu ndeefanoogu boog o ñoowooƭ ole na adna fene, nananaa oxe kelfa’na cini ke ndefna ndeer asamaan fa lanq. Ndiiki, yiif faaxeer leene kaa jalaa no wiin we nananeerna a Roog.

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

YEGIL MBAAX NE YEESU ne Saŋ a bindtuuna 16:11

a lal a den hate, yaam o maad adna feeke a hate’e boo a ƴut.

YEGIL MBAAX NE YEESU ne Saŋ a bindtuuna 14:30

Fa lay es fa nuun maykatee, yaam o maad adna feeke a inooxa, ndaa koy waaganiraam dara.

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

1Saŋ 5:19

I anda yee na Roog i mbogu, too adna fee fop oxe na sañ-sañ fee no paaxeer oxe.

1Saŋ 4:4

Nuun xa teɓandoong es, na Roog nu mbogu, too nu maafa duleer maamaaɓ weene, yaam oxe refna na nuun hupu oxe refna na adna fee.

YEGIL MBAAX NE YEESU ne Saŋ a bindtuuna 12:31

Ndiiki koy, adna feeke a hate’e, o maad adna feeke a deɓel tafil.

Mbeeñil 12:9

Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

Ke bindeena no xe ne’eena YOB 28:22

Yaq fee fo fa nqon fee kaa dee: «Kaa i nan doŋ ta layteel.»

Ke bindeena no xe ne’eena YOB 31:12

Kaa refkoogu fiɗel laa na raaɓaa, a yaqaa fop, a sooyin fop ke lanq es a mbatna.

A kim a tedu ke 88:11

Ndax naagaa o fi’anaa xon we njomlaand? Ndax we ñakna xan a inoox, a simatong? A maaf

Xa peƭit axe 15:11

O Yaal oxe a anda ke na xewaa kam ee kam jaaniif, nam boog a anditkeeru ke refna no yiif no kiin!

YEGIL MBAAX NE YEESU ne Lik a bindtuuna 8:31

Cini kaa a nqeɗooxa a Yeesu, too a layin ee: «Ko ndeeg ba o ɓis a in na ngas fiɗel alaa.»

YEGIL MBAAX NE YEESU ne Saŋ a bindtuuna 5:2

Na teeru faa Yeerusaleem koy, a jeg’a ndokand naa ne’eena Ndokand ne no paal ke. Paam ndokand naaga, a jeg’a o ul o maxe. Yaawuur we kaa nqoyoogun Betesda, too a jeg’a a qul a ƥetak akaa ndeeruuna, a ƭiiftel kaa fi’na nen jibir faa geenniteena a toodook.

Mbeeñil 16:16

Cini ke kaa mbokat maad we no mbiñ onqe na xoyeel na hebre: Harmagedon.