Mbeeñil 8:7 - NQAARIIT NE ROOG

⁷ Malaaka fa eetaand fee a luuƥa, too kaa nandna nen a kalam a ƥuuɓu fa fiɗel laa fokatoorna fo fo’oy a yuuriida a lanq. Keene a taxa boo a qaaj a tadkandeer ale no lanq ke fo ale no taxar ke fo daaƭ le na xuƥaa fop a dox.

Mbeeñil 8:7 Referans Kwoze

Mbeeñil 9:4

Kaa lay’el ee ba nu ndaaɓ daaƭ le mbaat ke duufeena mbaat taxar ke took lanq ke. Toroxandyo rek wiin we njeg’eerna o ñaas ole Roog na tagid den.

Heseki’el 38:22

Xam layoor fo ten na pexey piste fo fo’oy. Xam ɓisiid mbuyaam maak fo a kalam a ƥuuɓu fo fiɗel fo nqeen took um, took a yaj no xiixire ke ten fo took qeet pagkatar ke yoonna fo ten.

Mbeeñil 9:18

A qaaj a tadkandeer ale no wiin we a saŋkooxa no taamaala tadik keene ndeeƭna fiɗel le fo fo suun ole fo nqeen ke sutooroogna no don den.

Mbeeñil 9:15

Maaga, malaaka nahik ke njagandan’eena waxtu feene fa bes feene fo o nqool onqeene fo o hiid oleene a mbokte, ndax da saŋik a qaaj a tadkandeer ale no wiin we.

Esayi 28:2

O Yaal oxe xey a hebliidaa o koor o cegu doole too a jambaar, a nandtaa a teƥ a kalam a ƥuuɓu, a und a yaayaq, mbuyaam njegu doole naa na ɓaxooxaa nen o jaɓ, a maafaa junjang a lanq fop.

A kim a tedu ke 105:32

A deɓana a den a kalam a ƥuuɓu fo aal fiɗel kam saax den.

Mbeeñil 16:21

Maaga, a kalam a ƥuuɓu kaa andoona yee o meɗel den a fi’’a ngap kilo qarɓeen nahik, a yentiidooga na asamaan, a ndalaa took no wiin we. Weene a ndefata no mbenaa a Roog, yaam taamaala fee a teƥ aleene a fi’oogna. Taamaala feene koy, a ɗom’a lool.

Esayi 32:19

A kalam a ƥuuɓu ke xan a ngaak suungaan le, teeru fee a gefel tuƈ.

Esayi 30:30

O Yaal oxe xan a jibin o ñuxur o jegu o ndam ole ten. Xan a lalit o ɓay um ole na fudooxiidaa kam fuux maak le ten fo kam aal fiɗel laa na raaɓaa fo kam mbuyaam njegu doole fo kam a und a maak fo kam a kalam a ƥuuɓu.

Esayi 29:6

o Yaal oxe Hupna fop xan a muclitong ƭuuɗ fo yo’nax lanq fo fangax maak fo nqeñ fo a und a maak fo aal fiɗel laa na raaɓaa.

Yosuwe 10:11

Ye da ƈufaa Ii-isra’el we boo a mbadiid na pudnand alaa Bet-Horon, o Yaal oxe a deɓtiida na asamaan a kalam a ƥuuɓu a maak, da yenaa took den boo Aseka, a mbaraa a den. We a kalam ake a mbar’ina moƴ’u o may we Ii-isra’el we a mbarit’ina laƥ.

Mbeeñil 16:2

Malaaka fa eetaand fee a gara, a ɓax o mbeeƭ um a lanq. Maaga, a ƭoy a paaxeer a ƭomu a ndama wiin we saq’ina o ñaas ole Ɓaanoor, too a mbaɗooxoogu nitaal ne ten.

Mbeeñil 12:4

A laca fo a las um na qaaj a tadkandeer ale na xa qoor axe na asamaan, a yurdiid a den a lanq. Niŋki-naŋka a geenooxa paam o tew oxe gaajooxoogna, ndax oxaa mucaa ta ƴax o nqeq onqe.

Mbeeñil 6:8

Ɗeetaam too ga’aam pis bari siindiin. Oxe ŋaayuuna, fa nqon a ne’e, soo jaaniif a reefanin. A coox’e sañ-sañ na qaaj a nahkandeer ale no lanq ke, ndax ta saŋkit wiin we laƥ fo biim fa piste fo na pexey ƥaaɓaan ke no lanq ke.

1 Piyeer 1:24

Yaam a binde yee: «Cer kuu ndefna kaa nand nen daaƭ, soo o ndam um fop a ref nen piɗ daaƭ. Daaƭ le xan a weer, soo piɗ ke a yen a lanq,

Saak 1:11

Njeeƈ ne a sumangaa, kaa doxaa piɗ ke, a naf ake a ƥooroox, piɗ ke a sam, o mosel den a mo. Neene o yaal halal oxe a sooƴitkaa kam kos-kos um.

A sutax ale 9:33

Maaga, Moyiis a sutooxa mbind Firawon fee, a ret tafil teeru faa, a yoɗ xa ƥay um farna fo o Yaal oxe, a xeɗin. Ƭuuɗ ke a ngeenoox, soo a teƥ ale na kalam a ƥuuɓu ke a simid.

Mbeeñil 7:1

Yaa kaaga a faafna, ga’aam malaaka nahik kaa ngeenooxna na xa saax xa nahaq axe no lanq ke, a pokoox qeñ nahik ke, ndax nqeñ leng wuuɗkatee took lanq ke mbaat no maag ole mbaat took ndaxar.