Mbeeñil 8:5 - NQAARIIT NE ROOG

⁵ Cinj kaaga, malaaka fee a janga o njaq onqe, a naqit fiɗel no sadaxand ole, a yipin teen bo ta may, soo a deɓin a lanq. Naaga, a jeg’a ƭuuɗ fo fangax fo xa kiiñaand fo a yo’nax lanq.

Mbeeñil 8:5 Referans Kwoze

Mbeeñil 11:19

Maaga, Mbind Roog ne na asamaan a dalfooxa o wetoox, soo arka ne no ngiɓoor ne a feeñit kam fee. A jeg’a xa kiiñaand fo pangax fo ƭuuɗ fo a yo’nax lanq fo a teƥ a kalam a ƥuuɓu.

Mbeeñil 4:5

Xa kiiñ fo fangax fo ƭuuɗ a sutoortooga no gamb no maad le. Xa cam ɓetaa ƭaq a ngeƥand’e mbaambir gamb no maad le. Xa cam axeene ndeeƭu a yiif ɓetaa ƭaq ake Roog.

A pi ake 16:26

Ndak fo ndak, a jeg’a yo’nax maak no lanq ke, too fer laa na kaso faa a ɗega. Na waxtu faaga sax sax begax ke a mbetooxa, too a ceng ake no waa ndam’eena fop a ndaƈtooxa.

Esayi 29:6

o Yaal oxe Hupna fop xan a muclitong ƭuuɗ fo yo’nax lanq fo fangax maak fo nqeñ fo a und a maak fo aal fiɗel laa na raaɓaa.

A kim a tedu ke 18:13

A eel a sutoorooga na qoolaand ale adooxan’uuna, soo a kalam a ƥuuɓu fo a kaagaañ fiɗel a yurdoortaa na den.

A paɗax ale 16:12

Fat a jang o njaq onqaa mayna muut fo a kaagaañ fiɗel akaa naqteena took o sadaxand ole refna mbaambir es, mi o Yaal oxe, a naq itam xa ƥay xa ƭaq cuuraay fa mbelu tuñ faa fi’na mbiɗel. Fat a ɓis keene fop kaltaa mbaƴ ne fegna o mbiñ onqe moƴna o ted.

Mbeeñil 11:13

Na waxtu faaga, a jega a yo’nax lanq a cegu doole, too a qaaj xarɓaxayandeer ale na teeru faa a girdooxa. Wiin cuni ɓetuu ƭik a nqona na yo’nax alaaga no lanq ke. Lakas waa koy kaa ndiid’u boo a ƥoxotaa a Roog fee na asamaan o ndam.

Mbeeñil 6:12

Cinj kaaga, ga’aam o Mbaal onqe a ñaƥtaa o ñaas ɓetuu fo lengandeer ole. Maaga, a jeg’a yo’nax lanq maak, njeeƈ ne a ɓalig ɗok nen ndoki ñaawoor, a qoor ale a yaxig coy nen fo’oy,

A pi ake 4:31

Yaa da nqeɗna boo a ƈut, lanq kaa no mbiñ onqaa da moof’ina a yo’nooxa. Den fop a maya fo Yiif Tedu le, a yegnitaa fa lay fee Roog fo njambaar.

YEGIL MBAAX NE YEESU ne Lik a bindtuuna 12:49

«Fiɗel kaƥniidum na adna fee, too bugaam tigi ta fi ƈulfaan.

Mace 24:7

Xan saax a inooxan saax, maat a inooxan maat, too xan a jeg qeex fo yo’nax lanq na saax a mayu.

Esayi 66:6

Nan-gilooxyo fangax lene na inoortiidaa na teeru fee, a hatiid no Mbind Roog ne: O Yaal oxe na ɓoxotaa fañ um ke jagna fa den.

Esayi 30:30

O Yaal oxe xan a jibin o ñuxur o jegu o ndam ole ten. Xan a lalit o ɓay um ole na fudooxiidaa kam fuux maak le ten fo kam aal fiɗel laa na raaɓaa fo kam mbuyaam njegu doole fo kam a und a maak fo kam a kalam a ƥuuɓu.

1 Maad we 19:11

O Yaal oxe a layaan ee: «Sutooxi geenoox took o joong ole mbaambir es, too xam jooniid.» Ndak fo ndak, a und a maak a cegu doole a xeñiida, a qaacaa xa coong axe, a moxoñaa a ƥil ake, a adooxan o Yaal oxe, ndaa o Yaal oxe reeƭee kam a und alaa. A cinj a und ale, a jeg’a a yo’nax lanq, ndaa o Yaal oxe reeƭee kam a yo’nax lanq alaa.

Sakari 14:5

Xan nu naang futuxtux, ndeef na yulanq ale ndeer xa coong axe, retna boo a damik Asal. Xan nu ƈuf ne daan nuun a ƈufit’ina, yaa lanq kaa a yo’nooxna, a soƥ Usiya a refaa o maad Yudaa. Maaga, o Yaal oxe Roog es xan a gar, a yoon fo tedu we ten fop.

Yeremi 51:11

Lakyo a kas ake, mayƭand a tungaar ake! O Yaal oxe a xiira maad we Medi na xire, yaam kaa bug o gef a Babilon tuƈ. Ndabdinax no Yaal oxe yoo, ndabdinax ne na yaq fee no Mbind ne ten.

A sutax ale 19:16

No nqes naa, no ñaal ndadkandeer naa, a jeg’a ƭuuɗ fo xa kiiñaand, too eel niɓu a fudooxa took o joong olaa. A luuƥ a jiba a maak, too xeet faa fop ndeeƭna kam saŋe naa, a ndiid’a boo a sendaa.

Mbeeñil 8:3

Malaaka fa lakas a gara, a geenoox paam o sadaxand ole, a saq o njaq wurus. A coox’e cuuraay fa mayu, ndax ta ɓoxotin no sadaxand wurus ole refna mbaambir gamb no maad le, a yoonandtin a qeƭ ake no gimu we fop mbogna na Roog.