Mbeeñil 8:3 - NQAARIIT NE ROOG

³ Malaaka fa lakas a gara, a geenoox paam o sadaxand ole, a saq o njaq wurus. A coox’e cuuraay fa mayu, ndax ta ɓoxotin no sadaxand wurus ole refna mbaambir gamb no maad le, a yoonandtin a qeƭ ake no gimu we fop mbogna na Roog.

Mbeeñil 8:3 Referans Kwoze

Mbeeñil 5:8

Ye ta xotna a kayit ale, pindel nahik ke fo maak qarɓeen ƭik fo maak nahuk we a ndalfooxa o ngooknoox mbaambir no Mbaal onqe. Oxuu refna na den kaa saq’u o nqilimb fo o ndog wurus o yipe cuuraay boo muut. Cuuraay feene koy reeƭu a qeƭ ake no gimu we mbogna na Roog.

Mbeeñil 8:4

Fo suun ole na cuuraay fee fo a qeƭ ake no gimu we mbogna na Roog, a yoɗoortooga no ɓay ole na malaaka fee geenoox’ina mbaambir Roog.

A kim a tedu ke 141:2

Fat a qeƭ es a ŋaayiid boo me wo nen cuuraay, xa ƥay es axe letnuuma a nand nen sadax kirand.

YEGIL MBAAX NE YEESU ne Lik a bindtuuna 1:10

Mbokatax naa fop kaa nqeɗoogu tafil ye ta ɓoxotan.

Mbeeñil 9:13

Cinj kaaga, malaaka ɓetuu fa lengandeer fee a luuƥa. Nanaam o ñuxur olaa inoortiidna na xa can xa nahaq axe ngeenin’eena no sadaxand wurus ole refna mbaambir Roog.

Malaki 1:11

Ke xotitna no batand boo no mudand gon es kaa siw kam qeet ke fop, too o mbiñ onquu refna cuuraay kaa doxeel no gon es, soo um ɓoxoteel sadax qoolu, yaam gon es kaa siw kam qeet ke fop. Keene o Yaal oxe Hupna fop a layu.

Hebre 9:4

A jeg’a maaga o sadaxand ole fi’teena wurus, me cuuraay fee a doxtoogeena, a jeg itam arka ne no ngiɓoor ne laar’eena wurus. Kam arka ne a jeg’a o ƥaxañ wurus olaa yipoogna maan. O samb ole Aaroon fiɗ’ina fo a alfa ƥil ake me fa lay fee no ngiɓoor ne a bind’eena a ndeeƭa teen itam.

A sutax ale 40:26

Moyiis a diƈa o sadaxand wurus ole kam Ƭiif ne o Yaal oxe a bugko xetteel, mbaambir mbaƴ ne fegna o mbiñ onqe moƴna o ted,

Hebre 7:25

Ten taxu, ndiiki Yeesu a waaga o mucil boo faw we na matiidaa a Roog na pexey um, yaam oxe ñoowaa boo xaye, ndax ta xeɗanaa a den a Roog.

O leetar ole Pool a bindna GIMU WE NGENNA ROM 8:34

Yaaga boog, an saɗu maal a den? O leng, yaam Kiristaa Yeesu a xona, too kaa hupna keene a xontooxa. Ndiiki, kaa moof na ñamaak Roog, a xeɗanaa a in.

Amos 9:1

Cinj kaaga, ga’aam o Yaal oxe a geenoox took o sadaxand ole, soo a layaam ee: «Xawi a tayil ale, a toodook ake a yen, o ɓaƈit a qoox den, den fop. Oxuu xoneerna no njom neene, xam pattin laƥ. O leng ƴufkee, a daɗ.

1 Maad we 7:50

xa toon axe, capil ke, a tokol a biisir ake, a tokol a lakas ake fo fo njaq ne ndeeƭna wurus fa nqoolu, sarñel ke no begax kam ke no Mbind ne, no ndokand ne no Mbiñ onqe moƴna o ted fo ke no begax ke no ndokand ne no Mbiñ o tedu nqe ndeeƭna wurus.

Mbeeñil 7:2

Ga’aam itam malaaka fa lakas faa inoorna farna fo batand, a saq o ñaasir ole Roog fa ñoow jok fee. A falalooxa malaaka nahik ke ci’eena sañ-sañ faa da ndaaɓitna lanq ke fo o maag ole. Kaa layoogu yee:

Mbeeñil 6:9

Cinj kaaga, o Mbaal onqe a ñaƥta o ñaas o ɓetkandeer ole. Maaga, ga’aam yoora o sadaxand ole xa laaw axe no we mbar’eena yaam ne da yegnitoogna fa lay fee Roog fo ke da seede’anoogna a Yeesu no cofel.

Mbeeñil 10:1

Ga’aam malaaka fa njegu doole fa lakas a fudoortiidaa na asamaan, a huloox eel, soo a ñang-ee-ñang a yooroox xoox um. Mukit um kaa meleƈoogu nen njeeƈ, a caf um a miric-miricnaa nen aal fiɗel.

A lim ale 4:11

Fat a ƭaap piis naa xiiyiiyna took o sadaxand wurus ole soo a muurtin ƭool jiinga. Cinj kaaga, fat a mbad a teex ake ta meeɓteel.

Esayi 6:6

Maaga, leng no pindel ke a yetiida me mi, a pokoox fo a saangir gaagaañ sumu jip laa ta gefitna no sadaxand ole.

Heseki’el 41:22

O sadaxand ole a teex a fi’it’e, geel um a ref xa noonoong xa tadaq soo o cigdel ole a fi xa noonoong xa ƭaq. Kooñ ke ten, tiƈir ke ten fo xa saax axe ten, a teex a ndeeƭu. O koor oxe a layaxam ee: «A taabul ale refna mbaambir no Yaal oxe yoo.»

Mbeeñil 8:5

Cinj kaaga, malaaka fee a janga o njaq onqe, a naqit fiɗel no sadaxand ole, a yipin teen bo ta may, soo a deɓin a lanq. Naaga, a jeg’a ƭuuɗ fo fangax fo xa kiiñaand fo a yo’nax lanq.

Mbeeñil 14:18

Cinj kaaga, malaaka fa lakas fee jeg’ina sañ-sañ na fiɗel le a inoora no sadaxand ole. Naaga a falalooxa a maak fee saqna a ñand a beelu le, a lay ee: «Daalandooxi fo a ñand a beelu le wo, woq tuunq biiñ ke a lanq, yaam a mboora.»