Mbeeñil 8:2 - NQAARIIT NE ROOG

² Maaga, ga’aam malaaka ɓetuu ƭik ke a ngeenoox mbaambir Roog, a cooxel a luuƥ ɓetaa ƭaq.

Mbeeñil 8:2 Referans Kwoze

Mbeeñil 11:15

Cinj kaaga, malaaka ɓetuu fa ƭikandeer faa a luuƥa, too a jega na asamaan xa ñuxur xa maak axaa layoogna yee: «Maat ne na adna fee a ɓoxote o Yaal in fo o Muumucil oxe ta regitna, too xan a maadoox bo na moos boo moos.»

YEGIL MBAAX NE YEESU ne Lik a bindtuuna 1:19

Malaaka fee a doonaan ee: «Mi yoo Gaburi’el, na geenooxaa mbaambir Roog. Kaam luliidel me wo, ndax um layong yegil mbaax neene.

Mbeeñil 8:6

Maaga, malaaka ɓetuu ƭik ke saq’ina a luuƥ ɓetaa ƭaq ake a mbaaja ndax da luuƥ.

Mace 18:10

«Mbootooxyo o nqeef o leng na xa teɓandoong axene. Mexe layaa a nuun ee: Waxtu fuu refna malaaka kaa den ndefna kam asamaan kaa nga’aa a tagid Faap es fee na asamaan. [

Mbeeñil 16:1

Cinj kaaga, nanaam o ñuxur o maak olaa inoorna no Mbind Roog ne, a lay malaaka ɓetuu ƭik ke yee: «Ndetyo ƥax took lanq ke fo mbeeƭ ɓetuu ƭik ne yipna fuux le Roog!»

Mbeeñil 15:1

Cinj kaaga, ga’aam na asamaan o anddiloor o lakas o maak o jom’andtu: Malaaka ɓetuu ƭik a ndeeƭu, a saq taamaala ɓetuu ƭik. Taamaala keene mbalak’u yaam na den fuux le Roog a dayu.

Mace 24:31

Xan a luliid malaaka ke ten fo a luuƥ ale na bugko jibaa a maak, too xan a mbokat we ta jilna na xa saax xa nahaq axe, kaa xotitna no cat boo no cat asamaan.»

YEGIL MBAAX NE YEESU ne Lik a bindtuuna 21:36

Yetooxyo boog, too nqeɗaa waxtu fuu refna, ndax a koom nu njeg doole faa nu ndaɗitna keene na xewkaa fop, ngeenoox mbaambir no Ƥeenqe no kiin oxe.»

1 Korint 15:52

Ndeer ñaf fo ƭeet, yaa a luuƥ a palakaand alaa a jibkaa, xan xon we a nqontoox fo cer potkateer, soo in o mat, i suptel.

1 Tesalonik 4:16

Xan o Yaal oxe fa xoox um a fangoox. Xan i nan o ñuxur no leng no kelfa ke no malaaka ke, soo a luuƥ ale Roog a jibit na asamaan. A koom, xan o Yaal oxe fa xoox um a fudoortiid na asamaan, soo we nqonna no ngim na Kiristaa a eet o nqontoox.

Mbeeñil 1:4

Mi Saŋ na bindaa a nuun, nuun pokatax ɓetuu ƭik ke ndefna kam o jegel olaa Asi: Yaasam nu ndaawit yirmande fa jam na Roog, ten fee na maadaa, a ref oxe reeƭna too a ref oxe na garaa, fo na yiif ɓetaa ƭaq ake ndefna mbaambir gamb no maad le ten,

Mbeeñil 8:13

Ga’aam too nanaam a canjiik alaa na yetaa na asamaan, a layaa a maak ee: «Sabab! Sabab! Ndaw sabab took we ngenna no lanq ke yaa a luuƥ ake no malaaka tadik lakas ke a njibkaa!»

Mbeeñil 9:1

Cinj kaaga, malaaka fa ƥetkandeer fee a luuƥa. Ga’aam o xoor a yentiidaa na asamaan, a waaƭiidaa a lanq. Kaa coox’el o jaafu le na ngas fiɗel alaa.