Mbeeñil 8:12 - NQAARIIT NE ROOG

¹² Cinj kaaga, malaaka fa nahkandeer fee a luuƥa. Naaga, a qaaj a tadkandeer ale na qoor ale fo ale na xa qoor axe a nqawe, boo oxuu refna na den, a qaaj a tadkandeer ale na qoolaand um a mo. Jeg’atee a qoolaand na qaaj a tadkandeer ale no ñaal ne fo ale no yeng ole.

Mbeeñil 8:12 Referans Kwoze

Esayi 13:10

Xa qoor axe na asamaan fo xa kulook axe ten meleƈinkatee a qoolaand den. Njeeƈ ne oxaa wataa, a ɓalig ɗok, a qoor ale a niifaar.

Yowel 2:10

Lanq ke kaa sendaa mbaambir den, asamaan fee a yo’noox, njeeƈ ne fo o nqool onqe a nuk, soo xa qoor axe a ñak a qoolaand den.

Mbeeñil 6:12

Cinj kaaga, ga’aam o Mbaal onqe a ñaƥtaa o ñaas ɓetuu fo lengandeer ole. Maaga, a jeg’a yo’nax lanq maak, njeeƈ ne a ɓalig ɗok nen ndoki ñaawoor, a qoor ale a yaxig coy nen fo’oy,

Mbeeñil 9:18

A qaaj a tadkandeer ale no wiin we a saŋkooxa no taamaala tadik keene ndeeƭna fiɗel le fo fo suun ole fo nqeen ke sutooroogna no don den.

Mbeeñil 9:15

Maaga, malaaka nahik ke njagandan’eena waxtu feene fa bes feene fo o nqool onqeene fo o hiid oleene a mbokte, ndax da saŋik a qaaj a tadkandeer ale no wiin we.

Mark 13:24

«Kaa koy, no ñaal kaaga, cinj coono fa maak faaga, njeeƈ ne xan a nuk, a qoor ale a niifaar,

Mace 24:29

«Ndak fo ndak, a cinj coono fa maak faaga, xan njeeƈ ne a nuk, a qoor ale a niifaar, soo xa qoor axe a yenit na asamaan, too xan katil ke ndefna na asamaan a yo’noox.

Mbeeñil 12:4

A laca fo a las um na qaaj a tadkandeer ale na xa qoor axe na asamaan, a yurdiid a den a lanq. Niŋki-naŋka a geenooxa paam o tew oxe gaajooxoogna, ndax oxaa mucaa ta ƴax o nqeq onqe.

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

YEGIL MBAAX NE YEESU ne Lik a bindtuuna 21:25

«Xan a jeg xa anddiloor no njeeƈ ne, na qoor ale fo na xa qoor axe. Xan a jeg naqadilax maak ndeer qeet ke, too xan a njaaxiɗ yaam ŋur-ŋur fee no maag ole fo a yag-ee-yag ake.

Mark 15:33

Na waxtu njeeƈ ndeer xoox, a jeg’a o niɓaan took lanq ke fop, boo na waxtu a kirandax.

Mace 27:45

No kaa xotitna na waxtu njeeƈ ndeer xoox boo na waxtu a kirandax, a jeg’a o niɓaan took lanq ke fop.

Yeremi 4:23

Ɗeetaam lanq ke, ga da yoq o ƥor, saxit’ee nen dara, um ɗeet a asamaan, a qoolaand ale ten a ñuf ɗuƭ.

A pi ake 2:20

Boo ñaal maak mayu o ndam ne no Yaal oxe a helko fo garaa, xan njeeƈ ne a suptoox o niɓaan, soo o nqool onqe a suptoox fo’oy.

Amos 8:9

A koom, xam fi njeeƈ ne a mud yaa ta fodna ndeer xoox, o niɓaan a joot took lanq ke njoloor o mbuc. Mi o Yaal oxe na refkaa boo faw layun.

Esayi 24:23

A qoor ale xan a gaci, soo njeeƈ ne a sed, yaam o Yaal oxe Hupna fop xan a maadoox took o joong ole Siyoŋ, na Yeerusaleem, too xan o ndam um a meleƈ na kid no maak we.

Mbeeñil 16:10

Malaaka fa ƥetkandeer fee a ɓaxa o mbeeƭ um took gamb no maad le Ɓaanoor. Maaga, maat ne ten a dalfooxa o ref no niɓaan. Wiin we kaa ŋatooxoogu yaam a ƭomeel,