Mbeeñil 8:11 - NQAARIIT NE ROOG

¹¹ O xoor oleene koy, nqaaɗaan a ne’e. A qaaj a tadkandeer ale no poofi ke a nqaaɗa, too wiin mayu a nqona a cinj ye da yerna na foofi leene, yaam kaa jeg’u daŋat.

Mbeeñil 8:11 Referans Kwoze

Yeremi 23:15

Ten taxu keeke o Yaal oxe Hupna fop a layu no duleer we: «Xam ñaamnoor a den qaaɗu soo yernoor a den foofi laa jegna ndoxar, yaam duleer we Yeerusaleem ngaru fo o yaqax ole naagna gañ kam saax le fop.»

Yeremi 9:15

Xam pasar a den a ndeer qeet kaa da and’eerna, den oo daan den oo, soo hebil da ndaabtel laƥ boo yaa um moocandkaa a den.»

A cangatin ale 29:18

Ba o leng boog a nan fa lay feeke boo a ƴut no ngiɓoor ne saƭkandteena a taaƥ soo a magnandooxaa no xeeñ um ee: ‹Xam ref na jam kañ, a soƥangaa sax ee kaam reefaa ke xeeñ es a yuxmaa.› Keene xan a garit a saŋkax no fop, faax oo, faaxeer oo.

Amos 6:12

«Ndax pis a naaga ƴufneel kam a ƥil? Ndax o kiin a mosa o humin naak a xooxik o maag? Ten nu mbi’u toox de, yaam kaa nu tax gon o cofel a sibel, a pi o cofel nu mbi’in xa tim ndali.

Amos 5:7

Kaa nu naɗ o cofel ole boo ta refat xa tim ndali, ngeleeroox ndakan.

A ƭomatax ake 3:19

Um xalaatangaa naqad es fo o ñaat es, ta nandaam nen daŋat fo o ndoxar.

Xa peƭit axe 5:4

Kaa koy, no muukandoong ne kaa xaaɗaa xut nen tuɓur, a weelit nen saamar.

Mbeeñil 8:7

Malaaka fa eetaand fee a luuƥa, too kaa nandna nen a kalam a ƥuuɓu fa fiɗel laa fokatoorna fo fo’oy a yuuriida a lanq. Keene a taxa boo a qaaj a tadkandeer ale no lanq ke fo ale no taxar ke fo daaƭ le na xuƥaa fop a dox.

Hebre 12:15

Mbootooxyo boo ba o leng a fes yirmande fee Roog a cinj. Kaam ee ba o leng a ndeer nuun a ref nen ndaxar ndali naa saxna, soo xa tim um a toroxandaa wiin mayu.

A ƭomatax ake 3:5

A maxa a uum lanq a songir me widaxama, a ɗingtaam daŋat fo o ƭomel.

Ruut 1:20

Nowemi a laya a den ee: «Ba nu nqoyataam Nowemi, ndaa nqoyaamoo Maara, yaam o Cegu katil oxe kaa naqadilaam tigi!

A sutax ale 15:23

A mbadiida Maara, ndaa mbaag’ee o yer foofi laaga, yaam kaa feƭar’u. Keene tax’u o mbiñ onqaaga a ne’el Maara.

Sakari 13:8

Maaga, a seek a ƭak no we ngenna no saax lene xan a mbarel, boo ta yoq a seek a leng koŋ. Mi o Yaal oxe layun.

Sakari 13:9

Aleene seek koy, xam ɓekin na fiɗel, jawtin ne xaaliis a jawteel, xoolandin ne wurus a xoolandteel. A koom, xan a ƈufginoor gon es, um jaaɓ a den, lay a den ee: ‹Nuun ndefu xeet es!› Xan a ndoonaam ee: ‹Wo o Yaal oxe, wo refu Roog in.› »

Mbeeñil 9:15

Maaga, malaaka nahik ke njagandan’eena waxtu feene fa bes feene fo o nqool onqeene fo o hiid oleene a mbokte, ndax da saŋik a qaaj a tadkandeer ale no wiin we.

Mbeeñil 9:18

A qaaj a tadkandeer ale no wiin we a saŋkooxa no taamaala tadik keene ndeeƭna fiɗel le fo fo suun ole fo nqeen ke sutooroogna no don den.

Mbeeñil 12:4

A laca fo a las um na qaaj a tadkandeer ale na xa qoor axe na asamaan, a yurdiid a den a lanq. Niŋki-naŋka a geenooxa paam o tew oxe gaajooxoogna, ndax oxaa mucaa ta ƴax o nqeq onqe.