Mbeeñil 8:10 - NQAARIIT NE ROOG

¹⁰ Cinj kaaga, malaaka fa ndadkandeer fee a luuƥa. O xoor o maak olaa na kaƥaa nen o jam a yentiida na asamaan, a dal took a qaaj a tadkandeer ale na xa maag axe fo na xa quluɓ axe.

Mbeeñil 8:10 Referans Kwoze

Mbeeñil 16:4

Malaaka fa ndadkandeer fee a ɓaxa o mbeeƭ um kam xa maag xa maas axe fo kam xa quluɓ axe, soo da suptoox fo’oy.

Mbeeñil 9:1

Cinj kaaga, malaaka fa ƥetkandeer fee a luuƥa. Ga’aam o xoor a yentiidaa na asamaan, a waaƭiidaa a lanq. Kaa coox’el o jaafu le na ngas fiɗel alaa.

Esayi 14:12

Nam keene a waagoortu? Wo oxeene yentiidaa took-ee-took asamaan, wo o xoor mbuyukuun ole, wo o mbuŋa. Maafee a lanq, wo o maamaaf oxe na saax ake!

Mbeeñil 6:13

soo xa qoor axe na asamaan a yurdooxiidaa a lanq nen a koƥ ndaxar akaa a und a yo’inna.

Mbeeñil 14:7

Kaa layoogu fo o ñuxur o maak ee: «Saɗaryo a Roog, too ƥoxotin o ndam, yaam waxtu fee na hate fee ten a fadiida. Fat nu mbaɗoox oxe sakna asamaan fee fo lanq ke fo o maag ole fo xa quluɓ axe.»

Mbeeñil 12:4

A laca fo a las um na qaaj a tadkandeer ale na xa qoor axe na asamaan, a yurdiid a den a lanq. Niŋki-naŋka a geenooxa paam o tew oxe gaajooxoogna, ndax oxaa mucaa ta ƴax o nqeq onqe.

Mbeeñil 1:20

Keeke tektu kunpa fee na xa qoor ɓetaa ƭaq axe ga’oona no ɓay es o ñamaak fo a pagal ɓetaa ƭaq xa lampa akaa mbi’teena wurus. Xa qoor ɓetaa ƭaq axe ndefu malaaka ke na yetooxaa pokatax ɓetuu ƭik ke, soo a pagal ɓetaa ƭaq xa lampa ake a ndef pokatax ɓetuu ƭik ke.»

Yudaa 1:13

Kaa nand fo a yag-ee-yag ake no maag ole na ndiñaa a puur. Neene wiin weene a suttaa a pi a cednooxu ke den itam. Kaa nand nen xa qoor xa mo’u. Roog a geekana a den ɓaal-ee-ɓaal le no niɓaan ole boo faw.

YEGIL MBAAX NE YEESU ne Lik a bindtuuna 10:18

Yeesu a laya a den ee: «Ga’aam a Saytaane ta yentiidaa na asamaan nen o hiiñ.

Esayi 12:3

Xan nu ƈeewaa fo o ɗaay na cur ake na muc ale,

2 Caloori ke 32:3

a ga’ra fo kelfa ke fo a salma-koor ake ndax da sux a cur poofi ke ndeeƭna tafil teeru faa.

Haahate we 15:11

Maaga, goor cuni tadik na carind ale Yudaa a ndeta no luf naa no ɓil laa Eetam soo a lay a Samson ee: «Ndax kaa andiro yee Fiifilista we na maadooxaa took in? Xar fi’o a in kene boog?» A doona a den ee: «Kaam fi a den ne da mbi’axama.»

Sakari 13:8

Maaga, a seek a ƭak no we ngenna no saax lene xan a mbarel, boo ta yoq a seek a leng koŋ. Mi o Yaal oxe layun.

Sakari 13:9

Aleene seek koy, xam ɓekin na fiɗel, jawtin ne xaaliis a jawteel, xoolandin ne wurus a xoolandteel. A koom, xan a ƈufginoor gon es, um jaaɓ a den, lay a den ee: ‹Nuun ndefu xeet es!› Xan a ndoonaam ee: ‹Wo o Yaal oxe, wo refu Roog in.› »

Mace 25:1

«Yaaga koy, xan Maat ne na asamaan a nand fo roog xarɓaxay waa njangna xa lampa soo a nqetik fo o kor-no-kulook oxe.

Mbeeñil 8:7

Malaaka fa eetaand fee a luuƥa, too kaa nandna nen a kalam a ƥuuɓu fa fiɗel laa fokatoorna fo fo’oy a yuuriida a lanq. Keene a taxa boo a qaaj a tadkandeer ale no lanq ke fo ale no taxar ke fo daaƭ le na xuƥaa fop a dox.

Mbeeñil 9:15

Maaga, malaaka nahik ke njagandan’eena waxtu feene fa bes feene fo o nqool onqeene fo o hiid oleene a mbokte, ndax da saŋik a qaaj a tadkandeer ale no wiin we.

Mbeeñil 9:18

A qaaj a tadkandeer ale no wiin we a saŋkooxa no taamaala tadik keene ndeeƭna fiɗel le fo fo suun ole fo nqeen ke sutooroogna no don den.