Mbeeñil 7:9 - NQAARIIT NE ROOG

⁹ Cinj kaaga, ɗeetaam too ga’aam faan maak laa o leng a waag’eerna o lim. Wiin weene kaa inoor na xeet fuu refna, no tim oluu refna, no saax luu refna fo na lak fuu refna. Kaa ngeenoox’u mbaambir gamb no maad le, a njasnoor fo o Mbaal onqe, a ndokoox tikoorik tan, a ndeegoox a naaq ngeec.

Mbeeñil 7:9 Referans Kwoze

Mbeeñil 5:9

Maaga, a ngimooga a kim a qas alene: «O xot a kayit ale soo ñaƥit xa ñaas axe jombirang, yaam kaa o war’el. Na pexey fo’oy of watanaa a Roog wiin inooru no tim oluu refna, na lak fuu refna fo no saax luu refna fo na xeet fuu refna.

YEGIL MBAAX NE YEESU ne Saŋ a bindtuuna 12:13

a njanga a naaq keec, a mbod mbaambir um a simatan too a layaa yee: «Hoosiyana! Oxe na garaa no gon le no Yaal oxe a hela simatel, ten fee o Maad Isra’el!»

A kim a tedu ke 2:8

Xeɗaam, too xam lasong qeet ke fop da ndef lamel of, o deegoox fop boo no cat adna.

Sakari 2:11

Nuun Siisiyoŋ we, ñofyo ƥostoox, sutoox teeru fee Babilon.»

Mbeeñil 11:15

Cinj kaaga, malaaka ɓetuu fa ƭikandeer faa a luuƥa, too a jega na asamaan xa ñuxur xa maak axaa layoogna yee: «Maat ne na adna fee a ɓoxote o Yaal in fo o Muumucil oxe ta regitna, too xan a maadoox bo na moos boo moos.»

Mbeeñil 6:11

Roog a cooxa oxuu refna na den ndoki ndan, too a laya a den da ƥaat o ñootnoox o ndik, boo yaa fog gimu we den da yoontoogna no calel ke a soƥiidna a den, den we nar’eena o mbar itam nen a den.

Mbeeñil 3:18

Kaam asang koy, o bugangaa o ref o yaal halal, jikti na mi wurus faa naayneena na fiɗel. O bugangaa o ɗasin cer ƥor of yaam o fañaa gaci, jikti na mi tikoorik tan kaa o rokooxaa. O bugangaa o waag a ka, jikti na mi tuuf naa o ɗuumaa na kid of.

O leetar ole Pool a bindna GIMU WE NGENNA ROM 11:25

Fog we, kene koy kaa ref kunpa faa buguuma o andnoor a nuun, ndax nu ƭeetkee a qoox nuun nen waa njegna o and. Kunpa feene refu yee: Kaa o saƭik xoox oleene a maƥ a qaaj na xeet fee Isra’el boo yaa a muc ale a daawkaa qeet lakas ke fop.

Yeremi 3:17

Maaga, Yeerusaleem xan a xoyateel ‹uum-maamaad le no Yaal oxe›. Qeet ke fop xan a mbokatoor Yeerusaleem, ndax da mbaɗoox o Yaal oxe, too xan a mbaas o nqox no saƭik xoox ole den.

YEGIL MBAAX NE YEESU ne Lik a bindtuuna 21:36

Yetooxyo boog, too nqeɗaa waxtu fuu refna, ndax a koom nu njeg doole faa nu ndaɗitna keene na xewkaa fop, ngeenoox mbaambir no Ƥeenqe no kiin oxe.»

YEGIL MBAAX NE YEESU ne Lik a bindtuuna 12:1

Na waxtu faaga, wiin cuni-cuni a mbokatoora, a ndakraa. Yeesu a fera o maƭoox daalbe we ten, too a lay a den ee: «Mbootooxyo poɗaxnir ke no Farisiya we! Kaa tekit yememaar.

A kim a tedu ke 22:27

We neewandooxna xan a ñaam boo a ngiñ, we na mbaaƭaa o Yaal oxe xan a simatin. «Yaasam nu ñoowaa boo kili!»

A paɗax ale 23:40

No ñaal eetaand ne, fat nu mbaaƭ xa tim xa paax fo a naaq keec fo xa yar taxar niɓu fo qawul soo mbelakinooxaa mbaambir es, mi o Yaal oxe Roog nuun, boo ñaal ɓetuu ƭik.

Mbeeñil 4:4

Me wid’ina gamb no maad le koy, a jeg’a a kamb qarɓeen ƭik fo a kamb a nahak a lakas. Maak qarɓeen ƭik fo maak nahuk moof’u na kamb akeene. Kaa ndokoox’u tikoorik tan fur, oxuu refna a saq o ndip wurus no xoox um.

Hebre 12:22

Nuun koy, nu matiida o Joong ole Siyoŋ, matiid teeru fee Roog fa ñoow jok fee, refna Yeerusaleem aa-asamaan, matiid malaaka cuni-cuni. Nu matiida faan ɗaayu

Hebre 11:12

Neene o mat xa taan xa maytu nen xa qoor axe na asamaan fo nen pep lanq na ƥeeraamb o maag a ndimte na pexey o koor o leng kut, oxaa mat’atna fa nqon bo.

Efees 6:13

Ten taxu nqotyo ndiiki ƥonax ke Roog fop. Neene, boo andoona yee ñaal mbaaxeer ne a gara, xan nu mbaag o nqox oxe fodna a nuun mbaambir, too saƭik a cinj yaa nu maafna fop.

Dañel 6:25

Cinj kaaga, o maad oxe a heblita ndax we njamboogna a Dañel a njoorel me cogoy ke a mbegeena, den fo xa ƥiy den fo rew den. Ye da ngelkaa fo mbad kam fee sax, cogoy ke a songa a den, a mbandir a den.

A kim a tedu ke 98:3

A wetandooxa o mbeq um fo ngor um no mbind Isra’el. Cat ke no lanq ke fop a nga’a a muc ale hatna na Roog in.

Dañel 4:1

«Mi Nebukadnesaar, kaam yaadoox’u, ɗaay bo no mbind no maad es.

Mberaand 49:10

O samb o ɗoxir ole sambirkee fa Yudaa, too o anddiloor kelfa le goƭkee a caf um, boo yaa oxe jeguuna a garkaa, oxe qeet ke fop a nanankaa.

Mbeeñil 5:11

Ɗeetahinaam too nanaam o ñuxur no malaaka mayu. A mbi’a ngap cuni-cuni fo qarɓaxay no cuni. Malaaka keene kaa ngeenoox’u, a mbid o kurul-keƥ gamb no maad le fo pindel ke fo maak we fop.

A kim a tedu ke 77:2

Mexe falalooxaa, o ñuxur es a nannooxaa maa Roog, kaam ee o ñuxur es ole nannooxaa maa Roog, too oxe nan-gilooxaxam.

Mberaand 13:16

Xam fi xa taan of a mayit nen pep lanq, a may boo mbaagkaand o lim ne pep lanq a mbaagaandeena o limit.

Yeremi 16:19

O Yaal oxe, wo refu doole es, o saasaytax es fo njaɓnooxand es yaa fa naqad. Me wo qeet ke no cat adna a ngarkaa too xan a lay ee: «Daan we in caaxaan a lamu, xa koɓong axaa ƭaxeerna dara.

A kim a tedu ke 76:4

Maaga a duguñtu ƥonax qire’ir ke fop, a kas ake fo pegoor ke fo laƥ ke. A  maaf

Sakari 10:8

Xam wuuƴ a den, fokat a den, yaam xam wat a den, too xan a siwit ne da siwtoogna yaaga.

Mbeeñil 7:8

na carind ale Sabulon cuni xarɓaxay fo cuni ƭik, na carind ale Yoseef cuni xarɓaxay fo cuni ƭik, fo na carind ale Bensame cuni xarɓaxay fo cuni ƭik a ñaase itam.

Mbeeñil 22:3

A kalak Roog njegkatee. Gamb no maad le Roog fo o Mbaal onqe a njegna kam teeru fee a refkaa, too dag we Roog xan a mbaɗoox a Roog.

Heseki’el 47:5

A liiƥahina xa noonoong juni too a reeƭata a ƈufnand alaa waag’eeruuma o joot, yaam foofi le kaa xooɗ’u boo kaa war’el o weƴ. A ƈufnand alaa waag’aandeena o joot a reeƭu.