Mbeeñil 7:4 - NQAARIIT NE ROOG

⁴ Maaga, nanaam we ñaas’eena a limeel boo no cuni teemeed fo cuni qarɓeen nahik fo cuni nahik na carind xarɓaxay fo a carind a ƭak ake Isra’el fop:

Mbeeñil 7:4 Referans Kwoze

Mbeeñil 14:1

Cinj kaaga, ɗeetaam, too ga’aam o Mbaal onqe a geenoox took o Joong ole Siyoŋ, soo wiin cuni teemeed we fo wiin cuni qarɓeen nahik we fo wiin cuni nahik we a ndef fo ten, gon le no Mbaal onqe fo gon Faap um a mbindel na tagid den.

Mbeeñil 14:3

Wiin weene kaa ngimoogu a kim a qas mbaambir gamb no maad le fo mbaambir pindel nahik ke fo maak we. Kaa koy, o leng waag’ee o aqatoox a kim ale, a refangee wiin cuni teemeed we fo wiin cuni qarɓeen nahik we fo wiin cuni nahik we mbat’eena na adna fee.

YEGIL MBAAX NE YEESU ne Lik a bindtuuna 22:30

ndax nu ñaam yer fa mi kam mbind Faap es, moof na kamb, ngate a carind xarɓaxay fo a carind a ƭak ake Isra’el.»

Mace 19:28

Yeesu a laya a den ee: «No ndigil, mexe layaa a nuun ee: Boo adna fee a sakatineena, soo o Ƥeenqe no kiin oxe a moof kam o ndam onqe no maat ne ten, nuun we ndeefanaxama, xan nu njeg a kamb xarɓaxay fo a kamb a ƭak, too xan nu ngate a carind xarɓaxay fo a carind a ƭak ake Isra’el.

A pi ake 26:7

A carind xarɓaxay fo a carind a ƭak ake na xeet fee in a yaakaara o nga a tegit aleene a fadnoox, yaa da mbaɗooxaa a Roog fa doole, ñaal oo yeng oo. O maad Agiripa, yaakaar neene koy taxu Yaawuur we a njambaxam.

Mbeeñil 9:16

Liman’eem xiixire we ŋaay’ina pis ke, too a ndeeƭa cuni-cuni boo a caf teemeed ƭik.

Saak 1:1

Mi Saak, o paɗ Roog fo o paɗ no Yaal oxe Yeesu Kiristaa refum. Mexe simnaa a nuun, nuun ƥasil ne Roog pictooxna kam adna fee fop.

O leetar ole Pool a bindna GIMU WE NGENNA ROM 9:27

A jega kaa Esayi a lambin’ina na xeet fee Isra’el, kaa tee: «Boo andoona sax ee Ii-isra’el we kaa mayit’u nen pep lanq na ƥeeraamb o maag, o yoqatin o ndutuuñ soom na mucilkeel,

Heseki’el 48:31

tokand ke na teeru fee xan a ne’tel a kon ake na carind ake Isra’el, tokand tadik no ɓemb-roog o janoon: Ndokand ne Ruben, ne Yudaa fo ne Lewi.

Sakari 9:1

Keeke refu fa lay fee no Yaal oxe: Fa lay fee no Yaal oxe a reta boo no saax le Hadrak, a fadik na teeru fee Damaas. Refee yee na carind ake Isra’el soom a kid no Yaal oxe a ngaanu, ndaa took no wiin we fop.

Heseki’el 48:19

Jaajal we na teeru fee nqoteena ndeer a carind ake Isra’el fop xan a nqooxan.

Heseki’el 47:13

Keeke o Yaal oxe na refkaa boo faw a layu: «Kene na ndefkaa xa ŋat axe no saax le nu lasrandkaa nen lam a carind xarɓaxay fo a carind a ƭak ake Isra’el. Yoseef xan a jeg a las a ƭak.

Mberaand 15:5

A ɓisaan tafil faa soo a layin ee: «Limi xa qoor axe, o waagangaa lim a den!» A ɓaata teen ee: «Neene mat xa taan of a mbodkaa!»

A sutax ale 28:21

No ɓil jafeñu luu refna, fat gon no leng na xa ƥiy xarɓaxay fo xa ƥiy xa ƭaq axe Isra’el a sexel teen, nen yaa ta soƥ’ina yee o anddiloor xoox of o sexnaa. A ƥil a cafeñu keene koy, xan a ndef betandoor na carind xarɓaxay fo a carind a ƭak ake Isra’el.

Mbeeñil 7:5

Na carind ale Yudaa cuni xarɓaxay fo cuni ƭik a ñaase, na carind ale Ruben cuni xarɓaxay fo cuni ƭik, na carind ale Gaad cuni xarɓaxay fo cuni ƭik,

YEGIL MBAAX NE YEESU ne Lik a bindtuuna 14:22

Yaa ta ɓaatinna, o tag oxe a gara, a lay ee: ‹O yaal es, ke heblitoona a fi’e, too a maada o yoqaa a seek.›