Mbeeñil 7:2 - NQAARIIT NE ROOG

² Ga’aam itam malaaka fa lakas faa inoorna farna fo batand, a saq o ñaasir ole Roog fa ñoow jok fee. A falalooxa malaaka nahik ke ci’eena sañ-sañ faa da ndaaɓitna lanq ke fo o maag ole. Kaa layoogu yee:

Mbeeñil 7:2 Referans Kwoze

Efees 4:30

Ba nu ngooyand Yiif Tedu le Roog. Mee ndax Yiif le refu o ñaas ole Roog lalteena took nuun! O ten na woornaa yee xan a jeg bes faa Roog a watkaa a nuun tigi no paaxeer boo faw.

2 Korint 1:22

Ten ñaasu a in o anddiloor um, a fudniid Yiif Tedu le kam a qeeñ in nen a ƭegeer njigand.

Mbeeñil 9:4

Kaa lay’el ee ba nu ndaaɓ daaƭ le mbaat ke duufeena mbaat taxar ke took lanq ke. Toroxandyo rek wiin we njeg’eerna o ñaas ole Roog na tagid den.

2 Timote 2:19

Kaa koy, ke Roog a geeninna waagee o yen, yaam kaa siptin fa lay um feeke: «O Yaal oxe a anda wiin um» fo «Oxuu na ne’aa gon le no Yaal oxe, fat a fes paaxeer a cinj.»

Efees 1:13

Nuun we ndefeerna Yaawuur itam, boo nu nan-gilooxna fa lay fee no ndigil ne, refna Yegil mbaax ne ɓisiidna a nuun a muc ale, nu ngima na Kiristaa. Neene, Roog a fi’a na nuun o ñaas olaa lalitna yee no ten nu mbogu, ta ref Yiif Tedu le ta cooxna a nuun too ta regit’un.

Mbeeñil 5:2

Maaga, ga’aam malaaka njegu doole naa falalooxoogna a maak ee: «An jombeeru o ñaƥit xa ñaas axe, soo a dorit a kayit ale boog?»

YEGIL MBAAX NE YEESU ne Saŋ a bindtuuna 6:27

Koo qoyni, baa ŋos-ŋos nuun a haan no ñaamel ke andoona yee a miñ miñ kaa ƥooskaa rek, ndaa fat a haan no ñaamel ke na ndefkaa boo no ñoow o fagkeer olaa, too o Ƥeenqe no kiin oxe a ci’kan a nuun. Ten o mat, Roog Faap fee a ñaasu.»

Mbeeñil 1:3

We na njangkaa safe lene a ƭaaya. We na nankaa fa lay fee no nduleer ne ten, soo a ngeek ke bindeena teen a ƭaaya itam. Yaam waxtu fee keene fop a warna o xew a matiida.

Mbeeñil 10:4

Ye ƭuuɗ ɓetuu ƭik ke a mbangooxna, bug’aam o bind, ndaa nanaam na asamaan o ñuxur olaa layaxama yee: «Dami ke ƭuuɗ ɓetuu ƭik ke a layna rek, too fañ o bind.»

Mbeeñil 10:1

Ga’aam malaaka fa njegu doole fa lakas a fudoortiidaa na asamaan, a huloox eel, soo a ñang-ee-ñang a yooroox xoox um. Mukit um kaa meleƈoogu nen njeeƈ, a caf um a miric-miricnaa nen aal fiɗel.

Mbeeñil 8:3

Malaaka fa lakas a gara, a geenoox paam o sadaxand ole, a saq o njaq wurus. A coox’e cuuraay fa mayu, ndax ta ɓoxotin no sadaxand wurus ole refna mbaambir gamb no maad le, a yoonandtin a qeƭ ake no gimu we fop mbogna na Roog.

A kim ale na kim ake 8:6

Faƭaam no xeeñ of nen mandarga, nen o anddiloor olaa refna no ɓay of, yaam mbug kaa jeg doole lool nen fa nqon, a ɗom boo nen a jaaniif, a doxaa riw nen ƈulfaan sumu jip, nen fiɗel laa moƴna o saas.

Hebre 12:22

Nuun koy, nu matiida o Joong ole Siyoŋ, matiid teeru fee Roog fa ñoow jok fee, refna Yeerusaleem aa-asamaan, matiid malaaka cuni-cuni. Nu matiida faan ɗaayu

1 Tesalonik 1:9

Fop kaa laytaa ne nu ndalnit’ina a in fo ne nu mbesitna a cinj tefee Roog ke nu mbaɗooxoogna, soo ngeleeroox, ndax nu mbaɗooxaa a Roog fa ndigil fee na ñoowaa,

Mace 26:63

Yeesu kaa tiimoogu. O saasadax o maak oxaa a dakooxaan o lay ee: «Mexe daaɓoortan a Roog fa ñoow jok fee! Layi a in ndax wo refu Kiristaa fee o Muumucil oxe regteena, refna o Ƥeenqe Roog?»

2 Maad we 19:4

Giimee o Yaal oxe Roog of a nan’angaa rek xa ƭelem axe fop na jawdiin fee o maad oxe Asuur refna o yaal mbind um a lulitna, ndax ta wen a Roog fa ñoow jok fee, yaaga xeƈa xan a fadin a qaw um yaam xa ƭelem axe ta nanna. Xeɗani boog onqe yoqna na xeet um.› »

1 Sami’el 17:36

Neene mat mi fee o tag of wartum njogoy ne fo ursu ne, too neene um fi’kaa o Fiifilista qucooxar oxene. Nen leng na den rek a refkaa, yaam a wena xiixire we Roog fa ñoow jok fee.»

1 Sami’el 17:26

Dawid a laamta xiixire waa ndeeƭna paam um ee: «Oxe na warkaa o Fiifilista xene, ndax ta watin o nqas onqe ta xasaa Ii-isra’el we xar a daawkaa? Ndi an o Fiifilista qucooxar oxene a foogu yee ten a refu boo a saɗ o wenaa xiixire we Roog fa ñoow jok fee?»

A cangatin ale 5:26

O kiin oxum mosu o nan o ñuxur ole Roog fa ñoow jok fee, ne i nantuuna ta fangooraa a ndeer fiɗel le, soo a maad o ñoowaa?

Malaki 3:1

Mexey heblaa oxe luluuma ta adooxaam, a holtanaam a ƭat. No miñeer o Yaal oxe nu mbaaƭaa xan a rokiid ndeer ñaf fo ƭeet kam Mbind Roog ne ten, Malaaka fee no ngiɓoor ne nu cungaa oxey garaa. Keene o Yaal oxe Hupna fop a layu.

Esayi 41:2

An suttiidu no batand oxe o cofel ole a reefanna? An ɓoxotun a saax ake, a fi maad we a nananin? Laƥ um kaa mokandaa a den boo nen fo ut, soo a qali um a yetnaa a den nen ñaax laa nqeñ a maƥna.

Heseki’el 9:4

O Yaal oxe a layaan ee: «Widi teeru fee bo ta xet, a ndeer Yeerusaleem, too ñaas na tagid wiin we na iinaa soo a ƭomatooxaa yaam a pi a cednooxu ke na mbi’eel teen fop.»

Mace 16:16

Maaga, Simoŋ Piyeer a doonaan ee: «Wo refu Kiristaa fee o Muumucil oxe regteena refna o Ƥeenqe Roog fa ñoow jok fee.»

Mbeeñil 9:14

O ñuxur ole a hebla malaaka ɓetuu fa lengandeer fee saqna a luuƥ ale yee: «Wokti malaaka nahik ke ngumeena paam o xuluɓ ole Ofrat.»

Mbeeñil 16:12

Malaaka ɓetuu fa lengandeer fee a ɓaxa o mbeeƭ um took o xuluɓ ole Ofrat. Maaga, foofi laa ten a ŋiisa, ndax ta fi’an maad we na inoortiidkaa no batand a ƭat.