Mbeeñil 7:16 - NQAARIIT NE ROOG

¹⁶ Nqeexkataand, ngoɗomkataand too njeeƈ ne mbaat a sumaan ale ñaatlandkatee a den,

Mbeeñil 7:16 Referans Kwoze

Esayi 49:10

Nqeexkataand too ngoɗomkataand, mbooyo ne mbaat njeeƈ ne ñaatlandkatee a den, yaam oxe yirimna a den na refkaa o kaynaak den, too xan a ɓakand a den na cur foofi.

YEGIL MBAAX NE YEESU ne Saŋ a bindtuuna 4:14

Kaa koy, oxe na yerkaa foofi le um cooxkan, hoɗomkataand boo muk. Foofi leene um cooxkan xan a fi kam um a mbeel alaa a cur ake a nqawraa, a cooxin itam o ñoow o fagkeer ole.»

Mbeeñil 21:4

Xan a forit xa kooniit a kid den, too fa nqon refkatee meen. Ñaawax mbaat ƭomatax mbaat o ƭomel refkatee meen, yaam tig eetaand ke xan a mbaaf.»

Mace 5:6

We nqeexeena too a ngoɗomel o cofel ole Roog a ƭaaya, yaam xan a ngiñ!

A kim a tedu ke 121:6

Kuu njeeƈ ne a ñalalaa ñalal no ñaal ne fop oo, ñaatlandkirang, ne’atiim o nqool onqe no yeng ole.

YEGIL MBAAX NE YEESU ne Lik a bindtuuna 6:21

Nuun we nqeexeena ndiiki, nu ƭaaya, yaam xan nu ngiñ! Nuun we naqadilooxna ndiiki, nu ƭaaya, yaam xan nu sawar!

YEGIL MBAAX NE YEESU ne Lik a bindtuuna 1:53

A ci’a we nqeexeena da ñaam boo a ngiñ, soo a rax yaal kalal ke o ƥor.

Esayi 41:17

«Rool we fo toroxu we owe mbaaƭaa foofi, ndaa nga’ee o ndoq. Ɗelem den kaa weerat koroŋ yaam a koɗom, ndaa mi o Yaal oxe, xam jaaɓ a den, mi Roog fee Isra’el, waaskiim a den.

Esayi 25:4

yaam wo reeƭu ndaɗand no neewu doole xe fo njaɓnooxand no ndool onqe reeƭna na naqad. Wo reeƭu itam laqooxand yaa fo mbuyaam maak ne fo yook naa na saytooxaa na sumaan a cegu doole le no njeeƈ ne. Haaƭ le no wiin fo’oy we kaa nand’u nen mbuyaam naa na xawooxaa no tabax,

Esayi 65:13

Ten taxu keeke o Yaal oxe na refkaa boo faw a layu: «Dag es xan a njeg kaa da ñaamna, soo nuun o mat nu ndef no nqeex. Dag es xan a njeg kaa da yerna, soo nuun o mat nu nqonaa fo a koɗom. Dag es xan a ndef no ɗaay, soo nuun o mat nu ndef na gaci.

Mace 13:6

Yaa njeeƈ naa a sumna, a leeƥa too a weera, yaam jeg’ee a paƴ.

A kim ale na kim ake 1:6

Ba nu mbuudaam, yaam ne njeeƈ ne a doxaxama boo um ɓalig. Jamin es a mbuuxanaxam, a mbi’aam o yeeyetax a ƭing taxar biiñ ake den, too a ƭing ale jegooduuma yetooxinum.

A kim a tedu ke 42:2

Ne njaf a duñnoortaa xur foofi, neen o laaw es a duñnoortang, wo Roog.

Saak 1:11

Njeeƈ ne a sumangaa, kaa doxaa piɗ ke, a naf ake a ƥooroox, piɗ ke a sam, o mosel den a mo. Neene o yaal halal oxe a sooƴitkaa kam kos-kos um.

Mark 4:17

ndaa njegee a paƴ na den sax sax. Kaa ndef wiin damlooxeer, too koy boo andoona yee o njaaxɗataan mbaat ñagadil a ngara yaam fa lay fee Roog, a naangaan o ndalfooxaa o mbes a cinj.

Mark 4:6

Yaa njeeƈ naa a sumna, a leeƥa, too a weera, yaam jegee a paƴ.

Mace 13:21

Kaa koy, jegee a paƴ no ten sax sax, too jegee ndamlooxand itam. Neene, boo andoona yee o njaaxɗataan mbaat ñagadil a ngara yaam fa lay fee Roog, a naagaan o dalfooxaa o fes a cinj.

Yoona 4:8

Ye njeeƈ ne a watna, Roog a wuuɗiida mbooyo sumu ta hatiid no batand. Njeeƈ ne a xawa a Yoona no xoox boo ta yisat. Fa nqon doŋ a xeɗoogatu, a layaa yee: «Fa nqon sax moƴanataxam o ñoow.»

Esayi 32:2

Oxuu refna na den xan a ref nen laqooxand naa na fegaa nqeñ ne fo ndaɗand naa na kalaa a und a maak ale, a ref nen a ƈufnand foofi kam o mbiñ o mbeeru, nen yook ɓil maak no lanq koɗome.

A kim a tedu ke 143:6

Mexe letnaa xa ƥay es farna fa wo, o laaw es kaa hoɗomel a wo nen lanq beeru koroŋ. A maaf

A kim a tedu ke 63:1

A kim a tedu laa fogna na ke Dawid oo, a naxooxaa a tef ale Dawid na koƥ-a-ƥor alaa Yudaa.

A kim a tedu ke 121:5

O Yaal oxe na saytooxang, a fodang na ñamaak nen yook.