Cinj kaaga, ɗeetaam too ga’aam faan maak laa o leng a waag’eerna o lim. Wiin weene kaa inoor na xeet fuu refna, no tim oluu refna, no saax luu refna fo na lak fuu refna. Kaa ngeenoox’u mbaambir gamb no maad le, a njasnoor fo o Mbaal onqe, a ndokoox tikoorik tan, a ndeegoox a naaq ngeec.
maak qarɓeen ƭik fo maak nahuk we a ndalfooxooga o ngooknoox mbaambir no xe moof’ina took gamb no maad le, a mbaɗooxaa oxe na ñoowaa bo na moos boo moos, a mbolaa fo ndip ne den mbaambir gamb no maad le, soo a layaa yee:
Ɗeetahinaam too nanaam o ñuxur no malaaka mayu. A mbi’a ngap cuni-cuni fo qarɓaxay no cuni. Malaaka keene kaa ngeenoox’u, a mbid o kurul-keƥ gamb no maad le fo pindel ke fo maak we fop.
Maaga, o leng no maak we a layaxam ee: «Ba o loolat! Ga’iro xeƈa! Njogoy ne na carind ale Yudaa, refna o Ndaan onqe Dawid a maafa, ndax ta ñaƥit xa ñaas ɓetaa ƭaq axe na kayit ale, soo a dortin.»
Me wid’ina gamb no maad le koy, a jeg’a a kamb qarɓeen ƭik fo a kamb a nahak a lakas. Maak qarɓeen ƭik fo maak nahuk moof’u na kamb akeene. Kaa ndokoox’u tikoorik tan fur, oxuu refna a saq o ndip wurus no xoox um.
Yeesu a foda kam Mbind Roog naa, a lay a maak ee: «Kaa nu mboog ee nu andaxam, and me hatuuma! Atiim mene a xoox es. Oxe luliidaxama koy, ndigil kak a layaa, ndaa nu andee oxeene.
O tew oxe a reta a lay o kor um ee: «A jega o kiin Roog oxaa garna me mi, a nandtaa malaaka Roog too a saɗarnoox bo. Laamtinum koy me ta inoor’ina, too layiraam gon um.
Ye Piyeer a ga’na kaaga, a laya xeet faa yee: «Nuun wiin we Isra’el, xar taxu nu njaaxiɗ no kene? Xar taxu nu naang a in jak a kid, wee ndax na sañ-sañ a qoox in mbaat na teef ale i ndeefaa a Roog i ñaaƴnoortu o qoyene?