Mbeeñil 7:12 - NQAARIIT NE ROOG

¹² A laya yee: «Amiini! Yaam a simat fo o ndam fo o and fo o ngidim fo o niwel fa katil fa doole a ngela a Roog in bo na moos boo moos! Amiini!»

Mbeeñil 7:12 Referans Kwoze

Mbeeñil 19:4

Maaga, maak qarɓeen ƭik fo maak nahuk we fo pindel nahik ke a ndalfooxa o ngooknoox, a mbaɗoox a Roog fee moofna took gamb no maad le. Kaa nqaanoogu yee: «Amiini! Haleluyaa!»

Kolos 3:17

Kuu nu mbi’aa itam mbaat nu layan, fat a ref no gon no Yaal oxe Yeesu, soo ngidmaa a Roog Faap fee no gon um.

A kim a tedu ke 100:4

Ndokiidyo na xa ton-maax axe ten, yoonandtin o ngidim, no maax ole no Mbind um fo a simat. Tagaseenoo, simat gon um,

Yoona 2:9

We na mbaɗooxaa pangool ke, kaa mbes a cinj a Roog fee waagna o mucil a den.

A kim a tedu ke 147:7

Ngimanyo o Yaal oxe a kim a kidmir, nqilmban a Roog in.

A kim a tedu ke 107:22

Fat da ƥoxotin sadax fa ngidmir, a mbetandit ke ta fi’na, a yoonandtin xa soroxole!

A kim a tedu ke 89:52

O Yaal oxe, fañ we wo kaa mbenaa rek, kaam ee kaa mbenaa o jaf ole oxe ɗuumoona a ñaaƴna.

A kim a tedu ke 72:19

Gon um jegu o ndam a hela simateel boo cay! Fat lanq ke fop a may fo o ndam um! Amiini! Yaasam ta jegit neene!

A kim a tedu ke 41:13

Damtaxamo, yaam ne ñakuuma ƥanjel, soo dalnaam mbaambir of boo kili.

Esayi 51:3

O Yaal oxe xan a yaal a Siyoŋ, a yaal yaqatin ke ten fop. Xan a fi boo o mbiñ onqeene fesna a pec a nandat nen a Edeen, o tan oleene a nandat nen a ƭing ale no Yaal oxe. Baneex fo o ɗaay xan a ngen teen, a tagas fo fangax a kim a niwir a njibit teen.

Kolos 2:7

Saxyo no ten, ndamoox no ten, o ngim onqe a fapit a nuun doole, ne nu njangnit’eena o ten, too ngen no ngidman.

2 Korint 4:15

Keene fop xan a jeg yaam nuun, ndax yirmande fee Roog a moƴ o siw took no moƴ-o-jaak ole no wiin we, ndax ta riñ a den da ngidmaa a Roog yaam o ndam um.

A kim a tedu ke 116:17

O Yaal oxe, xam ɓoxotong sadax fa ngidmir, lambnaa gon of.

A kim a tedu ke 106:48

O Yaal oxe Roog fee Isra’el a hela gidmel bo na moos boo moos, too fat xeet fee fop a lay ee: «Amiini! Haleluyaa!»

A kim a tedu ke 95:2

Fat i ndet mbaambir um, ƥoxotin o ngidim. Fat i soroxole’anin, yoonandtin a kim,

Mace 6:13

too ba o waas a in, i ndok no mbog, ndaa mucli a in no paaxeer oxe. [Yaam wo jegu maat fa katil fo o ndam bo na moos boo moos. Amiini.]›

Yeremi 33:9

Gon siwu le Yeerusaleem xan a ref na mi o ɗaay, a ci’aam a simat fo o niwel a ndeer qeet ke no lanq ke fop na yegkaa paax ke um fi’ankan. Qeet ke xan a ndiid soo a send, yaa da nga’kaa baneex fee fa jam fee fop um ci’kaa a Yeerusaleem.»

A kim a tedu ke 50:14

Ɓoxotaam o ngidim of kañ nen sadax, mi fee Roog of, too fadin ke regaxamoona, mi oxe Took-ee-took.

Nehemi 12:46

Yaam yaa fa yaaga, na jamaane Dawid fa Asaf fee o kiigim no Mbind Roog ne, a jegooga aa-adax no giigim fo a kim a niwir fo a kidmir a Roog.

Nehemi 12:8

Leelewi we a ndeeƭa: Yesuwa, Binuy, Kadmi’el, Serebiya, Yehuda, Mataniya fee adooxanoogna a kim a niwir ake, a yoon fo fog um,

Mbeeñil 1:18

fo xe na ñoowaa. Xon’aam, ndaa ndiiki mexe ñoowaa bo na moos boo moos. Mi saqu xa caafu xe na mbetaa jaaniif, ndax xon we a sutoox.

O leetar ole Pool a bindna GIMU WE NGENNA ROM 11:36

Yaam fop no ten a inooru, a sakoor no ten soo a refanin. Roog feene a hela o ɓoxotel o ndam boo faw! Amiini.

1 Korint 14:16

Yaam a reftangee neene, too o xeɗaa fo yiif soom, nam o kiin sang um sang um oxe a waagu o doonit ee: «Amiini!» too andee ke xeɗoona, a refangaa sax ee kaa o gidmoogu a Roog?