Mbeeñil 7:11 - NQAARIIT NE ROOG

¹¹ Malaaka ke fop kaa ngeenoox’u, a mbid o kurul-keƥ gamb no maad le fo maak we fo pindel nahik ke fop. Kaa ngungoogu mbaambir gamb no maad le, soo a mbaɗooxaa a Roog.

Mbeeñil 7:11 Referans Kwoze

Mbeeñil 4:10

maak qarɓeen ƭik fo maak nahuk we a ndalfooxooga o ngooknoox mbaambir no xe moof’ina took gamb no maad le, a mbaɗooxaa oxe na ñoowaa bo na moos boo moos, a mbolaa fo ndip ne den mbaambir gamb no maad le, soo a layaa yee:

Mbeeñil 4:6

Mbaambir gamb no maad leene, a jeg’ahina kaa nandna nen o maag o wendu laa mir-mirnoogna nen galam fo jem. A ndeer ee ndeer gamb no maad le fo me widuuna koy, a jeg’a pindel nahik kaa mayna a kid mbaambir den fo a cinj den.

Mbeeñil 11:16

Maaga, maak qarɓeen ƭik fo maak nahuk we moof’ina na kamb den mbaambir Roog a ngungooga a lanq, a mbaɗooxaa a Roog. Kaa layoogu yee:

Mbeeñil 4:4

Me wid’ina gamb no maad le koy, a jeg’a a kamb qarɓeen ƭik fo a kamb a nahak a lakas. Maak qarɓeen ƭik fo maak nahuk moof’u na kamb akeene. Kaa ndokoox’u tikoorik tan fur, oxuu refna a saq o ndip wurus no xoox um.

Hebre 1:6

Kaa koy, na waxtu fee ta luliidna a Taaw um kam adna fee, Roog a laya yee: «Malaaka ke Roog fop a mbaraan o mbaɗoox.»

YEGIL MBAAX NE YEESU ne Saŋ a bindtuuna 5:23

ndax fop a niwit o Ƥeenqe ne da niwitna a Faap fee. Oxe niweerna o Ƥeenqe, niwee a Faap fee luliiduuna.

Mace 4:10

Maaga, Yeesu a layaan ee: «Saytaane, goƭaam! Yaam a binde yee: ‹O Yaal oxe Roog of soom waro faɗoox too dagooxan.› »

Mbeeñil 22:9

Kaa koy, malaaka fee a layaxam ee: «Ba o fi’in! O tag refum nen a wo, refin itam nen fog of we ndefna duleer fo nen we na ngeekaa fa lay fee bindeena no safe lene. Roog soom helu o faɗooxel!»

Mbeeñil 15:4

O Yaal oxe, an saɗarkeerong boog? Ndi an na fañkang o ɓoxot o ndam? Wo soom tedu. Qeet ke fop xan a mbaɗooxiidong, yaam a pi a cofu ke wo a mbeeñle a qool qac.»

A kim a tedu ke 97:7

Fop we na mbaɗooxaa pangool ke, a nqaaƴooraa xa koɓong axeene xan a sed. Roog ke fop kaa ngungaa mbaambir no Yaal oxe.

A kim a tedu ke 45:11

Ndoog, rungi nof of, ɗeet too nan-giloox a paax. Weecti xeet of fo mbind faap of.

Mbeeñil 4:8

Pindel nahik keene fop koy, oxuu refna na den a nafir ɓetaa fo leng a sax’u. Muu refna na nafir akeene kaa sax’u a kid, took fee fo yoora fee. Ñaal fo o yeng mbindel nuu refna kaa gimoogu yee: «O Yaal oxe Roog o Cegu katil oxe reeƭna fo xe na maadaa fo xe na garaa, kaa ted! Kaa ted! Kaa ted!»