Mbeeñil 7:10 - NQAARIIT NE ROOG

¹⁰ Maaga, kaa mbalalooxoogu yee: «A muc ale in kaa inoor na Roog in, ten fee moofna no gamb no maad le, a inoor no Mbaal onqe itam.»

Mbeeñil 7:10 Referans Kwoze

Mbeeñil 19:1

Cinj kaaga, nanaam o ñuxur o maak ta inoor no faan no wiin mayu na asamaan, a xaanaa yee: «Haleluyaa! Roog in kaa muclaa! O ndam fa katil a ngelaan!

A kim a tedu ke 3:8

O Yaal oxe, inooxi! Roog es, muclaam, wo fee na faɗaa fañ we mi fop soo ɓolaa a ñiiñ no soxodu we.

Mbeeñil 12:10

Cinj kaaga, nanaam o ñuxur o maak olaa inoorna na asamaan, a layaa yee: «Ndiiki koy, a muc ale a fadiida, yaam Roog in a feeñla katil ne no Maat um. O Muumucil oxe ta regitna a feeñla sañ-sañ fee ta jegna, yaam o caajamb oxe geenoox’ina mbaambir Roog, a jambaa fog gimu we in ñaal fo yeng a foore tafil.

Esayi 45:21

Nga’iryo a ndeer nuun, yegnitin soo lambnin. An yegnit’u yaaga ke na xewaa ndiiki? Mee ndax mi o Yaal oxe yoo! Jegee roog fa lakas faa jolna mi, roog fa njofu faa na muclaa jegee, a refangee mi.

Mbeeñil 22:3

A kalak Roog njegkatee. Gamb no maad le Roog fo o Mbaal onqe a njegna kam teeru fee a refkaa, too dag we Roog xan a mbaɗoox a Roog.

Efees 2:8

Neene boog, na yirmande Roog nu muctu na pexey o ngim onqe. A muc aleene koy hatee na nuun, ci’it Roog oo.

YEGIL MBAAX NE YEESU ne Saŋ a bindtuuna 1:29

No feet olaa, Saŋ a ƴooka a Yeesu ta xotiidaa maa ten. Maaga, a laya yee: «Nga’yo o Mbaal onqe Roog na watnaa bakaad adna.

Esayi 43:11

Mi doŋ, mi refu o Yaal oxe, too jegee o muumucil o lakas, a refangee mi.

Mbeeñil 21:5

Maaga, oxe moof’ina no gamb no maad le a laya yee: «Ndiiki koy, xam fi’atin fop ta ref qas.» Cinj kaaga, a layaxam ee: «Bindi kene, yaam fa lay es ndigil kak oo, too a jare o hooloox.»

YEGIL MBAAX NE YEESU ne Lik a bindtuuna 3:6

too o kiin oo kiin xan a ga a muc ale Roog.› »

Yeremi 3:23

No ndigil, ke na hatiidaa na ñaang ake xa maaƥ xa ƥor oo, combol ɓor na fi’eel took xa coong axe. No ndigil, no Yaal oxe Roog in a muc ale Isra’el a refu.

Mbeeñil 5:7

A gara, a xot a kayit ale no ɓay o ñamaak ole no Xe moof’ina took gamb no maad le.

Mbeeñil 4:6

Mbaambir gamb no maad leene, a jeg’ahina kaa nandna nen o maag o wendu laa mir-mirnoogna nen galam fo jem. A ndeer ee ndeer gamb no maad le fo me widuuna koy, a jeg’a pindel nahik kaa mayna a kid mbaambir den fo a cinj den.

YEGIL MBAAX NE YEESU ne Saŋ a bindtuuna 4:22

Kaa nu mbaɗooxaa kaa nu andeerna, in koy, ke i andna i mbaɗooxaa, yaam a muc ale no Yaawuur we a hatu.

YEGIL MBAAX NE YEESU ne Saŋ a bindtuuna 1:36

Yaa ta ga’na Yeesu a joonaa, a laya yee: «Nga’yo o Mbaal onqe Roog!»

Sakari 9:9

Wo Siyoŋ, o ndoog onqe, ngela felakinooxi, wo Yeerusaleem, o ndoog onqe, jibni xa soroxole! O maad of oxey a garaa me wo, a jof, a ref mbir mbadar a lanq. Kaa koy, magnandooxee too took o faam a ŋaayu, took o mol, o ƥiy no faam o rew.

Yoona 2:9

We na mbaɗooxaa pangool ke, kaa mbes a cinj a Roog fee waagna o mucil a den.

Hoose 13:4

O Yaal oxe kaa tee: «Mi refu o Yaal oxe Roog nuun sutitna a nuun Misira. Nu andee a roog fa lakas faa jolna mi, too jegee o Muumucil oxaa refeerna mi.

Esayi 45:15

Wo Roog fee Isra’el na muclaa, no ndigil Roog fa kunpa’u refo.

A kim a tedu ke 115:1

Baa ref na in, o Yaal oxe, kaam ee baa ref na in, ndaa no gon of ɓoxoti o ndam, yaam kaa o jeg o mbeq fo ngor!

A kim a tedu ke 37:39

A muc no jofu we no Yaal oxe a inooraa, o ten refu njaɓnooxand den, yaa taamaala a jegna.

Sakari 4:7

Wo o joong o maak ole, an refo? Xan o fodrandel mbaambir Serubabel. Xan a doon ɓil faraaj le na seek um ndeer xa soroxole xe yee: ‹Ndaw ne ta mositna! Ndaw ne ta mositna!› »