Mbeeñil 7:1 - NQAARIIT NE ROOG

¹ Yaa kaaga a faafna, ga’aam malaaka nahik kaa ngeenooxna na xa saax xa nahaq axe no lanq ke, a pokoox qeñ nahik ke, ndax nqeñ leng wuuɗkatee took lanq ke mbaat no maag ole mbaat took ndaxar.

Mbeeñil 7:1 Referans Kwoze

Mace 24:31

Xan a luliid malaaka ke ten fo a luuƥ ale na bugko jibaa a maak, too xan a mbokat we ta jilna na xa saax xa nahaq axe, kaa xotitna no cat boo no cat asamaan.»

Dañel 7:2

a wetandoox teen ee: «Kam o yeng ole, ga’aam no mbeeñil ee: Qeñ nahik ke na asamaan a njumbanda juwaam fee.

Yeremi 49:36

Xam ɓisiid took Elam qeñ nahik, da ngatiid no cat nahik ke na asamaan. Xam feesit a den qeñ keene fop. Jegkee xeet fa leng faa ga’keerna we ƈufitna Elam a ndokiidaa me ten.

Mark 13:27

A koom, xan a luliid malaaka ke ten na xa saax xa nahaq axe no lanq ke, ndax da mbokat we ta jilna, no ke xotitna no cat adna boo no cat asamaan.»

Dañel 8:8

Suk fambe le a moƴ’ata magin, ndaa ye ta fodna na doole um tigi, a njan ale ten a ɓolooxa. Maaga, xa can xa nahaq xa podu ne ngaryo nga a saxa me ta reeƭna, a njagin na xa saax xa nahaq axe no lanq ke.

Heseki’el 37:9

Maaga, a layaxam ee: «Jo’tanaam Yiif› le, wo fee o ƥiy no kiin, kaam ee jo’tanaam! Fat o lay Yiif le yee: Keeke o Yaal oxe na refkaa boo faw a layu: Wo Yiif le, inoortiidi no qeñ nahik ke, wuuɗ took xon wene ndax da ñoowatin!»

Heseki’el 7:2

«Wo fee o ƥiy no kiin, keeke o Yaal oxe na refkaa boo faw a layu lanq ke Isra’el: Muukandoong ne yoo! Muukandoong ne xey a garaa no cat nahik ke no saax le.

Esayi 27:8

Ha’aa, ndaa a raxa a den, a sut a den saax le. Neene a xawtu a den. A koom alaa fo a und ale no batand, a raxta a den haaƭ jegu doole le ten.

Mbeeñil 9:14

O ñuxur ole a hebla malaaka ɓetuu fa lengandeer fee saqna a luuƥ ale yee: «Wokti malaaka nahik ke ngumeena paam o xuluɓ ole Ofrat.»

Esayi 11:12

Xan a sipan a saax ake o anddiloor, a fokat kam Isra’el we sutoox’ina saax le soo a korol we pasaroox’ina na Yudaa na xa saax xa nahaq axe na adna fee.

Mbeeñil 7:3

«Ba nu ndaaɓ lanq ke mbaat o maag ole mbaat taxar ke boo yaa i ñaaskaa a tagid ake no we na ndagooxaa a Roog in!»

Mbeeñil 9:4

Kaa lay’el ee ba nu ndaaɓ daaƭ le mbaat ke duufeena mbaat taxar ke took lanq ke. Toroxandyo rek wiin we njeg’eerna o ñaas ole Roog na tagid den.

Sakari 6:1

Yoɗahinaam a kid es too ga’aam kam mbeeñil a sareet a nahak akaa sutooroogna a ndeer xa coong xa ƭaq, soo xa coong axe a ndef xa coong xanjar.

Yoona 1:4

Maaga, o Yaal oxe a fi’a a qeñ a maak took o maag ole, too a und a maak a jumbanda o maag ole boo a kaal ale a bug o gef.

Mbeeñil 6:6

Maaga, nanaam kaa nandna fo o ñuxur olaa inoorna a ndeer pindel nahik ke, a lay ee: «Ndabid calel ñaal muum fop kilo leng bele yoo mbaat kilo tadik lorso. Kaa koy, ba o fi kaa faaxeerna na diwliin fee fo na biiñ fee.»

Esayi 27:3

Mi o Yaal oxe na yetooxan. Kaam sooran na waxtu fuu refna, yetooxan ñaal fo o yeng, ndax dara yaqkiran.

Dañel 11:4

Yaa ta dalinkaa maat um boo a saƭkandin, maat um xan a gef soo a xaajoox nahik. Xa ƥeem ndondandkiran, ndaa lakas na lasirkaa maat um. Kaa koy, weene njegkee doole fee ta jeg’ina.

Sakari 6:5

Malaaka fee a doonaxam ee: «Den ndefu qeñ nahik ke na asamaan na sutooraa me da ndeeƭna mbaambir no Yaal oxe jegna lanq ke fop.»

Mbeeñil 8:7

Malaaka fa eetaand fee a luuƥa, too kaa nandna nen a kalam a ƥuuɓu fa fiɗel laa fokatoorna fo fo’oy a yuuriida a lanq. Keene a taxa boo a qaaj a tadkandeer ale no lanq ke fo ale no taxar ke fo daaƭ le na xuƥaa fop a dox.

Mbeeñil 20:8

Maaga, xan a sutoox ndax ta nax qeet ke kam adna fee fop. Den ndefu Gog fa Magog. Xan a fokat a den, da mayit nen pep lanq na ƥeeraamb o maag, da ndet a ngomrikel.