Mbeeñil 6:8 - NQAARIIT NE ROOG

⁸ Ɗeetaam too ga’aam pis bari siindiin. Oxe ŋaayuuna, fa nqon a ne’e, soo jaaniif a reefanin. A coox’e sañ-sañ na qaaj a nahkandeer ale no lanq ke, ndax ta saŋkit wiin we laƥ fo biim fa piste fo na pexey ƥaaɓaan ke no lanq ke.

Mbeeñil 6:8 Referans Kwoze

Hoose 13:14

Ndax xam suqit a den na katil fee jaaniif, wat a den na fa nqon fee? Cey fa nqon, taa taamaala of? Wo jaaniif, taa yaq fee wo? Kaam koon yirmande fee.

Mbeeñil 1:18

fo xe na ñoowaa. Xon’aam, ndaa ndiiki mexe ñoowaa bo na moos boo moos. Mi saqu xa caafu xe na mbetaa jaaniif, ndax xon we a sutoox.

Sakari 6:3

pis bari na tadkandeer ale, soo pis ceeñ na nahkandeer ale.

Heseki’el 5:12

A qaaj a tadkandeer ale na nuun xan a nqon na piste, mbaat biim a saŋik a nuun a ndeer teeru fee. A qaaj a tadkandeer ale na nuun xan a nqon na xire fee me widna teeru fee, soo a qaaj a tadkandeer ale na nuun um pasar a den, soo daabit a den laƥ ne.

Yeremi 16:4

Xan a nqonit no jir waawar. Nqaaraandkaand too ngaskaand. Xan a ndefik tosir lanq ke. Xan a pattel laƥ fo biim, soo xa tal den a ndef ñaamel a tud ake fo ƥaaɓaan ke.»

Mbeeñil 9:18

A qaaj a tadkandeer ale no wiin we a saŋkooxa no taamaala tadik keene ndeeƭna fiɗel le fo fo suun ole fo nqeen ke sutooroogna no don den.

Esayi 25:8

Xan a ñuf fa nqon boo kili. O Yaal oxe na refkaa boo faw xan a forit xa kooniit axe no mukit no fop, too xan a watin gaci fee dalna xeet um took lanq ke fop. Keene o Yaal oxe a regtu.

Mbeeñil 9:15

Maaga, malaaka nahik ke njagandan’eena waxtu feene fa bes feene fo o nqool onqeene fo o hiid oleene a mbokte, ndax da saŋik a qaaj a tadkandeer ale no wiin we.

1 Korint 15:55

«Cey fa nqon, taa fak of? Kaam ee: Fa nqon, taa o feen ole o wartaa?»

Habakuk 2:5

«Halal kaa hodaa, too o magnandooxu xe miñkee meen, ten fee ɗaayna o don boo ta sis nen a jaaniif, ten fee deyƭooxkeerna muk nen fa nqon fee, a fokatanooxaa a saax ake, a koltirandaa qeet ke fop paam um.»

Yeremi 16:16

O Yaal oxe a laya yee: «Mexey luliidaa faafaal fagkatar, too xan a mbaal we pasarooxna. Cinj kaaga, xam luliid xaaxaƴlax fagkatar, too xan a nqawloox a den took xa coong axe fop, took a ñaang ake fop fo na semb ake na ƥil ake.

Mace 11:23

Wo Kapernawum o mat, ndax xan o yoɗel boo na asamaan? Ha’aa! Xan o fudnel boo kam jaaniif. A pi katil ake mbi’eena me wo a mbi’’ange kam Sodoom, a maadkooga boo xaye.

Yeremi 43:11

Xan a gar, a xaw saax le Misira: Oxe lafooxaneena fa nqon, xan a jof na fa nqon, oxe lafooxaneena mbaƭ, a jof no mbaƭ, oxe lafooxaneena laƥ, a jof no laƥ.

Xa peƭit axe 5:5

A caf ake ten kaa nqot farna fo fa nqon fee, a taaraand um a njagin jaaniif.

Mbeeñil 12:4

A laca fo a las um na qaaj a tadkandeer ale na xa qoor axe na asamaan, a yurdiid a den a lanq. Niŋki-naŋka a geenooxa paam o tew oxe gaajooxoogna, ndax oxaa mucaa ta ƴax o nqeq onqe.

Yeremi 14:12

A ngoorangaa sax, nan-gilooxkiim a ƈufginax den. A ƥoxotangaam sadax toxel fo sadax tuufe-duufe sax, taxkee da mbelaam, yaam mi xam saŋkit a den laƥ, biim fa piste.»

Yeremi 24:10

Xam hebliid took den xire, biim fa piste, boo yaa da moockaa no saax lene ci’uuma a den, den fo daan we den.»

Yeremi 29:17

Keeke o Yaal oxe Hupna fop a layu: ‹Mexe ɓisiidaa took den xire, biim fa piste. Xam fi da nand nen xa tun xa potu xaa mbaaxaƭarna mbaaxaƭar boo mbaagaand o ñaam.

Heseki’el 29:5

Xam deɓong na koƥ-a-ƥor ale, wo fo liƥ ke na xa quluɓ axe wo fop. Xan o yen na xa qol axe, giskaandee too gaskaandee. Xam deɓong, ndax o ref ñaamel ƥaaɓaan ke no lanq ke fo tiiƭ ke na asamaan.

Mace 24:7

Xan saax a inooxan saax, maat a inooxan maat, too xan a jeg qeex fo yo’nax lanq na saax a mayu.