Mbeeñil 6:2 - NQAARIIT NE ROOG

² Ɗeetaam too ga’aam pis bari, oxe ŋaay’uuna a saq a qali. Ga’aanum ta rokel o ndip. Naaga, a reta nen mbir ndax ta maaf.

Mbeeñil 6:2 Referans Kwoze

Sakari 1:8

Kam o yeng ole, daawaam mbeeñil nene: Ga’aam o koor oxaa ŋaayna pis jakeer soo a geenoox a ndeer pafid mirti kam a yulanq, too a jeg’a a cinj um pis jakeer fo oldu fo bari.

Mbeeñil 3:21

Oxe na maafkaa, xam ci’in ta moof fa mi took gamb no maad le mi, ne maaftuuma mi fa xoox es boo moof fa Faap fee no gamb no maad le ten.

Mbeeñil 14:14

Ɗeetaam too ga’aam eel ran fur, too took eel leene, oxaa nandtoogna o ƥiy no kiin moof’u teen. Kaa rokoox’u o ndip wurus, a pokoox a ñand a beelu.

Mbeeñil 11:15

Cinj kaaga, malaaka ɓetuu fa ƭikandeer faa a luuƥa, too a jega na asamaan xa ñuxur xa maak axaa layoogna yee: «Maat ne na adna fee a ɓoxote o Yaal in fo o Muumucil oxe ta regitna, too xan a maadoox bo na moos boo moos.»

Esayi 25:8

Xan a ñuf fa nqon boo kili. O Yaal oxe na refkaa boo faw xan a forit xa kooniit axe no mukit no fop, too xan a watin gaci fee dalna xeet um took lanq ke fop. Keene o Yaal oxe a regtu.

A kim a tedu ke 110:2

O Yaal oxe xan a letnit Siyoŋ o samb ole no katil of, o maadoox a ndeer no fañ of.

Mbeeñil 17:14

Xan a song o Mbaal onqe, ndaa xan o Mbaal onqe a maaf a den, yaam ten refu o Yaal oxe no yaal we fo o Maad oxe no maad we. Ten fo we mbogna no ten, ndefna we nqoyeena fo we njileena fo we ngimna, xan a maafandoor a den.»

Mbeeñil 15:2

Cinj kaaga, ga’aam kaa na nandtaa o maag o wendu laa fokatoorna fo fiɗel. Ga’ahinaam we maaf’ina a Ɓaanoor fo nitaal um fo limel ne fodirna fo gon le ten. Kaa ngeenoox’u took o maag o wendu le, a saq fo nqilimb ne Roog a coox’ina a den.

Mbeeñil 11:18

Qeet ke fop kaa mbuux’u boo a mbuɓaa, ndaa waxtu fee waroona o fuux fa waxtu fee waroona o hate we nqonna a fadiida. Waxtu fee waroona o saɗig dag we wo na njo’tanang, waxtu fee o saɗigkaa we mbogna na wo, a saɗarong, ta ref yaal toole ke mbaat we neewna doole, a fadiida. Waxtu fee waroona o gef we na ngefaa adna fee a fadiida.»

1 Korint 15:25

Yaam Kiristaa a hela o maadooxaa boo yaa Roog a fi’na fañ um me ta dakaa.

A kim a tedu ke 98:1

A kim a tedu yoo. Ngimanyo o Yaal oxe a kim a qas, yaam a fi’a comlaand. A maafta a ñamaak um, o ɓay um o tedu le.

Mbeeñil 19:14

A yaj ake no yaal kumnax ke ndefna na asamaan kaa ndeefanoogun, oxuu refna a ŋaay bari. Weene koy kaa ndokoox’u sooy yelefu kaa ndanigna, too a nqool.

Mace 28:18

Yeesu a matiida a den, a lay ee: «Ci’eem sañ-sañ fuu refna na asamaan fo na adna.

A kim a tedu ke 76:7

Wo Roog fee Yakoob, ye ŋaloona a den, ŋaaŋaay fo pis den fop a nqona.

Mbeeñil 9:7

Tooroog keene kaa nandtaa pis kaa kesaneena xire, a saq o ndip onqaa nandna fa wurus na qoox den, soo mukit den a nand fo mukit no kiin.