Mbeeñil 6:16 - NQAARIIT NE ROOG

¹⁶ Naaga, a layooga xa coong axe fo a ƥil ake yee: «Ngirdooxyo took in, ndax nu laq a in mukit fee no Xe moofna no gamb no maad le, ngoƭatirand a in fo fuux le no Mbaal onqe,

Mbeeñil 6:16 Referans Kwoze

YEGIL MBAAX NE YEESU ne Lik a bindtuuna 23:30

A koom, xan wiin we a layataa xa coong axe yee: ‹Ngirdooxyo took in!› Xan a layaa a ñaang ake itam ee: ‹Muuryo a in!›

Hoose 10:8

A ñaang a sadaxand ake Bet-Awen, me Isra’el a bakaaditna, xan a luƈtel, tomb fo takar-ñiig xan a sax took xa sadaxand axe den. Xan wiin we a lay xa coong axe yee: «Muuryo a in!», a lay a ñaang ake yee: «Ngirdooxyo took in!»

Mbeeñil 4:2

Ndak fo ndak, Yiif Tedu le a gifaxam, a ɓisaam. Maaga koy kam asamaan, a jeg’a gamb no maad. Took gamb leene koy, a jeg’a oxaa moof’ina teen.

Mbeeñil 20:11

Cinj kaaga, ga’aam gamb no maad maak ran fo xe moofna teen. Lanq ke fa asamaan fee a qicooxa boo a ngoƭ mukit um, nga’ataand boo xoo.

Mace 26:64

Yeesu a doonaan ee: «Wo ne’un! Too mexe layaa a nuun ee: Xan nu nga o Ƥeenqe no kiin oxe a moof na ñamaak Roog o Yaal katil, soo a garaa took a eel ake, a inoortiid na asamaan.»

Yeremi 8:3

Fa nqon na moƴkaa yee o ñoow no fop we na yoqkaa na xeet fa ngañaanu feene, no fo mbiñ fo mbogreer ne um pasarkaa a den fop.» O Yaal oxe Hupna fop layun.

Mbeeñil 19:15

Laƥ mbeelu a sutoortooga no don um, ndax ta xawtin qeet ke. Xan a xurit a den o samb njelem, a mokand xa biiñ axe kam o nirir ole refna fuux ɗomu le Roog fa njegu katil fee.

Mbeeñil 10:6

A daaɓoorta oxe na ñoowaa bo na moos boo moos. Oxeene refu oxe sakna asamaan fo ke ta moŋna, a sak lanq ke fo ke ta moŋna, a sak o maag ole fo ke ta moŋna. Malaaka fee a daaɓooxa yee: «A cung jegkatee!

Mbeeñil 6:10

Kaa mbalalooxoogu a maak ee: «O Yaal o tedu fo o tigil oxe, boo a mban o cungkaa ndax o hate we ngenna na adna fee, xaw a den, yaam ne da mbar’ina a in?»

Mbeeñil 4:9

A mbanuu pindel nahik keene ngimoogna a simataa, a niwaa too a ngidmaa oxe moofna no gamb no maad le, refna oxe na ñoowaa bo na moos boo moos,

Mbeeñil 4:5

Xa kiiñ fo fangax fo ƭuuɗ a sutoortooga no gamb no maad le. Xa cam ɓetaa ƭaq a ngeƥand’e mbaambir gamb no maad le. Xa cam axeene ndeeƭu a yiif ɓetaa ƭaq ake Roog.

A kim a tedu ke 14:5

Xan a mos o send fo diid, yaam Roog kaa fartaa jofu we.

Esayi 2:10

Laqooxyo kam ee kam a ƥil ake, ndok kam lanq ke, ndax nu ƈuf katil saɗarnooxu ne no Yaal oxe fo o magnel ole no ndam onqe ten.

Mark 3:5

Naaga, Yeesu a ɗeeta a den fop, too a fuux. A naqadiloox’a sax yaam a qeeñ a saƭku ke den. A laya o koor oxe yee: «Letni o ɓay of.» A letnaan, too o ɓay um a woda boo ceŋ.

Mbeeñil 5:1

Cinj kaaga, ga’aam no ɓay o ñamaak ole no xe moofna took gamb no maad le a kayit alaa doreena, a bindel o saax oo saax, soo a wegtel xa ñaas ɓetaa ƭaq.

Mbeeñil 9:6

Na pe akaaga, xan wiin we a mbaaƭaa fa nqon too nga’kiran. Xan a mbug o nqon, ndaa xan fa nqon a riƈatoox a den.