Mbeeñil 6:12 - NQAARIIT NE ROOG

¹² Cinj kaaga, ga’aam o Mbaal onqe a ñaƥtaa o ñaas ɓetuu fo lengandeer ole. Maaga, a jeg’a yo’nax lanq maak, njeeƈ ne a ɓalig ɗok nen ndoki ñaawoor, a qoor ale a yaxig coy nen fo’oy,

Mbeeñil 6:12 Referans Kwoze

Mace 24:29

«Ndak fo ndak, a cinj coono fa maak faaga, xan njeeƈ ne a nuk, a qoor ale a niifaar, soo xa qoor axe a yenit na asamaan, too xan katil ke ndefna na asamaan a yo’noox.

Yowel 2:10

Lanq ke kaa sendaa mbaambir den, asamaan fee a yo’noox, njeeƈ ne fo o nqool onqe a nuk, soo xa qoor axe a ñak a qoolaand den.

Amos 8:9

A koom, xam fi njeeƈ ne a mud yaa ta fodna ndeer xoox, o niɓaan a joot took lanq ke njoloor o mbuc. Mi o Yaal oxe na refkaa boo faw layun.

Mbeeñil 16:18

Maaga, a jega xa kiiñ fo pangax fo ƭuuɗ fo a yo’nax lanq a maak alaa andoona yee naa o kiin a sake mosee o jeg a yo’nax alaa magnitna neene.

Mbeeñil 11:13

Na waxtu faaga, a jega a yo’nax lanq a cegu doole, too a qaaj xarɓaxayandeer ale na teeru faa a girdooxa. Wiin cuni ɓetuu ƭik a nqona na yo’nax alaaga no lanq ke. Lakas waa koy kaa ndiid’u boo a ƥoxotaa a Roog fee na asamaan o ndam.

Esayi 50:3

Kaam hulaa asamaan fee fo ɓaal-ee-ɓaal soo rokin ndoki ñaawoor.»

Esayi 29:6

o Yaal oxe Hupna fop xan a muclitong ƭuuɗ fo yo’nax lanq fo fangax maak fo nqeñ fo a und a maak fo aal fiɗel laa na raaɓaa.

Mbeeñil 8:5

Cinj kaaga, malaaka fee a janga o njaq onqe, a naqit fiɗel no sadaxand ole, a yipin teen bo ta may, soo a deɓin a lanq. Naaga, a jeg’a ƭuuɗ fo fangax fo xa kiiñaand fo a yo’nax lanq.

Esayi 24:23

A qoor ale xan a gaci, soo njeeƈ ne a sed, yaam o Yaal oxe Hupna fop xan a maadoox took o joong ole Siyoŋ, na Yeerusaleem, too xan o ndam um a meleƈ na kid no maak we.

Mace 24:7

Xan saax a inooxan saax, maat a inooxan maat, too xan a jeg qeex fo yo’nax lanq na saax a mayu.

Mark 15:33

Na waxtu njeeƈ ndeer xoox, a jeg’a o niɓaan took lanq ke fop, boo na waxtu a kirandax.

Mace 28:2

Maaga, lanq ke a yo’nooxa, yaam malaaka no Yaal oxe kaa fudoortiid’u na asamaan. A berenga ɓil laa weg’ina a mboy alaa, too a moof took um.

Mace 27:54

Yaa o aa-adax oxaa no xiixire waa fo waa ndeeƭna fo ten, a yetooxaa a Yeesu, a nga’na ne lanq ke a yo’nooritna fo ke xew’ina, a ndiida diid maak. Maaga, a layoogata yee: «O kiin oxeeke reeƭu o Ƥeenqe Roog ndigil!»

Mace 27:45

No kaa xotitna na waxtu njeeƈ ndeer xoox boo na waxtu a kirandax, a jeg’a o niɓaan took lanq ke fop.

Sakari 14:5

Xan nu naang futuxtux, ndeef na yulanq ale ndeer xa coong axe, retna boo a damik Asal. Xan nu ƈuf ne daan nuun a ƈufit’ina, yaa lanq kaa a yo’nooxna, a soƥ Usiya a refaa o maad Yudaa. Maaga, o Yaal oxe Roog es xan a gar, a yoon fo tedu we ten fop.

Amos 1:1

Safe leeke kaa wetandooxaa ke Amos a layna, ta war o dal a Isra’el. Amos feene koy na saate fee Tekowa a gen’u, a ref o kaynaak, Roog a feeñlin keene na jamaane fee Usiya a refaa o maad Yudaa, Yerobowam fee o ƥiy Yehowas a ref o maad Isra’el, ta ref xa kiid xa ƭaq mbaambrand a yo’nax alaa no lanq kaa.

Esayi 34:4

Katil ke ndefna na asamaan xan a ngef, asamaan fee a fokatoor nen a kayit a tore, soo juq le na xa qoor axe ten a yurdooxiid ne a naf ndaxar biiñ a yurdooraa, ne a naf ndun a ƥoorooraa.

Mace 11:21

«Ndaw sabab took of, wo Korasiin, ndaw sabab took of, wo Betsayda, yaam a pi katil ake mbi’eena me nuun a mbi’’ange kam Tiir fa Sidoŋ, a mbeskooga pakaad den a cinj yaaga, too a nderoox xa saaku, a moof no ndaw, ndax da lalit ee a ndicooxa.

Mbeeñil 8:12

Cinj kaaga, malaaka fa nahkandeer fee a luuƥa. Naaga, a qaaj a tadkandeer ale na qoor ale fo ale na xa qoor axe a nqawe, boo oxuu refna na den, a qaaj a tadkandeer ale na qoolaand um a mo. Jeg’atee a qoolaand na qaaj a tadkandeer ale no ñaal ne fo ale no yeng ole.

Mbeeñil 16:8

Malaaka fa nahkandeer fee a ɓaxa o mbeeƭ um took njeeƈ ne. Njeeƈ ne a ci’e o dox wiin we fo a sumaan ale ten.