Mbeeñil 6:10 - NQAARIIT NE ROOG

¹⁰ Kaa mbalalooxoogu a maak ee: «O Yaal o tedu fo o tigil oxe, boo a mban o cungkaa ndax o hate we ngenna na adna fee, xaw a den, yaam ne da mbar’ina a in?»

Mbeeñil 6:10 Referans Kwoze

Mbeeñil 19:2

Kaa hate’taa ndigil fo o cofel, yaam a hate’a a caga maak ale naxtoogna adna fee ceeq.»

Mbeeñil 11:18

Qeet ke fop kaa mbuux’u boo a mbuɓaa, ndaa waxtu fee waroona o fuux fa waxtu fee waroona o hate we nqonna a fadiida. Waxtu fee waroona o saɗig dag we wo na njo’tanang, waxtu fee o saɗigkaa we mbogna na wo, a saɗarong, ta ref yaal toole ke mbaat we neewna doole, a fadiida. Waxtu fee waroona o gef we na ngefaa adna fee a fadiida.»

O leetar ole Pool a bindna GIMU WE NGENNA ROM 12:19

Qaariit es, ba nu ndabdinooxan a qoox nuun muk, ndaa nqaƴyo Roog a ɗaxit fuux um. Yaam a laye na Pind a Tedu ke yee: «Mi ndabdinax a helu, too mi na rabidkaa.» Keene o mat o Yaal oxe a layu.

A kim a tedu ke 9:12

Nqaananyo o Yaal oxe genna Siyoŋ, yegnit a ndeer qeet ke a pi katil um.

Mbeeñil 3:7

«Bindanaam a malaaka fee na yetooxaa mbokatax ne no gimu we kam teeru faa Filadelfi yee: ‹Fa lay feeke kaa inoor no Tedu xe refna Ndigil ne itam. Ten saqu o jaafu le Dawid, a ref oxe na wetaa, too o leng wegkee, a ref itam oxe na wegaa, too o leng waagkiran o wet.

YEGIL MBAAX NE YEESU ne Lik a bindtuuna 21:22

Yaam xan a ndef ñaal kaa Roog a rabdinooxkaa, ndax ke bind’eena fop a fadnoox.

Sakari 1:12

Maaga, malaaka fee no Yaal oxe a laya yee: «O Yaal oxe Hupna fop, xa kiid qarɓeen ɓetuu ƭik axey axaa fuuxanoona a Yeerusaleem fo teeru lakas ke Yudaa. Ndi neeke o fañkaa o yirim a den boo a mban?»

Mbeeñil 18:20

Ten taxu wo asamaan, felakinooxi! Nuun we mbogna na Roog fo apootar we fo duleer we, kaam ee mbelakinooxyo, no ne Roog a hate’na teeru feene yaam ɗom le ta fi’na a nuun.»

Mbeeñil 18:24

Babilon kaa xaw’el yaam fo’oy le no duleer we fo le no we mbogna na Roog fo le no we mbar’eena fop na adna fee kaa soƥel no ten.

A kim a tedu ke 79:10

Ba o xaƴ qeet ke da lay na in ee: «Taa Roog den?» Fat i nga’ood ne o rabdinooraa took qeet keene fo’oy le no dag we wo da ƥaxna.

1 Sami’el 24:12

Faap es, ga’i ke ɗeguuma no noflax ole no sabadoor ne wo! Kaam ɗegin doŋ, fañong o war. Andaa a paax boog ee heñya’iroong paaxeer too bugiim o siiknoor fa wo. Ga’aa yee tooñiroong. Wo kañ na waaƭaa maa xuuftoona o ñoow es.

Mbeeñil 3:10

Yaam ne gayoona ke layuuma no kaa farna no saƭkel, ten taxu mi itam oo xam gaynaakong na jamaane fee Roog a toroxandkaa adna fee fop, ndax ta ɗeetloox we ngenna no lanq ke fop.

Mberaand 4:10

Maaga, o Yaal oxe a laya yee: «Xar fi’o? O wuuq ole no fo’oy le no ndeɓ of a jaaƥatilooxiida boo me mi.

Hebre 12:24

Kaam ee, nu matiida a Yeesu fee refna o ndok-a-ndeer onqe no ngiɓoor nqas ne, matiid fo’oy le ten ɓaxeena, too a regaa a nuun kaa moƴna le Abel.

Dañel 12:6

O leng na den a laamta o koor oxaa rokooxna ndoki njoor, a yooroox foofi le no xuluɓ ole yee: ‹Mban com’andtu kene a muukooxkaa?›

Esayi 61:2

Kaa lulaam, ndax um yegnitaa o Hiid o mbelakinax ole no Yaal oxe fa bes fee Roog in a rabdinooxkaa took no fañ um soo yaal fop we naqadilooxna.

A kim a tedu ke 35:17

O Yaal oxe, kaa o bugko ɗeetaa keene boo a mban? Mucli o ñis es no we na ŋuuranaxam, suqtaam no fo njogoy fo njanglax neene.

A kim a tedu ke 13:1

O yaal a ƭat ale no jeejeek we a xoolne yee a kim a tedu lene kaa fog na ke Dawid.

Haahate we 16:28

Maaga, Samson a ƴufginooxa o Yaal oxe, a lay ee: «O Yaal oxe na refkaa boo faw, ngela wetandooxaam! Wo Roog, ci’atinaam doole no jaf leeke doŋ, ndax um rabdinoox jaf leng kut took no Fiifilista we, na kid es ake ñakuuma.»

Dañel 8:13

Maaga, nanaam malaaka fa tedu faa na layaa. Fa lakas a laamtaan ee: ‹Ke feeñleena kaa bugko jegaa boo a mban? Boo a mban sadax ke ƥoxotoogeena bes fuu refna a njegkateeru? A paɗax a qoolaƭaru le kaa refkaa meen boo a mban? O mbiñ o tedu nqe fo a yaj ake na asamaan kaa mbugko nduuteel boo a mban?›

A kim a tedu ke 119:84

Kaam bugko cungaa boo a mban, mi fee o tag of? A mban o hate’kaa we na ñagadilaxam?

YEGIL MBAAX NE YEESU ne Lik a bindtuuna 2:29

«Ndiiki koy o Yaal oxe, xaƴaam mi fee o paɗ of, um mooc na jam ne regtitanoona,

2 Piyeer 2:1

No camaane ke mbaafna, a jeg’a duleer maamaaɓ a ndeer xeet fee. Neene itam, xan a jeg a ndeer nuun jaajangin maamaaɓ waa na ƥisiidkaa a cangin a paaxeer akaa na yaqkaa o ñoow ole no wiin we, a nqañaa o Yaal oxe mucilna a den no pakaad den. Yaam ke da mbi’aa fop, a qaw a maak xan a gar took den, a saŋik a den no miñeer.

A ƭomatax ake 3:64

O Yaal oxe, ɓoxoti a den ndabid jale na xa ƥay den!