Mbeeñil 5:11 - NQAARIIT NE ROOG

¹¹ Ɗeetahinaam too nanaam o ñuxur no malaaka mayu. A mbi’a ngap cuni-cuni fo qarɓaxay no cuni. Malaaka keene kaa ngeenoox’u, a mbid o kurul-keƥ gamb no maad le fo pindel ke fo maak we fop.

Mbeeñil 5:11 Referans Kwoze

Dañel 7:10

O xuluɓ fiɗel a balta mbaambir um. Wiin cuni-cuni ndagooxoogun, waa o leng a waageerna o lim a ngeenoox mbaambir um. Maaga, haahate we a moofa, too a safe ke a mbete.

Hebre 12:22

Nuun koy, nu matiida o Joong ole Siyoŋ, matiid teeru fee Roog fa ñoow jok fee, refna Yeerusaleem aa-asamaan, matiid malaaka cuni-cuni. Nu matiida faan ɗaayu

Mbeeñil 4:6

Mbaambir gamb no maad leene, a jeg’ahina kaa nandna nen o maag o wendu laa mir-mirnoogna nen galam fo jem. A ndeer ee ndeer gamb no maad le fo me widuuna koy, a jeg’a pindel nahik kaa mayna a kid mbaambir den fo a cinj den.

Mbeeñil 4:4

Me wid’ina gamb no maad le koy, a jeg’a a kamb qarɓeen ƭik fo a kamb a nahak a lakas. Maak qarɓeen ƭik fo maak nahuk moof’u na kamb akeene. Kaa ndokoox’u tikoorik tan fur, oxuu refna a saq o ndip wurus no xoox um.

A kim a tedu ke 148:2

Simateenoo, nuun malaaka ke ten fop! Simateenoo, nuun xiixire um fop!

A kim a tedu ke 68:17

Wo o joong ole mayna xa cul, xar taxu o siisaa o joong ole Roog a jilna ndax ta gen teen? Iyo kañ! O Yaal oxe xan a gen teen boo faw.

Mbeeñil 19:6

Cinj kaaga, nanaam o ñuxur no faan maak ta fangoortaa nen poofi cegu doole kaa na nqawraa, a saxit nen fangax ƭuuɗ maak. Kaa xaanoogu yee: «Haleluyaa! O Yaal oxe Roog in fee jegna katil, oxe maadooxaa!

Mbeeñil 7:11

Malaaka ke fop kaa ngeenoox’u, a mbid o kurul-keƥ gamb no maad le fo maak we fo pindel nahik ke fop. Kaa ngungoogu mbaambir gamb no maad le, soo a mbaɗooxaa a Roog.

Mbeeñil 5:14

Cinj kaaga, pindel nahik ke a ndoona yee: «Amiini!» Maak we o mat a ngooknoox, a mbaɗooxaa.

Mbeeñil 5:6

Yaa kaaga a faafna, ga’atinaam o Mbaal onqaa geenooxna a ndeer ee ndeer gamb no maad le, pindel nahik ke fo maak we a ndeerin. O Mbaal onqe kaa nandtoogu nen kaa war’eena. Xa can ɓetaa ƭaq fo a kid ɓetaa ƭaq a saq’u, ndefna ndef a yiif ɓetaa ƭaq ake Roog, luliideena took lanq ke fop.

1 Maad we 22:19

Mikaya a layaan ee: «Nan-gilooxi kañ ke o Yaal oxe a layna! Kaam ga o Yaal oxe ta moof no uum-maamaad le ten, malaaka ke ten fop a ngeenoox na ñamaak um fo na janoon um.

A kim a tedu ke 103:20

Simatyo o Yaal oxe, nuun malaaka ke ten, nuun a salma-koor a cegu doole ke na mbadnaa ke ta heblaa, yaa nu nanna o ñuxur um.

A cangatin ale 33:2

Kaa tee: «O Yaal oxe a inoortiida no joong ole Sinayi, a feeñanta a den Seyiir nen njeeƈ naa na wataa, a meleƈit no joong ole Paaraan, a yoontiid malaaka tedu cuni-cuni, a pokooxan a den na ñamaak um fiɗel le no kebil ke!

Yudaa 1:14

Henok, o taan ɓetuu fa lengandeer xotitna na Aadama, a yegnita yaaga padafuleer kaa jofna na den ee: «Nan-gilooxyo, xan o Yaal oxe a gar, a yoon fo cuni-cuni ke mbogna fo ten.

Mbeeñil 5:8

Ye ta xotna a kayit ale, pindel nahik ke fo maak qarɓeen ƭik fo maak nahuk we a ndalfooxa o ngooknoox mbaambir no Mbaal onqe. Oxuu refna na den kaa saq’u o nqilimb fo o ndog wurus o yipe cuuraay boo muut. Cuuraay feene koy reeƭu a qeƭ ake no gimu we mbogna na Roog.

Mbeeñil 9:16

Liman’eem xiixire we ŋaay’ina pis ke, too a ndeeƭa cuni-cuni boo a caf teemeed ƭik.