Mbeeñil 5:10 - NQAARIIT NE ROOG

¹⁰ Fi’aa a den da ndef saasadax no maat of, ndax da ndagooxaa a Roog, a maadoox took lanq ke.»

Mbeeñil 5:10 Referans Kwoze

Mbeeñil 1:6

Kaa fi a in saasadax no maat um, ndax i ndagoox a Roog Faap um. Yaasam ta ɓoxotel o ndam fo ngelfa bo na moos boo moos! Amiini.

Dañel 7:27

Maat ne fo ngelfa ne fo o magnel ole no maat ke fop ndefna took lanq ke xan a ƥoxotel xeet fee no tedu we no xe Took-ee-took. Maat um jegkee muukandoong, too yaal toole ke na adna fee fop xan a ndagooxin too a nananin.›

Mbeeñil 22:5

O yeng jegkatee, too wiin we soxla’katee a qoolaand o jam mbaat ale no njeeƈ ne, yaam o Yaal oxe Roog xan a fudin took den a qoolaand um, da maadooxaa boo faw.

Mbeeñil 20:6

We na njegkaa a las na qontax a eetaand ale a ƭaaya, too xan a mbarke’el. Fa nqon fa ƭikandeer fee waagkee na den tus, too xan a ndef waa na ƥoxotanaa a Roog fa Kiristaa sadax, a maadoox fa Kiristaa boo xa kiid juni.

Dañel 7:18

Kaa koy, xan tedu we no xe Took-ee-took a ndaaw maat ne too xan a njegin boo faw, bo na moos boo moos.›

A sutax ale 19:6

Nuun o mat na ndefkaa xeet fa tedu no saasadax waa na ndagooxaxam.› Layanaam keene Ii-isra’el we.»

Mbeeñil 3:21

Oxe na maafkaa, xam ci’in ta moof fa mi took gamb no maad le mi, ne maaftuuma mi fa xoox es boo moof fa Faap fee no gamb no maad le ten.

Mbeeñil 20:4

Yaa keene a faafna, ga’aam a kamb, soo we moofna teen a ci’el sañ-sañ faa da ngate’itna. Ga’ahinaam itam xa laaw axe no we mbarnoor’eena, yaam ne da seede’anoogna a Yeesu, a nqaynaa fa lay fee Roog. Den fa qoox den koy mos’ee o mbaɗoox a Ɓaanoor fo nitaal um, too ndaaw’ee itam o ñaas ole Ɓaanoor na tagid den fo no ɓay den. Weene a nqontooxa, a maadoox fa Kiristaa boo xa kiid juni.