Mbeeñil 4:8 - NQAARIIT NE ROOG

⁸ Pindel nahik keene fop koy, oxuu refna na den a nafir ɓetaa fo leng a sax’u. Muu refna na nafir akeene kaa sax’u a kid, took fee fo yoora fee. Ñaal fo o yeng mbindel nuu refna kaa gimoogu yee: «O Yaal oxe Roog o Cegu katil oxe reeƭna fo xe na maadaa fo xe na garaa, kaa ted! Kaa ted! Kaa ted!»

Mbeeñil 4:8 Referans Kwoze

Mbeeñil 1:8

O Yaal oxe Roog kaa tee: «Mi refu Alfa fa Omega, o eetaand oxe fo o palakaand oxe, ref oxe na maadaa fo xe reeƭna fo xe na garaa, o Cegu katil oxe.»

Mbeeñil 4:6

Mbaambir gamb no maad leene, a jeg’ahina kaa nandna nen o maag o wendu laa mir-mirnoogna nen galam fo jem. A ndeer ee ndeer gamb no maad le fo me widuuna koy, a jeg’a pindel nahik kaa mayna a kid mbaambir den fo a cinj den.

Hebre 13:8

Yeesu Kiristaa o leng kut oo: Ten refu oxe faak, a ref oxe xaye, too ten na refkaa boo kili.

A sutax ale 15:11

O Yaal oxe, an nandu fa wo ndeer roog ke! Kaam ee an fodu fa wo o tedel, wo fee saɗarnooxna, jarel o tagas, fi’aa comlaand!

Mbeeñil 15:3

Kaa nqaanoogu a kim ale Moyiis fee o tag Roog, a nqaanaa itam a kim ale no Mbaal onqe Roog. Kaa nqaanoogu yee: «O Yaal oxe Roog fee jegna katil, a pi of kaa magin, too a mos! Wo daali maad no qeet ke! Mee ndax yuuƥ ke wo kaa njof, too ndigil kak a ndefu.

Mbeeñil 11:17

«Wo o Yaal oxe Roog o Cegu katil oxe, in we ngidmang, wo fee refna oxe na maadaa fo xe reeƭna, yaam ne pokooxoona katil maak ne wo soo maadooxaa.

Mbeeñil 16:7

Cinj kaaga, nanaam o ñuxur olaa inoorna no sadaxand ole a lay ee: «O Yaal oxe Roog fee jegna katil, kate ke wo ndigil kak oo, too a njofa.»

Heseki’el 1:6

Nuu refna na den a jeg’a mukit nahik fo a nafir a nahak.

A kim a tedu ke 91:1

Oxe na yoogooxaa me no xe Took-ee-took, a jaɓnooxaa me no Cegu katil oxe,

Mbeeñil 7:15

Ten taxu da ndef mbaambir gamb no maad le Roog, a ndagooxan ñaal fo o yeng kam mbind um. Oxe moofna took gamb no maad le xan a yookaa a den.

Mberaand 17:1

Ye Abram a jegna xa kiid qarɓeen ɓetuu nahik fo xa kiid ɓetaa nahaq, o Yaal oxe a feeñooxaan, a layin ee: «Mi refu Roog o Cegu katil oxe. Ñaaƴti o cofel mbaambir es boog!

Mbeeñil 21:22

Ga’iim Mbind Roog leng kam teeru fee, yaam o Yaal oxe Roog fa njegu katil fee refu Mbind Roog um, ten fo o Mbaal onqe.

Mbeeñil 19:15

Laƥ mbeelu a sutoortooga no don um, ndax ta xawtin qeet ke. Xan a xurit a den o samb njelem, a mokand xa biiñ axe kam o nirir ole refna fuux ɗomu le Roog fa njegu katil fee.

Mbeeñil 3:7

«Bindanaam a malaaka fee na yetooxaa mbokatax ne no gimu we kam teeru faa Filadelfi yee: ‹Fa lay feeke kaa inoor no Tedu xe refna Ndigil ne itam. Ten saqu o jaafu le Dawid, a ref oxe na wetaa, too o leng wegkee, a ref itam oxe na wegaa, too o leng waagkiran o wet.

Mbeeñil 1:4

Mi Saŋ na bindaa a nuun, nuun pokatax ɓetuu ƭik ke ndefna kam o jegel olaa Asi: Yaasam nu ndaawit yirmande fa jam na Roog, ten fee na maadaa, a ref oxe reeƭna too a ref oxe na garaa, fo na yiif ɓetaa ƭaq ake ndefna mbaambir gamb no maad le ten,

Mbeeñil 4:4

Me wid’ina gamb no maad le koy, a jeg’a a kamb qarɓeen ƭik fo a kamb a nahak a lakas. Maak qarɓeen ƭik fo maak nahuk moof’u na kamb akeene. Kaa ndokoox’u tikoorik tan fur, oxuu refna a saq o ndip wurus no xoox um.

2 Korint 6:18

Xam ref faap nuun, soo nu ndef xa ƥees, goor fo rew.» Keene o mat o Yaal oxe jegna katil a layu.

Esayi 62:1

Yaam o mbeq onqe jeguuma na wo, wo Siyoŋ, maarkiim o don es, yaam o mbeq onqe jeguuma na wo, wo Yeerusaleem, moofkiim fañ o fi dara, boo yaa o cofel of a feeñkaa nen mbeet, soo a muc of a meleƈ nen o jam.

Esayi 13:6

Ƭomatooxyo, yaam ñaal ne no Yaal oxe a matiida. Oxe garaa, a ref yaq faa hatiidna no Cegu katil oxe.

Yowel 1:15

Cey, ndaw ñaal o njom’andaand! Ñaal ne no Yaal oxe a matiida, a ref yaq faa hatiidna no Cegu katil oxe.

Mbeeñil 16:14

Cini keene koy na mbi’aa xa anddiloor, kaa ndet farna fo maad we na adna fee fop, ndax da mbokat a den, da ñoxorkel no ñaal maak ne Roog fee jegna katil.

Mbeeñil 14:11

Maaga, fo suun ole na fiɗel le na toroxandaa a den xan a naag kiw a yoɗoox boo xoo. We na mbaɗooxaa a Ɓaanoor fo nitaal um koy, fo xuu andoona yee a daawa o ñaas ole no gon um, weene fop njegkee a ñootnax ñaal fo o yeng.

2 Timote 4:2

Waare’i fa lay fee, damoox teen, too xiisnan no daaw mbaat no ñak o daaw. Lalti a ƭat, xasan we ndeefeeruuna, we na ndeefan o umbaa fiɗel a pi den. Keene fop, fi’teen o muñ, yoonandtin a cangin.

1 Timote 4:16

Yetooxi a xoox of fo a cangin of, dami no keene, fañ o waas, yaam o fi’angaan, xan o muc, mucil we na nan-gilooxang.

1 Tesalonik 2:9

Fog es, ƥekyo na yiif nuun ne i njalitna kam coono ñaal fo o yeng, ndax i ndoxondkee o leng na nuun a toq in, ye nu mbaare’eel Yegil mbaax ne Roog.

A pi ake 20:31

Yetooxyo boog, too mbetandoox ee xa kiid xa tadaq axey jegee ñaal fo o yeng olaa maƭooxeeruuma oxuu refna na nuun, fi’in boo loolaa sax.

A sutax ale 3:14

Maaga, Roog a laya a Moyiis ee: «MI REFU OXE REFUUMA.» A ɓaata teen ee: «Neeke o mat o doonkaa Ii-isra’el we: Oxe ne’eena MI REFU, luliidaxam me nuun.»

Heseki’el 1:5

A ndeer ale itam, pindel nahik kaa o mem den a nandtaa o kiin a mbeeñooga.

Heseki’el 1:18

A saang ake den kaa mbod’u ne sabab, too den nahuk fop a saang ake den kaa may’u a kid me widna a den fop.

Heseki’el 10:12

Cer den fop, ndiiñ den, xa ƥay den, a nafir den fo a saang ake, a saang ake no pindel nahik ke, kaa may’u muut fo a kid me widna a den.

Mbeeñil 4:9

A mbanuu pindel nahik keene ngimoogna a simataa, a niwaa too a ngidmaa oxe moofna no gamb no maad le, refna oxe na ñoowaa bo na moos boo moos,

Mbeeñil 5:6

Yaa kaaga a faafna, ga’atinaam o Mbaal onqaa geenooxna a ndeer ee ndeer gamb no maad le, pindel nahik ke fo maak we a ndeerin. O Mbaal onqe kaa nandtoogu nen kaa war’eena. Xa can ɓetaa ƭaq fo a kid ɓetaa ƭaq a saq’u, ndefna ndef a yiif ɓetaa ƭaq ake Roog, luliideena took lanq ke fop.

Mbeeñil 6:1

Cinj kaaga, ga’aam o Mbaal onqe a ñaƥtaa o leng na xa ñaas ɓetaa ƭaq axe. Nanaam itam leng no pindel nahik ke a fangooraa nen ƭuuɗ. Kaa layoogu yee: «Gari!»

Mbeeñil 6:6

Maaga, nanaam kaa nandna fo o ñuxur olaa inoorna a ndeer pindel nahik ke, a lay ee: «Ndabid calel ñaal muum fop kilo leng bele yoo mbaat kilo tadik lorso. Kaa koy, ba o fi kaa faaxeerna na diwliin fee fo na biiñ fee.»

Mbeeñil 7:11

Malaaka ke fop kaa ngeenoox’u, a mbid o kurul-keƥ gamb no maad le fo maak we fo pindel nahik ke fop. Kaa ngungoogu mbaambir gamb no maad le, soo a mbaɗooxaa a Roog.

Mbeeñil 14:3

Wiin weene kaa ngimoogu a kim a qas mbaambir gamb no maad le fo mbaambir pindel nahik ke fo maak we. Kaa koy, o leng waag’ee o aqatoox a kim ale, a refangee wiin cuni teemeed we fo wiin cuni qarɓeen nahik we fo wiin cuni nahik we mbat’eena na adna fee.

Mbeeñil 15:7

Leng no pindel nahik kaa a cooxa malaaka ɓetuu ƭik kaa fo mbeeƭ ɓetuu ƭik wurus naa mayna muut fo fuux le Roog fa ñoow jok fee na refkaa boo faw.

Mbeeñil 19:4

Maaga, maak qarɓeen ƭik fo maak nahuk we fo pindel nahik ke a ndalfooxa o ngooknoox, a mbaɗoox a Roog fee moofna took gamb no maad le. Kaa nqaanoogu yee: «Amiini! Haleluyaa!»