Mbeeñil 4:7 - NQAARIIT NE ROOG

⁷ Mbindel eetaand ne kaa nandtoogu njogoy, ƭikandeer ne a nandtaa o xeel, ndadkandeer ne a saq mukit no kiin, nahkandeer ne a nandtaa a canjiik alaa na yetaa.

Mbeeñil 4:7 Referans Kwoze

Heseki’el 10:14

Mbindel nuu refna a jeg’a mukit nahik, fa eetaand fee mukit mbindel yeeyetax a reeƭu, fa ƭikandeer fee mukit no kiin, fa ndadkandeer fee mukit njogoy, fa nahkandeer fee mukit a canjiik.

Heseki’el 1:10

Oxuu refna na den a jeg’a mukit keeke: Mukit no kiin, mukit njogoy no saax o ñamaak, mukit nqoox na janoon fo mukit a canjiik.

Heseki’el 10:21

Nuu refna a jeg’a mukit nahik fo a nafir a nahak akaa njeg’ina ɗuga fee kaa saxitna nen xa ƥay no kiin.

Mbeeñil 4:6

Mbaambir gamb no maad leene, a jeg’ahina kaa nandna nen o maag o wendu laa mir-mirnoogna nen galam fo jem. A ndeer ee ndeer gamb no maad le fo me widuuna koy, a jeg’a pindel nahik kaa mayna a kid mbaambir den fo a cinj den.

Dañel 7:4

Fa eetaand fee kaa nandtoogu njogoy, ndaa a nafir a canjiik a saq’u. Kaam ɗeetoogun, boo neen a nafir ake ten a mbofe, ta yoɗtel a lanq, a geennitel a caf a ciijing ake ten nen o kiin soo a cooxel sagu no kiin.

Heseki’el 1:8

Pindel nahik ke a njeg’a o ɓay no kiin ɗuga a nafir aluu refna na xa saax xa nahaq axe den. Xa ƥay axeene kaa mbaambir’u na xa saax xa nahaq axe nen mukit ke den fo a nafir den.

Esayi 40:31

ndaa we yaakaarna o Yaal oxe kaa ndaawaa doole fa nqas. Kaa yetaa nen a canjiik, a ƈufaa, too nqijkee, a ñaaƴaa, too ñakkee doole.»

A cangatin ale 28:49

Xan o Yaal oxe a inantiid a nuun koƭu no cat adna xeet faa na dalitkaa took nuun nen a canjiik. Xeet feene xan a ndef xeet faa nu nankeerna lak den,

Abjaas 1:4

O yaaroogangaa took-ee-took nen a canjiik soo raang ndeer xa qoor axe sax, xam ɗangtitiidong maaga. Mi o Yaal oxe layun.

Xa peƭit axe 28:2

Boo saax a siiknoorna fo o Yaal oxe a naaga o mayaa kelfa, ndaa a jegangaa o leng oxaa jegna yiif fo o and, maat ne kaa saƭkaa.

2 Sami’el 1:23

Sawul fa Yoonatan kaa mbug’el too a mbex’el. Mbaag’aand o sambrand no ñoow den fo na fa nqon den. Den moƴ’u o ñof a canjiik, a moƴ o njambaar njogoy.

Mberaand 49:9

Yudaa kaa ref o njogoy o njanglax, o ƥees, kaa o inoor no nqawlax, tuuƭ o ɓay of, soo wondoox nen njogoy: An na inkan?

1 Korint 14:20

Fog es, ngela ba nu saq yiif no ndeɓandoong. No paaxeer koy, njaɓyo o ndef xa qeq, ndaa fat nu ndef maak no Yiif le Roog,

A lim ale 24:9

Xeet feene kaa nand nen njogoy, nen njogoy ƥasil naa o leng a saɗeerna o yok, yaa ta wondooxna. Oxuu barke’oonga, xan a barke’el, ndaa oxuu salooxoonga, xan a salooxel.»

A lim ale 23:24

Xeet fene oxe jiŋ, a geenoox nen njogoy ƥasil. Wondooxkee a refangeerna kaa ƴax mbuufuɗag um, soo a yer fo’oy le no ke ta warna.»

Mbeeñil 6:3

Cinj kaaga, o Mbaal onqe a ñaƥta o ñaas o ɗikandeer ole, too nanaam mbindel ƭikandeer ne a lay ee: «Gari!»

Mbeeñil 6:5

Cinj kaaga, o Mbaal onqe a ñaƥta o ñaas o dadkandeer ole, too nanaam mbindel ndadkandeer ne a lay ee: «Gari!» Ɗeetaam too ga’aam pis ƥaal, oxe ŋaay’uuna a saq balaas no ɓay um.

Mbeeñil 6:7

Cinj kaaga, o Mbaal onqe a ñaƥta o ñaas o nahkandeer ole. Maaga, nanaam mbindel nahkandeer ne a lay ee: «Gari!»