Mbeeñil 4:6 - NQAARIIT NE ROOG

⁶ Mbaambir gamb no maad leene, a jeg’ahina kaa nandna nen o maag o wendu laa mir-mirnoogna nen galam fo jem. A ndeer ee ndeer gamb no maad le fo me widuuna koy, a jeg’a pindel nahik kaa mayna a kid mbaambir den fo a cinj den.

Mbeeñil 4:6 Referans Kwoze

Mbeeñil 15:2

Cinj kaaga, ga’aam kaa na nandtaa o maag o wendu laa fokatoorna fo fiɗel. Ga’ahinaam we maaf’ina a Ɓaanoor fo nitaal um fo limel ne fodirna fo gon le ten. Kaa ngeenoox’u took o maag o wendu le, a saq fo nqilimb ne Roog a coox’ina a den.

Mbeeñil 5:6

Yaa kaaga a faafna, ga’atinaam o Mbaal onqaa geenooxna a ndeer ee ndeer gamb no maad le, pindel nahik ke fo maak we a ndeerin. O Mbaal onqe kaa nandtoogu nen kaa war’eena. Xa can ɓetaa ƭaq fo a kid ɓetaa ƭaq a saq’u, ndefna ndef a yiif ɓetaa ƭaq ake Roog, luliideena took lanq ke fop.

Mbeeñil 14:3

Wiin weene kaa ngimoogu a kim a qas mbaambir gamb no maad le fo mbaambir pindel nahik ke fo maak we. Kaa koy, o leng waag’ee o aqatoox a kim ale, a refangee wiin cuni teemeed we fo wiin cuni qarɓeen nahik we fo wiin cuni nahik we mbat’eena na adna fee.

Mbeeñil 19:4

Maaga, maak qarɓeen ƭik fo maak nahuk we fo pindel nahik ke a ndalfooxa o ngooknoox, a mbaɗoox a Roog fee moofna took gamb no maad le. Kaa nqaanoogu yee: «Amiini! Haleluyaa!»

Mbeeñil 5:14

Cinj kaaga, pindel nahik ke a ndoona yee: «Amiini!» Maak we o mat a ngooknoox, a mbaɗooxaa.

Heseki’el 10:14

Mbindel nuu refna a jeg’a mukit nahik, fa eetaand fee mukit mbindel yeeyetax a reeƭu, fa ƭikandeer fee mukit no kiin, fa ndadkandeer fee mukit njogoy, fa nahkandeer fee mukit a canjiik.

Heseki’el 10:12

Cer den fop, ndiiñ den, xa ƥay den, a nafir den fo a saang ake, a saang ake no pindel nahik ke, kaa may’u muut fo a kid me widna a den.

Mbeeñil 7:11

Malaaka ke fop kaa ngeenoox’u, a mbid o kurul-keƥ gamb no maad le fo maak we fo pindel nahik ke fop. Kaa ngungoogu mbaambir gamb no maad le, soo a mbaɗooxaa a Roog.

Mbeeñil 22:1

Naaga, malaaka fee a lalaxam o xuluɓ ole no foofi le na ñoownaa. Kaa mir-mirnoogna nen galam fo jem a sutoorooga no gamb no maad le, Roog fo o Mbaal onqe a njegna,

Mbeeñil 21:11

Teeru feene koy, o ndam onqe Roog a taxa ta meleƈaa. O mosel um kaa nandtoogu nen ɓil jafeñu hoƥu laa ne’eena yaspe, a mirmirnaa nen galam fo jem.

Mbeeñil 15:7

Leng no pindel nahik kaa a cooxa malaaka ɓetuu ƭik kaa fo mbeeƭ ɓetuu ƭik wurus naa mayna muut fo fuux le Roog fa ñoow jok fee na refkaa boo faw.

Mbeeñil 21:21

Begax xarɓaxay fo begax ƭik ke koy, xa peme xarɓaxay fo xa peme xa ƭaq a ndeeƭu. Begax nuu refna o feme o leng a fi’te. A qal ale na teeru fee koy, wurus tigi faa na ɗeetooraa nen o weer a reeƭu.

Mbeeñil 21:18

Saŋe ne koy, a ƥil a cafeñu a koƥu kaa ne’eena yaspe a maxit’e, soo teeru fee a ref wurus tigi, a ɗeetooraa nen o weer.

Mbeeñil 7:17

yaam o Mbaal onqe refna ndeer gamb no maad le na refkaa o Kaynaak den. Xan a ɗox a den na cur foofi le na ñoownaa, soo Roog a forit xa kooniit den.»

1 Maad we 7:23

Huram a fi’a o waaŋaan xanjar o maak olaa fi’na wurmbal. Ke xotitna no cat boo no cat no waaŋaan oleene a reeƭa xa noonoong xarɓaxay, geel um a ref xa noonoong xa ƥetaq soo wurmbal fee a fi xa noonoong qarɓeen tadik.

Ke bindeena no xe ne’eena YOB 28:17

Waagaand muk o fodrandit wurus mbaat o weer, o ƥaxañ wurus fa nqoolu waagiran o sof.

A sutax ale 38:8

A fi’ta o roon o ɓogdinoor ole fo tiƈoor um xanjar. Xanjar feene koy, na xa ƭeendoor axe no rew we mbadnoogna o far den no ndokand ne no Ƭiif ne o Yaal oxe a xetteel, a hat’u.

Mbeeñil 4:4

Me wid’ina gamb no maad le koy, a jeg’a a kamb qarɓeen ƭik fo a kamb a nahak a lakas. Maak qarɓeen ƭik fo maak nahuk moof’u na kamb akeene. Kaa ndokoox’u tikoorik tan fur, oxuu refna a saq o ndip wurus no xoox um.

Mbeeñil 5:8

Ye ta xotna a kayit ale, pindel nahik ke fo maak qarɓeen ƭik fo maak nahuk we a ndalfooxa o ngooknoox mbaambir no Mbaal onqe. Oxuu refna na den kaa saq’u o nqilimb fo o ndog wurus o yipe cuuraay boo muut. Cuuraay feene koy reeƭu a qeƭ ake no gimu we mbogna na Roog.

Mbeeñil 5:11

Ɗeetahinaam too nanaam o ñuxur no malaaka mayu. A mbi’a ngap cuni-cuni fo qarɓaxay no cuni. Malaaka keene kaa ngeenoox’u, a mbid o kurul-keƥ gamb no maad le fo pindel ke fo maak we fop.

Mbeeñil 6:1

Cinj kaaga, ga’aam o Mbaal onqe a ñaƥtaa o leng na xa ñaas ɓetaa ƭaq axe. Nanaam itam leng no pindel nahik ke a fangooraa nen ƭuuɗ. Kaa layoogu yee: «Gari!»

Mbeeñil 6:6

Maaga, nanaam kaa nandna fo o ñuxur olaa inoorna a ndeer pindel nahik ke, a lay ee: «Ndabid calel ñaal muum fop kilo leng bele yoo mbaat kilo tadik lorso. Kaa koy, ba o fi kaa faaxeerna na diwliin fee fo na biiñ fee.»