Mbeeñil 4:5 - NQAARIIT NE ROOG

⁵ Xa kiiñ fo fangax fo ƭuuɗ a sutoortooga no gamb no maad le. Xa cam ɓetaa ƭaq a ngeƥand’e mbaambir gamb no maad le. Xa cam axeene ndeeƭu a yiif ɓetaa ƭaq ake Roog.

Mbeeñil 4:5 Referans Kwoze

Mbeeñil 11:19

Maaga, Mbind Roog ne na asamaan a dalfooxa o wetoox, soo arka ne no ngiɓoor ne a feeñit kam fee. A jeg’a xa kiiñaand fo pangax fo ƭuuɗ fo a yo’nax lanq fo a teƥ a kalam a ƥuuɓu.

Mbeeñil 8:5

Cinj kaaga, malaaka fee a janga o njaq onqe, a naqit fiɗel no sadaxand ole, a yipin teen bo ta may, soo a deɓin a lanq. Naaga, a jeg’a ƭuuɗ fo fangax fo xa kiiñaand fo a yo’nax lanq.

Mbeeñil 1:4

Mi Saŋ na bindaa a nuun, nuun pokatax ɓetuu ƭik ke ndefna kam o jegel olaa Asi: Yaasam nu ndaawit yirmande fa jam na Roog, ten fee na maadaa, a ref oxe reeƭna too a ref oxe na garaa, fo na yiif ɓetaa ƭaq ake ndefna mbaambir gamb no maad le ten,

Mbeeñil 5:6

Yaa kaaga a faafna, ga’atinaam o Mbaal onqaa geenooxna a ndeer ee ndeer gamb no maad le, pindel nahik ke fo maak we a ndeerin. O Mbaal onqe kaa nandtoogu nen kaa war’eena. Xa can ɓetaa ƭaq fo a kid ɓetaa ƭaq a saq’u, ndefna ndef a yiif ɓetaa ƭaq ake Roog, luliideena took lanq ke fop.

A sutax ale 19:16

No nqes naa, no ñaal ndadkandeer naa, a jeg’a ƭuuɗ fo xa kiiñaand, too eel niɓu a fudooxa took o joong olaa. A luuƥ a jiba a maak, too xeet faa fop ndeeƭna kam saŋe naa, a ndiid’a boo a sendaa.

Mbeeñil 3:1

«Bindanaam a malaaka fee na yetooxaa mbokatax ne no gimu we kam teeru faa Sardes ee: ‹Fa lay feeke kaa inoor no xe saqna a yiif ɓetaa ƭaq ake Roog, a deegoox xa qoor ɓetaa ƭaq axe. Kaa tee: Andaam ke o fi’aa fop. Kaa o nandtaa oxaa na ñoowaa, too yaaga fop oo kaa o xon.

Sakari 4:2

A laamtaxam ee: «Xar o ga’aa?» Doonaanum ee: «Ke um ga’aa de a pagal alaa refna wurus fa ƥor oo fo yipir diwliin no jul ole ten, soo ta saq xa lampa ɓetaa ƭaq fo xa mees ɓetaa ƭaq na xa lampa xe ndefna no jul ole na pagal ale.

A sutax ale 20:18

Xeet faa fop a nanooga ƭuuɗ ke fo a luuƥ ale njiboogna. A nga’ooga itam xa kiiñaand axe fo o joong ole suunoogna. Kaaga a tax’a xeet fee fop a sendaa, a mbod koƭu.

Heseki’el 1:13

Pindel keene fop kaa nandtoogu a kaagaañ a sumu jip. Kaa nand’u nen xa cam, soo fiɗel leene a widaa ndeer pindel ke. Fiɗel le kaa pictoogu a qoolaand, soo xa kiiñaand axe a sutooraa no fiɗel leene.

A kim a tedu ke 68:35

Njaɓyo katil fee Roog. Ten na maadooxaa took Isra’el, a eel ake a laltaa doole um.

2 Caloori ke 4:20

a pagal wurus fa nqoolu ke fo xa lampa wurus fa nqoolu xe mbarna kaƥaa mbaambir o Mbiñ onqe moƴna o ted, ne ta ɗaapit’eena na den,

A sutax ale 37:23

A fi’a xa lampa ɓetaa ƭaq fo caƥir fo yipir ndaw. Keene fop wurus fa nqoolu a ndeeƭu.

A pi ake 2:3

Maaga, a ƭelem akaa nandna nen a aal fiɗel a mbeeñooxa a den, a nqaajoox, soo a ndoonoox took o kiin oo kiin na den.

Mace 3:11

Mi, mexe batiise’taa a nuun foofi, ndax ta lalit ee nu mbesa pakaad nuun a cinj, ndaa oxe na reefaniidaxam moƴaxam o jeg doole, too o wolanin xa ñaaƭ um sax a jombaxam. Ten o mat, xan a batiise’it a nuun Yiif Tedu le fa fiɗel.

Mberaand 15:7

O Yaal oxe a layahinaan ee: «Mi refu o Yaal oxe suttoonga na teeru faa Uur fee no Kaakalde we ndax um ci’ong saax lene o jegkin.»

A sutax ale 25:37

Fat o fi’in xa lampa ɓetaa ƭaq, doon a den maa waagna o tax da nqoolandaa mbaambir a pagal ale.

Mace 25:1

«Yaaga koy, xan Maat ne na asamaan a nand fo roog xarɓaxay waa njangna xa lampa soo a nqetik fo o kor-no-kulook oxe.

Mbeeñil 10:3

Naaga, a falalooxa a maak nen njogoy naa na bumbaa. Ye ta falalooxna, ƭuuɗ ɓetuu ƭik ke a mbangooxa, a njaaɓanin.