Mbeeñil 4:3 - NQAARIIT NE ROOG

³ Meleƈ um kaa nandtoogu nen meleƈ ɓil jafeñu hoƥu laa ne’eena yaspe fo nen ɓil jafeñu yaxgu laa ne’eena sarduwaan. Gamb no maad leene koy, a ñang-ee-ñang alaa nandtoogna ɓil jafeñu hoƥu laa ne’eena emerood wid’un o kurul-keƥ.

Mbeeñil 4:3 Referans Kwoze

Heseki’el 1:28

A qoolaand ale wid’uuna kaa nandtoogu ale na ñang-ee-ñang ale refna kam a eel ake na bes a teƥ. Kaa reeƭu a peeñax no ndam onqe no Yaal oxe. Ye ga’uuma keene, deɓooxaam a lanq gung too nanaam o ñuxur no xaa layoogna fa mi.

Mbeeñil 21:11

Teeru feene koy, o ndam onqe Roog a taxa ta meleƈaa. O mosel um kaa nandtoogu nen ɓil jafeñu hoƥu laa ne’eena yaspe, a mirmirnaa nen galam fo jem.

Mbeeñil 10:1

Ga’aam malaaka fa njegu doole fa lakas a fudoortiidaa na asamaan, a huloox eel, soo a ñang-ee-ñang a yooroox xoox um. Mukit um kaa meleƈoogu nen njeeƈ, a caf um a miric-miricnaa nen aal fiɗel.

Heseki’el 28:13

Kaa o reeƭu kam Edeen, a ƭing ale Roog. Kaa o muuroox’u fo a ƥil a cafeñu akuu ndefna: sarduwaan, topaas, jamaa, kirisolit, onik, yaspe, safiir, eskarbuukle, emerod fa wurus. A ñal ake wo fo a liit ake wo, wo a ndefan’u, a njagandan’el bes fee sakee’oona.

Heseki’el 1:26

Me yoorooxna a qul aleene garitna a qoox ake den took, a jeg’a kaa na nandtaa ɓil jafeñu laa ne’eena safiir, a saxit nen uum-maamaad, soo took uum leene, kaa nandna nen o kiin a fod took fee.

A sutax ale 24:10

A nga’a a Roog fee Isra’el. Me ta dakoogna koy, kaa nand’u fo ɓil safiir, a xoolit nen a asamaan fee.

A sutax ale 39:11

a cur a ƭikandeer ale a jeg a ƥil a cafeñu kaa ne’eena eskarbuukle fa safiir fa jamaa,

A sutax ale 28:18

a cur a ƭikandeer ale a jeg a ƥil a cafeñu kaa ne’eena eskarbuukle fa safiir fa jamaa,

Esayi 6:1

No hiid olaa o maad Usiya a xonna, ga’aam o Yaal oxe a moof took uum-maamaad goƭu took, soo xa noflax axe no sabadoor ne ten a may Mbind Roog ne.

Heseki’el 10:1

Ɗeetaam too farna fo a qul ale letnoox’ina, a garit a qoox ake no pindel yeeyetax ke took, a jeg’a nand nen ɓil jafeñu laa ne’eena safiir. Me garit’ina a den took a jeg’a kaa saxitna nen uum-maamaad.