Mbeeñil 4:11 - NQAARIIT NE ROOG

¹¹ «Koo o Yaal oxe Roog in, jombiro ɓoxotel o ndam fo o niwel fa katil, yaam wo saku fop, too na pexey o bug of ke sakeena a reftu.»

Mbeeñil 4:11 Referans Kwoze

Mbeeñil 5:12

Kaa ngimoogu fo o ñuxur o maak ee: «O Mbaal onqe war’eena a hela o daaw katil fa halal fo o and fa doole fo o niwel fo o ndam fo a simat.»

Esayi 40:28

Ndax kaa andino? Ndax kaa nanino? O Yaal oxe refu Roog bo na moos boo moos. O ten saku adna fee, a xotit no cat boo no cat. Naagee o xijaa, too doole um wañooxkee muk. O leng waagee paang o jeg-yiif um fop.

Xa peƭit axe 16:4

Kuu o Yaal oxe a fi’na tig taxun, boo no soxodu xe sax jagandaneena ñaal taamaala ne.

Mbeeñil 10:6

A daaɓoorta oxe na ñoowaa bo na moos boo moos. Oxeene refu oxe sakna asamaan fo ke ta moŋna, a sak lanq ke fo ke ta moŋna, a sak o maag ole fo ke ta moŋna. Malaaka fee a daaɓooxa yee: «A cung jegkatee!

Mbeeñil 14:7

Kaa layoogu fo o ñuxur o maak ee: «Saɗaryo a Roog, too ƥoxotin o ndam, yaam waxtu fee na hate fee ten a fadiida. Fat nu mbaɗoox oxe sakna asamaan fee fo lanq ke fo o maag ole fo xa quluɓ axe.»

Mbeeñil 5:9

Maaga, a ngimooga a kim a qas alene: «O xot a kayit ale soo ñaƥit xa ñaas axe jombirang, yaam kaa o war’el. Na pexey fo’oy of watanaa a Roog wiin inooru no tim oluu refna, na lak fuu refna fo no saax luu refna fo na xeet fuu refna.

Hebre 1:10

A layahina yee: «O Yaal oxe, no mberaand naa wo saku lanq ke, too wo bindtu asamaan xa ƥay of.

Mberaand 1:1

No mberaand naa Roog a saka asamaan fo lanq.

O leetar ole Pool a bindna GIMU WE NGENNA ROM 11:36

Yaam fop no ten a inooru, a sakoor no ten soo a refanin. Roog feene a hela o ɓoxotel o ndam boo faw! Amiini.

Efees 3:9

A ci’axam itam, ndax um xoolandan wiin we fop, da and ne kunpa fee Roog a wareena o feeñlit. Roog oxe sakna fop, kaa bug’u o ɗasin yuuƥ neene, yaaga boo fa ndiik.

A pi ake 14:15

«Bara waay, fog we! Xar taxu nu mbi’aa kene? In itam, wiin i ndefu nen a nuun. Kaa i ƥisiid a nuun Yegil mbaax ne na xoyaa nuun, nu mbes a cinj xa koɓong axene nu mbi’na roog, too mbiƈaqiloox na Roog fa ñoow jok fee sakna asamaan fo lanq fo o maag ole fo fop ke refna teen.

Yeremi 32:17

‹Ey, o Yaal oxe na refkaa boo faw, wo saktu asamaan fo lanq katil magnu of fo o ɓay o jegu doole le wo. Dara xoxirang.

A kim a tedu ke 18:3

O Yaal oxe, wo refu ɓil es, saŋe es fo o baawat es. Wo refu Roog es, o joong ole um jaɓnooxaa. Wo refu pegoor es, o Muumucil es o mayu katil fo laqooxand mbooru es.

Nehemi 9:5

Cinj kaaga, Leelewi we ndefna Yesuwa, Kadmi’el, Bani, Hasabneya, Serebiya, Hodiya, Sebaniya fa Petahiya a mbalalooxa yee: «Inooxyo, ngidim o Yaal oxe Roog nuun, bo na moos boo moos.» «O Yaal oxe, fat oxuu refna a niw gon of jegu o ndam, o magnel um a hupna o ngidim onquu refna fo a simat aluu refna.

A pi ake 17:24

Roog fee sakna adna fee fo fop ke refna teen, refu o Yaal asamaan fo lanq. Roog feene koy naagee o genaa no mbind-sadaxand naa o ɓay no kiin a jalna.

2 Sami’el 22:4

Tedaanga a hela o Yaal oxe! Kaam ƴufginooxan, soo ta muclaam no fañ es.

Mbeeñil 5:2

Maaga, ga’aam malaaka njegu doole naa falalooxoogna a maak ee: «An jombeeru o ñaƥit xa ñaas axe, soo a dorit a kayit ale boog?»

Ke bindeena no xe ne’eena YOB 36:3

Xam xotit o and es koƭu soo ɓoxot oxe sakaxama ɓur.

A kim a tedu ke 68:34

ten fee sangaalooxna took-ee-took asamaan fee refna yaaga. O ten oo xeene na jibnaa o ñuxur o jegu doole um.

Hebre 1:2

ndaa na pe akene, na ne’eel a paktaand ake, a laya fa in na pexey o Ƥeem. No ten Roog a saktu adna fee, too o ten Roog a jilu, ndax ta jeg fop.

Yeremi 10:11

Fat nu lay a den keeke: Roog ke sakeerna a asamaan mbaat lanq ke xan a mooc took lanq ke fo ɗuga asamaan fee.

Esayi 40:26

Yoɗyo a kid nuun took too ƭeet! An saku kene fop? Ten refu oxe na fokataa a den ne da mbodeena fop. Kaa xoyaa a den fop, oxuu refna ta taar no gon um na pexey sañ-sañ um fa maak fa doole um fa njegu katil. Jegee o leng na den oxaa ta weecna.»

A cangatin ale 32:4

Ten refu ɓil le. A pi ake ten njegee sik. A ƭat ake ten fop kaa njof. Kaa ref Roog fa ngore’u faa fi’keerna njofaƭar. Kaa jof soo a woor.

A sutax ale 20:11

yaam no ñaal ɓetuu fa leng sakum a asamaan fo lanq fo o maag ole fo fop ke refna teen, mi o Yaal oxe, soo ñootnoox no ñaal ɓetuu ƭikandeer ne. Ten taxu, mi o Yaal oxe, um barke bes fee na ñootnax ale, tedlandin.

Mbeeñil 1:6

Kaa fi a in saasadax no maat um, ndax i ndagoox a Roog Faap um. Yaasam ta ɓoxotel o ndam fo ngelfa bo na moos boo moos! Amiini.

Mbeeñil 19:1

Cinj kaaga, nanaam o ñuxur o maak ta inoor no faan no wiin mayu na asamaan, a xaanaa yee: «Haleluyaa! Roog in kaa muclaa! O ndam fa katil a ngelaan!