Mbeeñil 4:10 - NQAARIIT NE ROOG

¹⁰ maak qarɓeen ƭik fo maak nahuk we a ndalfooxooga o ngooknoox mbaambir no xe moof’ina took gamb no maad le, a mbaɗooxaa oxe na ñoowaa bo na moos boo moos, a mbolaa fo ndip ne den mbaambir gamb no maad le, soo a layaa yee:

Mbeeñil 4:10 Referans Kwoze

Mbeeñil 5:8

Ye ta xotna a kayit ale, pindel nahik ke fo maak qarɓeen ƭik fo maak nahuk we a ndalfooxa o ngooknoox mbaambir no Mbaal onqe. Oxuu refna na den kaa saq’u o nqilimb fo o ndog wurus o yipe cuuraay boo muut. Cuuraay feene koy reeƭu a qeƭ ake no gimu we mbogna na Roog.

Mbeeñil 19:4

Maaga, maak qarɓeen ƭik fo maak nahuk we fo pindel nahik ke a ndalfooxa o ngooknoox, a mbaɗoox a Roog fee moofna took gamb no maad le. Kaa nqaanoogu yee: «Amiini! Haleluyaa!»

Mbeeñil 11:16

Maaga, maak qarɓeen ƭik fo maak nahuk we moof’ina na kamb den mbaambir Roog a ngungooga a lanq, a mbaɗooxaa a Roog. Kaa layoogu yee:

A kim a tedu ke 95:6

Ngaryo i ƈuug, ngooknoox, ngung mbaambir no Yaal oxe sakna a in,

Mbeeñil 4:4

Me wid’ina gamb no maad le koy, a jeg’a a kamb qarɓeen ƭik fo a kamb a nahak a lakas. Maak qarɓeen ƭik fo maak nahuk moof’u na kamb akeene. Kaa ndokoox’u tikoorik tan fur, oxuu refna a saq o ndip wurus no xoox um.

Mbeeñil 7:11

Malaaka ke fop kaa ngeenoox’u, a mbid o kurul-keƥ gamb no maad le fo maak we fo pindel nahik ke fop. Kaa ngungoogu mbaambir gamb no maad le, soo a mbaɗooxaa a Roog.

Mbeeñil 5:14

Cinj kaaga, pindel nahik ke a ndoona yee: «Amiini!» Maak we o mat a ngooknoox, a mbaɗooxaa.

Mbeeñil 15:4

O Yaal oxe, an saɗarkeerong boog? Ndi an na fañkang o ɓoxot o ndam? Wo soom tedu. Qeet ke fop xan a mbaɗooxiidong, yaam a pi a cofu ke wo a mbeeñle a qool qac.»

A kim a tedu ke 72:11

Maad we fop xan a ngung mbaambir um, qeet ke fop a ndagooxin.

Mbeeñil 4:9

A mbanuu pindel nahik keene ngimoogna a simataa, a niwaa too a ngidmaa oxe moofna no gamb no maad le, refna oxe na ñoowaa bo na moos boo moos,

1 Caloori ke 29:20

Cinj kaaga, Dawid a laya mbokatax naa fop ee: «Ngidimyo o Yaal oxe Roog nuun!» Mbokatax naa fop boog a ngidma o Yaal oxe Roog fee no daan den. A ngooknooxa soo a ngung mbaambir no Yaal oxe fo mbaambir o maad oxe.

Mace 2:11

A ndoka kam mbind naa, too a soƥa maaga o ndeɓandoong onqe fa Mari fee ya um. A ngooknooxa, a mbaɗoox o ndeɓandoong onqe. Cinj kaaga, a apta a tog den, soo a ci’in wurus fa cuuraay fa miir.

2 Caloori ke 7:3

Ye Ii-isra’el we fop a nga’na fiɗel le fo o ndam onqe no Yaal oxe a mbudooxiidaa no Mbind naa, a ndalfooxa o ngooknoox, a ngung a lanq, a ngidmaa o Yaal oxe yee: «Yaam kaa faax, too o mbeq um xan a maadaa boo faw.»

YEGIL MBAAX NE YEESU ne Lik a bindtuuna 24:52

Den o mat, a mbaɗooxaan soo a nomtoox Yeerusaleem fo o ɗaay o maak,

A kim a tedu ke 115:1

Baa ref na in, o Yaal oxe, kaam ee baa ref na in, ndaa no gon of ɓoxoti o ndam, yaam kaa o jeg o mbeq fo ngor!

Ke bindeena no xe ne’eena YOB 1:20

Maaga, Yob a inooxa, a faar sabadoor ne ten, a ruusoox ɓula, a gung a lanq

1 Korint 15:10

Yirmande Roog soom taxu um ref ke refuuma xaye, too yirmande um fa mi yenee na ngas, yaam kaam daar, hupiɗ a den jale. Wariim o lay sax ee mi jalu, ndaa yirmande fee Roog a dalinna a ndeer es fo ten.

A cangatin ale 32:40

Kaam letin o ɓay es farna fa asamaan soo daaɓoox ee: Ne ta wooritna yee mexe ñoowaa boo kili,

A kim a tedu ke 47:8

yaam Roog refu o maad oxe no lanq ke fop. Ngimaneenoo a cangtax!

Esayi 6:1

No hiid olaa o maad Usiya a xonna, ga’aam o Yaal oxe a moof took uum-maamaad goƭu took, soo xa noflax axe no sabadoor ne ten a may Mbind Roog ne.

Dañel 4:34

Ndiiki koy, mi Nebukadnesaar, kaam simataa, tagasaa soo ɓoxotaa o ndam o Maad oxe na asamaan. Ke ta fi’aa fop kaa xot a ƭat, a pi um a njof, too a waaga neewand we na ñoowaa na magnandax.»

Dañel 12:7

Maaga, o koor oxe rokooxna ndoki njoor, a yooroox foofi le no xuluɓ ole, a yoɗa o ɓay um o janoon farna fa asamaan, too nanaanum ta daaɓoortaa Oxe na ñoowaa boo faw ee: ‹Keene xan a xewaa boo xa kiid xa tadaq fa genwal, too yaa doole fee na xeet fa tedu fee a fagkaa, xan muukandoong ne no keene fop a gar.›

Mbeeñil 4:2

Ndak fo ndak, Yiif Tedu le a gifaxam, a ɓisaam. Maaga koy kam asamaan, a jeg’a gamb no maad. Took gamb leene koy, a jeg’a oxaa moof’ina teen.

Mbeeñil 10:6

A daaɓoorta oxe na ñoowaa bo na moos boo moos. Oxeene refu oxe sakna asamaan fo ke ta moŋna, a sak lanq ke fo ke ta moŋna, a sak o maag ole fo ke ta moŋna. Malaaka fee a daaɓooxa yee: «A cung jegkatee!

Mbeeñil 15:7

Leng no pindel nahik kaa a cooxa malaaka ɓetuu ƭik kaa fo mbeeƭ ɓetuu ƭik wurus naa mayna muut fo fuux le Roog fa ñoow jok fee na refkaa boo faw.