Mbeeñil 4:1 - NQAARIIT NE ROOG

¹ Yaa kaaga a faafna, ga’ahinaam begax naa wetooxna kam asamaan. O ñuxur ole eet’uuma o nan, kaa fangoortoogu nen a luuƥ. Kaa lay ee: «Ŋaayiidi mene, too xam lalong ke warna o xew a cinj keene.»

Mbeeñil 4:1 Referans Kwoze

Mbeeñil 11:12

Maaga, duleer ɗik we a nana o ñuxur olaa inoorna na asamaan, a lay ee: «Ŋaayiidyo mene!» Naaga, a ŋaaya na asamaan kam eel, soo fañ we den a ndef no ƭeetaa a den.

A sutax ale 24:12

O Yaal oxe a laya a Moyiis ee: «Ŋaayiidi me mi took o joong ole too geenoox teen. Kaam bugong o coox a alfa ƥil ake, too um bind teen ke hebluuma, dalnin, ndax xeet fee Isra’el a njangin.»

Mbeeñil 1:19

Bindi boog ke ga’oona, ta ref ke na xewaa ndiiki fo ke na xewkaa.

Mbeeñil 1:10

Yiif le Roog a gif’axam na bes fee no Yaal oxe, too nantaam a cinj es o ñuxur o maak olaa na jibaa, a fangoortaa nen a luuƥ.

Mark 1:10

Ndak fo ndak, yaa Yeesu a sutooxaa foofi laa a ga’a asamaan fee a xaajoox. Yiif le Roog a fudooxiida took um, a saxit nen a nuukuur.

Mbeeñil 22:6

Cinj kaaga, malaaka fee a layaxam ee: «Fa lay feeke ndigil kak oo, too a dey o jaɓel. Maaga, o Yaal oxe Roog fee na ɓekaa duleer we Yiif um, a luliida malaaka um, ndax ta lal dag we Roog ke warna o xew no miñeer.»

Mbeeñil 16:17

Malaaka ɓetuu fa ƭikandeer fee a ɓaxa o mbeeƭ um no nqeñ ne. Maaga, o ñuxur o maak a nannoorta no Mbind Roog ne, a inoor no gamb no maad le, a lay ee: «Waxtu fee a fada!»

A pi ake 7:56

A laya yee: «Ga’aam asamaan fee a wetoox, soo o Ƥeenqe no kiin oxe a geenoox na ñamaak Roog.»

YEGIL MBAAX NE YEESU ne Saŋ a bindtuuna 16:13

Kaa koy, yaa Yiif le Roog saqna ndigil ne a garkaa, xan a ɗox a nuun no ndigil ne fop, yaam layitkee a xoox um, ndaa ke ta nanna rek, too xan a yegin a nuun kaa fadiidafuleerna.

YEGIL MBAAX NE YEESU ne Lik a bindtuuna 3:21

Ye xeet faa fop a mbatiise’eena, Saŋ a batiise’a a Yeesu itam. Yaa ta xeɗaa a Roog, asamaan fee a wetooxa,

A sutax ale 19:24

O Yaal oxe a doonaan ee: «Fudooki, too bo o ŋaayiidaa, fat o yooniid fa Aaroon, ndaa baa saasadax we fa xeet fee a mbañooxiid me mi, mbaat xam saŋik a den.»

A pi ake 10:11

A ga’a asamaan fee a wetoox, soo kaa nandna nen ƭaap maak a humel na xa noflax xa nahaq axe, a fudooxiidaa a lanq.

Mace 3:16

Yaa Yeesu a batiise’eena boo a ƴut, a sutooxa foofi laa. Asamaan fee a wetooxa too a ga’a Yiif le Roog a fudooxiidaa took um, a saxit nen a nuukuur.

A sutax ale 1:1

Keeke ndefu a kon ake na xa ƥiy axe Yakoob, refna ref Isra’el, ngarna Misira, a yooniid fo ten, oxuu refna fo ƥasil um:

Heseki’el 1:1

No hiid qarɓeen tadkandeer ole, no ñaal ƥetkandeer ne no nqool o nahkandeer onqe, reeƭaam paam o xuluɓ olaa Kebaar, a ndeer no we ƥis’eena took o hup doole. Asamaan fee a wetooxa, too ga’aam peeñil katu na Roog.

Mbeeñil 1:12

Wiƈaqilooxaam ndax um ga oxe na layaa fa mi. Maaga, ga’aam a pagal ɓetaa ƭaq xa lampa akaa mbi’teena wurus.

Mbeeñil 11:19

Maaga, Mbind Roog ne na asamaan a dalfooxa o wetoox, soo arka ne no ngiɓoor ne a feeñit kam fee. A jeg’a xa kiiñaand fo pangax fo ƭuuɗ fo a yo’nax lanq fo a teƥ a kalam a ƥuuɓu.

Mbeeñil 19:11

Cinj kaaga, ga’aam asamaan fee a wetoox, too pis bari a feeña. Oxe ŋaay’uuna koy Gor fo Ndigil a ne’e. O cofel a hate’taa, a maafriteel o ten.

Xa peƭit axe 25:7

yaam o layel ee: «Ŋaayiidi mene!» moƴu yee o fudnel mbaambir kelfa fee. O ga’angaa tig,