Mbeeñil 3:9 - NQAARIIT NE ROOG

⁹ Keeke refu ke um fi’kaa we mbogna no mbind a qeƭ ne Saytaane. Xam cooxong maamaaɓ weene na layooxaa Yaawuur, too ndefiran. Xam ser a den da ngar me wo, a ngooknoox na caf of, too a ƥoxotong tedaanga. Neene, xan da and ee fexaaxoong.

Mbeeñil 3:9 Referans Kwoze

Mbeeñil 2:9

Kaa tee: Andaam ne o toroxandteel, and itam ne rooltoona. Kaa koy, no ndigil o yaal halal refo. We na layooxaa Yaawuur too ndefiran, a ndef no layanang paaxeer, keene sax andaanum. Wiin weene, no mbind a qeƭ ne Saytaane o mat a mbogu!

Esayi 60:14

Xa ƥiy axe no we ñagadiloogoonga xan a matiidong, a lupandoox. Fop we nqaadnooxoogoonga xan a ngooknoox na caf of, a nqoyang teeru fee no Yaal oxe, Siyoŋ fee no Tedu xe Isra’el.

Esayi 49:23

Xan o jeg lingeer kaa na numnanang xa teɓandoong of fo maad waa na saqkaa a den. Xan a ngung mbaambir of, a metaa fo ut ole na caf of. Maaga, xan o and ee mi refu o Yaal oxe, too we yaakaaraxama sedkee muk.»

Esayi 45:14

Wo Isra’el, keeke o Yaal oxe a layong: «Kalal ke no Miimisira we fo ke Kuukuus we a njegtaa no cula ke den fo Seeseeba we na nandtaa tof caang xan a mbod no ɓay of, soo o jegat a den. Qeet keene xan a ndeefang, a ñaaƴtaa a ceng. Xan a ngungaa mbaambir of, a nqeɗooxang, a ndamtin ee: ‹Me wo soom Roog a refu. Jegee roog fa lakas, a refangee ten.› »

Esayi 43:4

Ne njigand of a maginna na kid es, o jaranaam mayu soo um fexong taxu um ɓoxot wiin lakas na seek of, soo softong qeet lakas.

Esteer 8:17

No jegel oluu refna fo na teeru fuu refna fo muu kebil ne no maad oxe a fad’ina, ta jeg maaga o ɗaay fo o mbelakinax fo mbumbaay fa xew a ndeer no Yaawuur we. Mayu a ndeer no qeet lakas ke a tuub’ata no Yaawuur we, yaam a sadaraa a den.

A sutax ale 11:8

Moyiis a suura, a lay ee: «Keene a jegangaa, xan dag of fop a ngar me mi, a ngooknoox mbaambir es, a layaam ee: ‹Sutooxi, wo fa xeet fee na ndeefang fop!› Cinj kaaga, xam sog o sutoox.» Maaga, Moyiis a sutooxa mbind Firawon fee, a fuux boo a buɓaa.

1 Sami’el 2:36

Oxuu yoqna teen no mbind of koy, xan a gar maa no saasadax oxeene, a gung na caf um, ndax ta waag o jeg o monjong xaaliis mbaat o ɗeg mbuuru. Xan a xeɗooxin ee: ‹Kaam xeɗang o cooxaam o njalel onquu ta waagna waag o ref paam no saasadax we, ndax um waag o jeg kaa um ñaamaa.› »

YEGIL MBAAX NE YEESU ne Saŋ a bindtuuna 17:23

mi na den, wo na mi, da ndef o leng kut. Neene xan adna fee a and ee wo luliidaxam, a and itam ee fextaa a den, ne fextaxamoona.