Mbeeñil 3:8 - NQAARIIT NE ROOG

⁸ Kaa tee: Andaam ke o fi’aa fop. Andaam itam ee katil of mayee. Yaqanee o gayaa fa lay es, too xañiraamo. Kaam wet mbaambir of begax naa o leng a waageerna o weg.

Mbeeñil 3:8 Referans Kwoze

1 Korint 16:9

yaam kaa jeg meeke calel maak kaa njegna o njiriiñ lool, ke fañ we a mayna may fop oo.

Kolos 4:3

Nqeɗanyo a in itam, ndax Roog a waag o ci a in o gom no calel ke. Neene, xam waag o yegnitaa kunpa fee Kiristaa taxna um jengel,

Mbeeñil 3:7

«Bindanaam a malaaka fee na yetooxaa mbokatax ne no gimu we kam teeru faa Filadelfi yee: ‹Fa lay feeke kaa inoor no Tedu xe refna Ndigil ne itam. Ten saqu o jaafu le Dawid, a ref oxe na wetaa, too o leng wegkee, a ref itam oxe na wegaa, too o leng waagkiran o wet.

2 Korint 2:12

Ye fadiiduuma Torowaas, ɓisiid Yegil mbaax ne Kiristaa, ke o Yaal oxe a halanaxama a ƭat ake fop oo,

A pi ake 14:27

Yaa da mbadiidna Ancook, a mbokata waa mbog’ina no mbokatax ne no gimu we. A mbetandooxa gimu we ke Roog a fi’’ina fop na pexey den fo ne ta wetanit’ina we ndefeerna Yaawuur o don-maax ole, ndax da ngimat no ten, den itam.

Filip 4:13

Waagaam fop yaam oxe na dif’axam.

YEGIL MBAAX NE YEESU ne Lik a bindtuuna 12:9

Kaa koy, oxuu layna mbaambir no wiin we yee andiraam, too a andaam, xam lay mbaambir no malaaka kaa Roog ee andinum.

Mbeeñil 2:13

Kaa tee: Andaam me genoona. Ten refu me gamb no maad le Saytaane a refna. Kaa o damoox no gon es, too fañiro o gim na mi. Fañino sax na jamaane fee o seede es o kore’u xe ne’eena Antipaas, a warit’eena me nuun, me Saytaane a genaa.

YEGIL MBAAX NE YEESU ne Saŋ a bindtuuna 17:6

Andnooraam gon of a ndeer no wiin we lasaxamoona na adna fee. Na xa ƥay of a ndeeƭu, o ɓoxotaam a den, da ngeek fa lay of.

Mbeeñil 3:15

Kaa tee: Andaam ke fi’oona. Andaam ee o ngim of ñufee too kaƥee. Yaasam ta ñuf mbaat ta kaƥ!

Mbeeñil 22:7

Maaga, Yeesu a laya yee: «Nan-gilooxi! Mexe garaa no miñeer! We na ngayaa fa lay fee no nduleer ne Roog bindeena no safe lene, a ƭaaya.»

Mbeeñil 3:10

Yaam ne gayoona ke layuuma no kaa farna no saƭkel, ten taxu mi itam oo xam gaynaakong na jamaane fee Roog a toroxandkaa adna fee fop, ndax ta ɗeetloox we ngenna no lanq ke fop.

1 Timote 5:8

A soƥangaa yee o kiin topatooxee wiin um, a eetit no ƥasil um, oxeene a goƭatira fo o kimu, too ten moƴu faaxaƭar o kimeer.

2 Timote 4:7

Maafreem njom mbaax, fagiɗ o sep ole, too ɗapiim o ngim onqe.

Mbeeñil 3:1

«Bindanaam a malaaka fee na yetooxaa mbokatax ne no gimu we kam teeru faa Sardes ee: ‹Fa lay feeke kaa inoor no xe saqna a yiif ɓetaa ƭaq ake Roog, a deegoox xa qoor ɓetaa ƭaq axe. Kaa tee: Andaam ke o fi’aa fop. Kaa o nandtaa oxaa na ñoowaa, too yaaga fop oo kaa o xon.

Mbeeñil 2:2

Kaa tee: Andaam a pi of fop fo calel ƭomu of fo o saƭkel ole jegoona. Andaam itam ee waagiro o fi’ir fo hañaan we, yaam ɗeetlooxaa we na layooxaa apootar, too ndefiran, boo ga ee maamaaɓ a ndefu.

Yudaa 1:4

Yaam wiin soxodu leng-leng a yoroxlooxiida kam in, waa andoona yee a qaw den a miña o yegnitel kam a Pind a Tedu ke. Kaa ngimaƭar, a softaa yirmande fee Roog caasaay, soo a nqañaa a Yeesu Kiristaa fee o Yaal in refna Kelfa fa leng kut in.

YEGIL MBAAX NE YEESU ne Saŋ a bindtuuna 15:20

Mbetandooxyo ke layuuma a nuun ee: O tag hupkee o yaal mbind um. A ñagadilangaam, xan a ñagadil a nuun itam. Boo da ngayna a ƭelem es, xan a ngay ake nuun.

Xa peƭit axe 30:9

yaam ndik um neq soo xañong, lay ee: «An refu o Yaal oxe?» mbaat kam ndool ne um guuɗ, ŋañnoor a Roog es.

Dañel 11:34

Yaa fo ñagadil keene, xan a ƈufgel o ndik, too mayu xan a yoon fa den, a yoon a yulanq.