Mbeeñil 3:4 - NQAARIIT NE ROOG

⁴ Kaa koy, leng-leng no we jegoona Sardes ƭuuñee cer den. Xan a ñaaƴaa fa mi, a ndokoox tikoorik tan, yaam njombee a den.

Mbeeñil 3:4 Referans Kwoze

Mbeeñil 7:9

Cinj kaaga, ɗeetaam too ga’aam faan maak laa o leng a waag’eerna o lim. Wiin weene kaa inoor na xeet fuu refna, no tim oluu refna, no saax luu refna fo na lak fuu refna. Kaa ngeenoox’u mbaambir gamb no maad le, a njasnoor fo o Mbaal onqe, a ndokoox tikoorik tan, a ndeegoox a naaq ngeec.

Mbeeñil 3:5

Oxe na maafkaa, xan a rokoorit neene itam tikoorik tan, too foritkiim gon um no safe le no ñoow ole. Mbaambir Faap es fo mbaambir malaaka ke ten, xam lay ee andaanum nen oxaa fogna na mi.

Mbeeñil 6:11

Roog a cooxa oxuu refna na den ndoki ndan, too a laya a den da ƥaat o ñootnoox o ndik, boo yaa fog gimu we den da yoontoogna no calel ke a soƥiidna a den, den we nar’eena o mbar itam nen a den.

O baawaare xe 9:8

Fat o rokooxaa ñirax tan na waxtu fuu refna, too baa diwliin fee a ñak o xeeñaa took xoox of.

Mbeeñil 19:14

A yaj ake no yaal kumnax ke ndefna na asamaan kaa ndeefanoogun, oxuu refna a ŋaay bari. Weene koy kaa ndokoox’u sooy yelefu kaa ndanigna, too a nqool.

Mbeeñil 4:4

Me wid’ina gamb no maad le koy, a jeg’a a kamb qarɓeen ƭik fo a kamb a nahak a lakas. Maak qarɓeen ƭik fo maak nahuk moof’u na kamb akeene. Kaa ndokoox’u tikoorik tan fur, oxuu refna a saq o ndip wurus no xoox um.

Mbeeñil 3:18

Kaam asang koy, o bugangaa o ref o yaal halal, jikti na mi wurus faa naayneena na fiɗel. O bugangaa o ɗasin cer ƥor of yaam o fañaa gaci, jikti na mi tikoorik tan kaa o rokooxaa. O bugangaa o waag a ka, jikti na mi tuuf naa o ɗuumaa na kid of.

Mbeeñil 19:8

A ci’e maa ta rokooritna sooy yelefu. Ndoki neene koy kaa meleƈaa too a xool qac.» Sooy yelefu neene kaa ref a pi a cofu ke no we mbogna na Roog.

Yudaa 1:23

Mucilyo a den, nen kaa nu sutit a den na fiɗel. Yirimyo lakas we itam, ndaa koy fat nu njeg kaa nu saɗarna na den: Mbootooxyo toki ke den sax, nen kaa a yuxum den a ndoɗgandna.

YEGIL MBAAX NE YEESU ne Lik a bindtuuna 21:36

Yetooxyo boog, too nqeɗaa waxtu fuu refna, ndax a koom nu njeg doole faa nu ndaɗitna keene na xewkaa fop, ngeenoox mbaambir no Ƥeenqe no kiin oxe.»

Mark 16:5

A ndoka kam a mboy alaa. A nga’a maaga o fes olaa moofna no saax o ñamaak, a rokoox ndoki ndan fur, too a ndiida lool.

YEGIL MBAAX NE YEESU ne Lik a bindtuuna 20:35

ndaa we njombeerna o njeg a las na jamaane fee na garaa fo na qontax alaa no xon waa ngiligkatee, too rew we ndolooxkatee.

Mace 10:11

Na teeru mbaat na saate fuu nu ndokna, laamityo ndax a jega oxaa jombeerna o genar a nuun. A jegangaa, fat nu ndal maa ten boo yaa a tet nuun a fadna.

Mbeeñil 11:13

Na waxtu faaga, a jega a yo’nax lanq a cegu doole, too a qaaj xarɓaxayandeer ale na teeru faa a girdooxa. Wiin cuni ɓetuu ƭik a nqona na yo’nax alaaga no lanq ke. Lakas waa koy kaa ndiid’u boo a ƥoxotaa a Roog fee na asamaan o ndam.

2 Tesalonik 1:5

Keene laltu deŋ hate fa njofu fee Roog, too xan a mbi a nuun laalam tigi no Maat ne ten, taxna nu toroxaa.

Esayi 64:6

Jegatee o leng oxaa na ƴufginooraa gon of mbaat oxaa yokooxna no damoox na wo, yaam kaa o sing a in mukit of soo xaƴ a in i mudaa na saŋkax yaam tooñ in.

Esayi 61:10

Kaam felakinooxaa no Yaal oxe, o laaw es a may fo o ɗaay na Roog es, yaam kaa rokaam ndoki ne na muc ale soo a muuraam sabadoor ne no cofel ole, um nandtaa o kor-no-kulook oxaa rokooxna tañalax xew um mbaat o kulook oxaa mosandooritna kumooxel um.

Esayi 52:1

Wo Siyoŋ, yokooxi, ñofi yokoox, jegatin doole. Wo Yeerusaleem, teeru fa tedu fee, rokooxi toki of ke moƴna o mos, yaam o qucooxeer mbaat o qoolaƭaru dakkatee me wo.

A kim a tedu ke 68:14

Ndax kaa nu mbondooxkaa mbondoox no ged le rek? A nafir ake na nuukuur ale kaa soobtel xaaliis, soo a naf ake ten a meleƈaa nen wurus.

Esteer 8:15

Mordokay a inoora maa no maad oxaa, a rokoox ndoki no maad naa xiiyiiyna, kene a ranig fo o ndip wurus o maak fo sabadoor njoor naa daalde’na. Muu refna kam teeru faa Suusaan xa ƈeel fo xa soroxole kaa njiboogu.

A pi ake 1:15

Na pe akaaga, Piyeer a inooxa a ndeer no fog olaa. Waa mbokatoor’ina a ndeeƭa ngap wiin teemeed fo wiin qarɓeen ƭik. Maaga, Piyeer a laya a den ee:

Esayi 61:3

Kaa ñaawooxaa a Siyoŋ, ndaa o jaf es refu um supit naqad den o ɗaay o jegee hap, ndaw ke na qoox den, um suptin tañalax mosu, ñaawax den, um suptin diwliin o mbelakinax, soo yiif naqadilooxu le den, um suptin ndoki simatir. Maaga, xan a nqoyeel pudaay ke no cofel ole fo a ƭing ale no Yaal oxe na feeñlaa o ndam um.

Esayi 59:6

Ke da ndiwaa jaɓee rokooxel, o hulooxel ne’aand, yaam o njakad rek a oraa. Xa ƥay den njalkee jam muk.

Esayi 1:9

Boo o Yaal oxe Hupna fop a wuusan’eerna a in yoqatin, nen a Sodoom i ndefkoogu, nand fa Gomoor.

1 Maad we 19:18

Kaa koy, xam xaƴ kam Isra’el wiin cuni ɓetuu ƭik, fop we ngooknooxeerna mbaambir Baal, too mosee o mboon nitaal um.»

Mbeeñil 1:11

Kaa layoogu yee: «Ke o ga’aa, bindeen no safe, lultin pokatax ɓetuu ƭik kaa ndefna kam teeru keeke: Efees fa Ismir fa Pergaam fa Tiyatiir fa Sardes fa Filadelfi fa Lawodise.»

Mbeeñil 14:4

Den ndefu we njegeerna soɓe, yaam mosee o yoon fo o tew. Kaa ndeefoogu o Mbaal onqe muu ta jofoogna. Kaa mbat’el ndeer no wiin we, a ndefan a Roog fo o Mbaal onqe nen taawlax.

A paɗax ale 13:48

ta ref ñirax mbaat a naf a tiwe mbaat ƭool mbaat o ƥaxañ o jalte ƭool,