Mbeeñil 3:2 - NQAARIIT NE ROOG

² Yokooxi boog too difi onqe yoqɗoona no ñoow of, bo o helko fo xonaa ɗoŋ, yaam ga’aam ee a pi of ndeyee mbaambir Roog es.

Mbeeñil 3:2 Referans Kwoze

1 Piyeer 5:8

Njagandooxyo, kaam ee yetooxyo! O ƈiƴ oxe refna o pañ nuun, kaa widaa nen njogoy nqeexe, a waaƭaa oxaa ta saŋikna.

Mbeeñil 16:15

O Yaal oxe a laya yee: «Nga’yo, mexey garaa nen o kuuɗ oxaa na ɓeedaa! Oxe ɗaaneerna, too a geek toki um, yaam a fañaa o ñaaƴ fo cer ƥor, a ɗaaya. Oxeene kiin bugee gaci um a feeñ.»

1 Piyeer 4:7

Muukandoong ne no kuu refna a matiida. Saqyo boog yiif jagandooxu, soo yetoox, ndax nu mbaag o nqeɗaa.

Esayi 35:3

Saƭkinyo xa ƥay axe nqijna, too ndifi kuɓay ke ngeesna.

2 Caloori ke 25:2

Amatsiya a fi’a kaa faaxna na kid no Yaal oxe, ndaa koy refee fo xeeñ damooxu.

A pi ake 18:23

A yoqa maaga miñu, cinj kaaga ta ret. A xaaña o jegel olaa Galati fo olaa Firigi, a saƭakinaa daalbe we fop no ngim den.

Mace 25:13

Yetooxyo boog, yaam nu andee ñaal ne fa waxtu fee o kor-no-kulook oxe a garkaa.»

A cangatin ale 3:28

Fat o jangin a Yosuwe, saƭakinin soo ɓaatin njambaar, yaam ten na adooxankaa Ii-isra’el we, a xaajrand a den saax le o ga’kaa.›

Mbeeñil 2:4

Kaa koy, a jega kaa ɗomaxama na wo: Kaa fexatiraamo ne fexit’axamoona no mberaand naa.

Heseki’el 34:16

Xam waaƭik njegel ne mo’na, xuriid ne jaqooxna, ne ɓolooxna um jongin, ne jirna um waadnin, ndaa ne giñna o mat, a jeg doole, xam saŋkin. Xam gayit a den o cofel.»

Mace 23:5

Kuu da mbi’aa, kaa mbug soom wiin we a nga a den. Kaa ndokooxaa a safe yaaju fo a ndoki maak akaa njegna pic.

Dañel 5:27

TEKEL kaa tekit ee meɗnooxee na balaas, too kaa o yelef koƭong.

Esayi 57:12

Kaa koy, xam yegnit o cofel of fo a pi of mbatkeeroonga o njiriiñ o leng.

Esayi 56:10

Yeeyetax we Isra’el fop fuul a ndefu. Naangee o anddaa dara, a ndef xa ƥox xa muumu xaa mbaageerna o mbox. Kaa mbondooxaa, a ndef no ƭaaɗaa, too mbaagee o ndeyƭoox o ƭaan.

1 Maad we 15:3

Abiya a fi’a pakaad leng kut ke faap um a fi’’ina yaaga. Fexee o Yaal oxe Roog um no xeeñ um fop, ne Dawid fee o taan um a fexit’ina o Yaal oxe no xeeñ um fop.

1 Maad we 11:4

Ye Salomo a nogoyna, rew weene a ƈaxaan nof, a ƥakandin no roog lakas ke, boo xeeñ le Salomo fop refan’atee o Yaal oxe Roog um, ne le Dawid fee faap um a refanit’ina o Yaal oxe.

Sakari 11:16

O nanangaan, xam sutan saax le o kaynaak oxaa a ƭat um a yongkeerna no paal ke mo’na, waaƭkee we yoqandna, waadinkee we ngaañooxna, topatooxkee we tig a damafuleerna, ndax a ƴaxaa we ngiñna boo a seeñ xa poxos den.»

Ke bindeena no xe ne’eena YOB 16:5

Saƭakinitkoogaam a nuun fa lay es, ɗelem es a yaal a nuun.

Mbeeñil 3:1

«Bindanaam a malaaka fee na yetooxaa mbokatax ne no gimu we kam teeru faa Sardes ee: ‹Fa lay feeke kaa inoor no xe saqna a yiif ɓetaa ƭaq ake Roog, a deegoox xa qoor ɓetaa ƭaq axe. Kaa tee: Andaam ke o fi’aa fop. Kaa o nandtaa oxaa na ñoowaa, too yaaga fop oo kaa o xon.

Mbeeñil 3:3

Wetandooxi boog ne daawtoona fo ne nantoona fa lay fee Roog. Gayeen, too fes pakaad of a cinj. O yokooxangee, xam gar nen o kuuɗ. Xam yen took of na waxtu faa foogooxkeeraxamoona.

Mace 25:7

Maaga, roog waa fop a yokooxa, soo a njagand xa lampa den.