Mbeeñil 3:19 - NQAARIIT NE ROOG

¹⁹ Mi o mat, kaam yaraa we fexuuma. Jaflaxi boog, too fes pakaad of a cinj.

Mbeeñil 3:19 Referans Kwoze

1 Korint 11:32

Kaa koy, o Yaal oxe kaa hate’aa a in, a yaraa a in, ndax i saŋkooxandoorkee fo wiin adna we.

Mbeeñil 2:5

Wetandooxi boog me toloftoona! Fesi pakaad of a cinj, reefatin o jaf o eetaand of. O fi’angiran, xam yen took of, too xam in a pagal xa lampa ale wo na seek um. Xam fi’in, o fesangee pakaad of a cinj.

Ke bindeena no xe ne’eena YOB 5:17

O kiin oxe Roog a soqaa a ɗaaya! Ba o fañ fa yar fee no Cegu katil oxe!

2 Korint 7:11

Ƭeetyo rek ke naqad feene inoorna na Roog a rimanna a nuun. Kaa rimaa fitna fo a baasnax fo fuux fo caƭar fo a tiilax fo o jaflax fo o nqasan. No kuu ta waagna o ref oo nu lalta na qoox nuun ee nu nqoola no keene fop.

Yeremi 31:18

Nanaam a paax we Efrayim da ƭomatooxaa yee: «Yaraa a in, too i yarte nen o xeel o sufaru. Nomtiidi a in me wo, too xan i nomtooxiid me wo, yaam wo refu o Yaal oxe Roog in.

Yeremi 10:24

O Yaal oxe, yaraam, ndaa fat a ref no cofel, too baa ref kam fuux of, ndik o yaqaam pic.

Yeremi 7:28

Maaga, fat o lay a den ee: Nuun ndefu xeet fee nan-gilooxeerna o ñuxur no Yaal oxe Roog den, soo a mbañ a maƭax um. Ngor kaa xon faq me nuun, a mo mir na xa ton nuun.»

Esayi 26:16

O Yaal oxe, ye i ndeeƭna no njaaxɗataand, i mbaaƭoogaang. I ƈufginooxaang na qeƭ, ye a qaw ale wo a dalna took in.

Xa peƭit axe 22:15

Ƭof kaa sax no xeeñ no njaaƈ, o loq ole na fa yar fee na sutkan teen.

Xa peƭit axe 15:32

Oxe fa yar fee a haaleerna kaa xeefaa o ñoow um, oxe jaɓna soqel o mat a jegaa yiif.

A kim a tedu ke 69:9

Kaam refat o kenar no we i numna ƭeen leng, we fogtuuma yaay fa leng a ngamataxam.

A kim a tedu ke 39:11

Koo ba o xawataam, mexe xonaa yaam o ɓay ole wo na dalaa took es.

A cangatin ale 8:5

Andyo a paax boog ee o Yaal oxe Roog nuun kaa yaraa a nuun ne faap a yartaa o ƥeem.

Saak 1:12

Oxe saƭikna, yaa ta ɗeetlooxeena, a ɗaaya. Ƭeetlax keene a mbaafangaa, xan a su’nel o ñoow ole Roog a regna we mbexuuna, ta ref o ndip um.

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

O leetar ole Pool a bindna GIMU WE NGENNA ROM 12:11

Njegyo fitna, too mbaas tayil. Ndagooxyo o Yaal oxe fo xeeñ nuun fop.

Yeremi 30:11

Yaam mexey fa wo, ndax um muclong. Mi o Yaal oxe layun. Xam moocand qeet ke pasar’oonga fop, ndaa wo o mat, moocandkiroong. Kaa koy, xam xawtong o cofel, waagiroong o ɗeet nen a jaambuur.»

A kim a tedu ke 94:10

Oxe na yaraa a saax ake, ndax waagee a qaw? O Yaal oxe na aqatinaa pindeef ke

A kim a tedu ke 6:1

O yaal a ƭat ale no jeejeek we a xoolne yee a kim alene kaa yoonandteel o nqilimb xa quusi ɓetaa tadaq. A kim a tedu laa fogna na ke Dawid oo.

2 Sami’el 7:14

Xam ref faap um, ta ref o ƥees. Boo ta fi’na paaxeer, xam yartin o samb ole no wiin we fo a pad a kiihiin.

2 Korint 6:9

Kaa i ƭeeteel nen wiin andaande, ndaa i ande a paax, nen waa na nqonaa, too ndef waa na ñoowaa jok, ne nu andtuuna. Kaa i nqaweel, too i mbarnoorkaand,

YEGIL MBAAX NE YEESU ne Saŋ a bindtuuna 2:17

Maaga, daalbe we ten a mbetandooxa ke a Pind a Tedu ke a layna: «O mbeq onqe damtuuma Mbind of kaa nand nen fiɗel laa na kaƥaa no xeeñ es.»

Xa peƭit axe 15:10

Fa yar tigi kaa xufaa oxe ɗapna a ƭat, oxe sibna o soqanqol o mat xan a xon.

Galati 4:18

A refkooga ngiin lool, yaa andoona yee kaa nu njaflax no tig paax na waxtu fuu refna. Too keene koy, baa ref yaa refuuma a ndeer nuun soom.

Sofoni 3:2

Nan-gilooxee o ñuxur o leng, a ƭat um yongee no soqanqol, doonee a koolax um no Yaal oxe, matiidee a Roog um.

Yeremi 2:30

Xawaam a nuun, ndaa ɗaxee dara, nu njaɓee a maƭax aleene. Ndaa kañ, laƥ nuun a ñaama duleer we nuun, nu mband a den nen njogoy.

Mace 25:7

Maaga, roog waa fop a yokooxa, soo a njagand xa lampa den.