Mbeeñil 3:18 - NQAARIIT NE ROOG

¹⁸ Kaam asang koy, o bugangaa o ref o yaal halal, jikti na mi wurus faa naayneena na fiɗel. O bugangaa o ɗasin cer ƥor of yaam o fañaa gaci, jikti na mi tikoorik tan kaa o rokooxaa. O bugangaa o waag a ka, jikti na mi tuuf naa o ɗuumaa na kid of.

Mbeeñil 3:18 Referans Kwoze

Mbeeñil 16:15

O Yaal oxe a laya yee: «Nga’yo, mexey garaa nen o kuuɗ oxaa na ɓeedaa! Oxe ɗaaneerna, too a geek toki um, yaam a fañaa o ñaaƴ fo cer ƥor, a ɗaaya. Oxeene kiin bugee gaci um a feeñ.»

1 Piyeer 1:7

Keene waru, yaam wurus fee nayneena na fiɗel sax, xan a sooƴ. O ngim onqe moƴu o jeg wurus fee o njiriiñ. Neene itam a ɗeetlooxe nen a wurus fee, ndax ta lalit ee ndigil oo. A reftangaa neene, xan o ngim nuun a tagasel, a fakel soo a niwel, yaa Yeesu Kiristaa a nomtooxiidkaa.

Esayi 55:1

«Heey! Nuun fop we ngoɗomeena, ngaryo no poofi ke, nu njegangee xaaliis sax oo. Ngaryo, mbaaƭan a qoox nuun kaa nu ñaamna, nqot na biiñ fee fo no fo sis ole, jegee ndabid, ci’it oo.

Mbeeñil 19:8

A ci’e maa ta rokooritna sooy yelefu. Ndoki neene koy kaa meleƈaa too a xool qac.» Sooy yelefu neene kaa ref a pi a cofu ke no we mbogna na Roog.

Malaki 3:3

Xan a moof, a naayin soo a xooland xaaliis fee. Xan a ɓogid Leelewi we soo a xooland a den ne wurus fa xaaliis a nqoolandteel, too xan a ƥoxotaa o Yaal oxe sadax ne ta waritna.

Mbeeñil 7:13

Naaga, o leng no maak waa a laamtaxam ee: «Ndi we ndokooxna tikoorik tan, aniin oo? Mam a inooru?»

Mace 13:44

«Maat ne na asamaan a nandahina fa halal faa ɗasneena kam o qol. A jega o kiin oxaa ga’uuna, soo a ɗasnatindin. Ten taxu a jeg’a o ɗaay o maak boo a ret a jikoox ke ta jegna fop, soo a nomtooxiid, a jik o qol olaaga.»

Dañel 12:2

Mayu no we na ƭaanaa kam lanq ke xan a yokoox, leng we a ndet no ñoow o fagkeer olaa, lakas we a ndet na gaci faa, a sibdel boo faw.

A kim a tedu ke 32:8

Mi o Yaal oxe. xam aqatinong soo lalong a ƭat ale waroona o reef. A kid es xan a ngaan na wo, um asang.

Saak 2:5

Fog es we fexuuma, nan-gilooxyo a paax: Ndax nu andee yee Roog jilu we adna fee a ƭeetaa nen rool, ndax o ngim den na Yeesu Kiristaa a ref halal den, da njeg maat ne ta regna we mbexuuna?

Mise 1:11

Nuun we ngenna Safiir, ndetyo gilaa saax, yoq cer ƥor, sed ɓot! We ngenna Sanaan saɗatee sutoox teeru fee den. Ƭomatax no we Bet-Ha’esel a lalta yee nu mbaagatee o njaɓnook maaga.

A kim a tedu ke 73:24

Kaa o ɗoxtaxam yuuƥ of, boo pafat o jangaam no ndam of.

Mbeeñil 3:17

Kaa o layaa yee: O yaal halal refum, ñaaƴnitaa ne warna, too ñakiim tus. Andiro yee kaa o halakoox, torox, rool, fuul soo ɓangdel!

Mbeeñil 2:9

Kaa tee: Andaam ne o toroxandteel, and itam ne rooltoona. Kaa koy, no ndigil o yaal halal refo. We na layooxaa Yaawuur too ndefiran, a ndef no layanang paaxeer, keene sax andaanum. Wiin weene, no mbind a qeƭ ne Saytaane o mat a mbogu!

2 Korint 8:9

Yaam nu anda yirmande fee no Yaal in Yeesu Kiristaa. Ten fee jeg’ina halal bo, a fi’ooxa o ndool yaam nuun, ndax nu njegit halal na pexey o ñak um.

Esayi 47:3

Xan o yoq o ƥor, ta ref gaci na wo. Xam rabdinoox, too o leng xafkee.»

Xa peƭit axe 23:23

Jiki ndigil ne, too ba o jikooxin, ten fo o jeg-yiif fo a cangin fo o ƴiƴ.

2 Korint 5:3

I ndokangaa maaga, xan a ref nen kaa i ñiroox, i yoqkatee duŋ.

YEGIL MBAAX NE YEESU ne Lik a bindtuuna 12:21

Neene deŋ a nandu no xe na fokatanooxanaa a xoox um halal, too jegee a Roog ta ref halal um.»

Nahum 3:5

O Yaal oxe Hupna fop kaa tee: «Wo Niniif, xam dal took of, yoɗ xa lifar axe no ndoki of boo na mukit of, lal qeet ke cer ƥor of, gaci’andong na kid no maat ke.

Mace 25:9

Jegu yiif waa a ndoona a den ee: ‹Ha’aa, xetandee a nuun, yaam yaaga i yoqiɗkee. Ndetyo njikanik a qoox nuun maa no jula waa.›

Yeremi 13:26

Mi fa xoox es xam yoɗ xa lifar axe no ndoki of boo na mukit of, ndax cer ƥor of a nga’el.

O baawaare xe 8:2

Nanani kebil no maad oxe yaam ke daaɓooxoona mbaambir Roog.

Xa peƭit axe 19:20

Nan-gilooxi xa as axe, jaɓ fa yar fee, ndax o jeg yiif no ke yoqna no ñoow of.

Xa peƭit axe 1:30

ndeɓ xa as axe mi, nqeef o soqanqol es.

Xa peƭit axe 1:25

Kaa nu ndeɓ xa as es fop too nu mbugee um soq a nuun.

A kim a tedu ke 107:11

yaam a nanaƭaran fa lay Roog, a nqeef xa as no xe Took-ee-took.

A kim a tedu ke 16:7

Kaam gidmaa o Yaal oxe na asaxam. No yeng ole sax kaam nanaa o ñuxur um taa kam es.

1 Timote 6:18

Regdinooxi a den, da mbi’aa paax, a ndef siide na pi a paax, kam den a yaaj, da nqaajraa fo lakas we ke da njegna.

Mbeeñil 4:4

Me wid’ina gamb no maad le koy, a jeg’a a kamb qarɓeen ƭik fo a kamb a nahak a lakas. Maak qarɓeen ƭik fo maak nahuk moof’u na kamb akeene. Kaa ndokoox’u tikoorik tan fur, oxuu refna a saq o ndip wurus no xoox um.