Mbeeñil 3:15 - NQAARIIT NE ROOG

¹⁵ Kaa tee: Andaam ke fi’oona. Andaam ee o ngim of ñufee too kaƥee. Yaasam ta ñuf mbaat ta kaƥ!

Mbeeñil 3:15 Referans Kwoze

O leetar ole Pool a bindna GIMU WE NGENNA ROM 12:11

Njegyo fitna, too mbaas tayil. Ndagooxyo o Yaal oxe fo xeeñ nuun fop.

Mace 6:24

«O leng waagee o dagoox yaal ɗik, yaam yaaga xan a fex oxene soo a fañ oxaana, mbaat ta damoox no xene soo a sib oxe yoqna. Nu mbaagee ndagooxaa a Roog, soo mbug o ndagoox Xaaliis.»

Saak 1:8

Kaa ref o kiin o kid-a-ƭaku, a ceek-ceeknaa no kuu refna.

1 Maad we 18:21

Maaga, Eliya a matiida xeet faa fop, a lay ee: «A mban nu mbaaskaa ceek-ceeknaa o mbiñ fo mbiñ? A soƥangaa yee o Yaal oxe refu Roog, mbaɗooxeenoo, ta soƥ koy ee Baal oo, mbaɗooxeenoo!» Kaa koy, o leng na xeet faa dooniran tig.

Mbeeñil 2:4

Kaa koy, a jega kaa ɗomaxama na wo: Kaa fexatiraamo ne fexit’axamoona no mberaand naa.

Mace 24:12

Xan o mbeq no wiin mayu a ɓut yaam ne njofaƭar ne a moƴkaa o may.

Xa peƭit axe 23:26

O ƥees, dooni a koolax of na mi, sawar no reef a lalgand es.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

Filip 1:9

Ke um xeɗaa refu rek ee o mbeq nuun a jof mbaambir, a lingir fo o and tigi fo o jeg-yiif o xoolu,

2 Korint 12:20

Mi de, kaam diidaa rek o ñak o soƥ a nuun ne bugtuuma, nuun oo, nu nqetoortaam ne nu mbugteerna, yaam ke um soƥiidaa: Qasir fo ciisir fo puuxir fo ngendandoor fo layir paaxeer fo ñu’ir fo o nga’atinax fo o samar ole fi’na yook.

Mace 10:37

Oxuu fexna a faap um mbaat a ya um kupu ke ta fexaxama, jombaanum. Oxuu fexna o ƥeem o ngoor mbaat o ƥeem o ndew kupu ke ta fexaxama, jombaanum.

A cangatin ale 5:29

Kaa rek, a njeg’angaa xeeñ leene boo kili, a niwaam soo a ngay kebil es fop, a ƭaaykooga boo faw, den fo xa taan den.

Mbeeñil 3:1

«Bindanaam a malaaka fee na yetooxaa mbokatax ne no gimu we kam teeru faa Sardes ee: ‹Fa lay feeke kaa inoor no xe saqna a yiif ɓetaa ƭaq ake Roog, a deegoox xa qoor ɓetaa ƭaq axe. Kaa tee: Andaam ke o fi’aa fop. Kaa o nandtaa oxaa na ñoowaa, too yaaga fop oo kaa o xon.

Mbeeñil 2:2

Kaa tee: Andaam a pi of fop fo calel ƭomu of fo o saƭkel ole jegoona. Andaam itam ee waagiro o fi’ir fo hañaan we, yaam ɗeetlooxaa we na layooxaa apootar, too ndefiran, boo ga ee maamaaɓ a ndefu.

2 Tesalonik 1:3

Kaa i mbar o ngidmaa a Roog kili yaam nuun, nuun fog gimu we, too keene sax kaa warna o jeg oo, yaam o ngim nuun kaa moƴ o jofaa mbaambir rek, soo o mbeq onqe o kiin oo kiin a jegna no lakas we a xay no xuu refna na nuun.

Hoose 10:2

Xeeñ den naanaxir ƥor a fofu. Ten taxu yoo xan a ngadoox tooñ den. O Yaal oxe xan a jiƭit xa sadaxand axe den, a duguñ a ƥil ake da mbaɗooxaa.

1 Korint 16:22

Oxuu fexeerna o Yaal oxe, yaasam ta halakel. Maranaa ta! (O Yaal in, koo gari!)

Hoose 7:8

O Yaal oxe kaa tee: «Efrayim a jaxasoora fo qeet lakas ke, a ref nen o gaf o gaajaaju.

Mbeeñil 3:16

Kaa koy, yaam ne o suunaa, ñufiro too kaƥiro, xam duxdong o ñuf.