Mbeeñil 3:14 - NQAARIIT NE ROOG

¹⁴ «Bindanaam a malaaka fee na yetooxaa mbokatax ne no gimu we kam teeru faa Lawodise yee: ‹Fa lay feeke kaa inoor no xe refna Amiini. Kaa ref itam o seede o kore’u xe fo o tefu ndigil oxe, ke Roog a sakna fop a hat no ten.

Mbeeñil 3:14 Referans Kwoze

Kolos 1:15

Kiristaa refu nitaal Roog fee a ngid a waageerna o ga, a ref taaw um yaaga dara sakafulaand.

Mbeeñil 1:5

fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.

Kolos 1:18

Ten refu xoox le no fog ole no gimu we fop. Ten refu itam mberaandoong ne, a ret jaaniif, a ref taaw fee eetna o sutoor maaga, ndax ta adoox no kuu refna ref.

2 Korint 1:20

A tegit ake Roog fop, na «ii» feene no ten a sinje. Boo ten taxu no gon Yeesu soom i laytaa a Roog ee «Amiini», ndax i ƥoxot a Roog o ndam um.

Mbeeñil 3:7

«Bindanaam a malaaka fee na yetooxaa mbokatax ne no gimu we kam teeru faa Filadelfi yee: ‹Fa lay feeke kaa inoor no Tedu xe refna Ndigil ne itam. Ten saqu o jaafu le Dawid, a ref oxe na wetaa, too o leng wegkee, a ref itam oxe na wegaa, too o leng waagkiran o wet.

Mbeeñil 22:13

Mi refu Alfa fa Omega, o eetaand oxe fo o palakaand oxe, mberaandoong ne fo muukandoong ne.»

Mbeeñil 19:11

Cinj kaaga, ga’aam asamaan fee a wetoox, too pis bari a feeña. Oxe ŋaay’uuna koy Gor fo Ndigil a ne’e. O cofel a hate’taa, a maafriteel o ten.

Yeremi 42:5

A ndoona a Yeremi yee: «Fat o Yaal oxe a ref na in o seede ndigil fo o kore’u, a soƥangaa yee i ndeefee fa lay fuu o Yaal oxe Roog of a simkang o daawnin a in.

Esayi 65:16

Oxuu bugna o barke’el kam saax le, xan a xeɗin no gon Roog fa ndigil fee. Oxe na bugkaa o daaɓoox itam, xan a fi’in no gon Roog fa ndigil fee, yaam taamaala ke mbaafna xan a mbeectel, a mo mir na kid es.»

Xa peƭit axe 8:22

O Yaal oxe mi a eetu o rim no ke ta fi’na fop, yaaga sake le ten moƴna o miñ jegafulee.

Mbeeñil 22:6

Cinj kaaga, malaaka fee a layaxam ee: «Fa lay feeke ndigil kak oo, too a dey o jaɓel. Maaga, o Yaal oxe Roog fee na ɓekaa duleer we Yiif um, a luliida malaaka um, ndax ta lal dag we Roog ke warna o xew no miñeer.»

Mbeeñil 21:6

Naaga, a doona teen ee: «Fop a fadnooxa! Mi refu Alfa fa Omega, mberaandoong ne fo muukandoong ne. Oxuu hoɗomeena, xam ci’in no fud o letu ta yer na cur foofi le na ñoownaa.

Mbeeñil 1:11

Kaa layoogu yee: «Ke o ga’aa, bindeen no safe, lultin pokatax ɓetuu ƭik kaa ndefna kam teeru keeke: Efees fa Ismir fa Pergaam fa Tiyatiir fa Sardes fa Filadelfi fa Lawodise.»

Mbeeñil 2:1

«Bindanaam a malaaka fee na yetooxaa mbokatax ne no gimu we kam teeru faa Efees ee: ‹Fa lay feeke kaa inoor no xe deegooxna xa qoor ɓetaa ƭaq axe na ñamaak um, refna oxe na ñaaƴaa a ndeer a pagal ɓetaa ƭaq xa lampa akaa mbi’teena wurus.

Kolos 4:16

Boo nu njangna o leetar oleeke a ndeer nuun boo ƈut, ngela fat nu ƭofit ta jangel no mbokatax naa no gimu waa Lawodise, o leetar den itam a jangel a ndeer nuun.

Kolos 2:1

Kaam bug nu and xil ne um gomriteel yaam nuun fo yaam we ndefna kam teeru fee Lawodise fo yaam fop we andoona sax ee a kid in mosee o ndoonoor,

Esayi 55:4

Fi’’aanum o seede no qeet ke, dalnin nen kelfa fo o yaal a saax ake.

Mberaand 49:3

Ruben wo fee taaw es, wo fee jeguuma ye um refaa na doole es, wo fee hupna xa teɓ of sañ-sañ,

A cangatin ale 21:17

Fat a jaɓ ee o ƥiy onqe no xe ta moƴeerna o bug refu taaw um tigi, too fat a cooxin a las a ƭak no lam ne, yaam o ƥiy onqeene eetu no ndet um soo a jeg a las taaw ale.»

Xa peƭit axe 14:5

O seede paax maaɓkee, o seede maamaaɓ oxe mat cegeer rek a layaa.

YEGIL MBAAX NE YEESU ne Saŋ a bindtuuna 1:3

Roog a saktin fop. Dara kaa sakeena too reefandaand no ten jegee meen.

YEGIL MBAAX NE YEESU ne Saŋ a bindtuuna 8:14

Yeesu a doona a den ee: «Ke um layanaa layan a xoox es fop oo, a ƭelem es ndigil kak oo, yaam kaam and me inooruuma, and me um jofaa. Nuun koy, nu andee me inooruuma, ne’atiim me um jofaa.