Mbeeñil 3:12 - NQAARIIT NE ROOG

¹² Oxe na maafkaa koy, xam geennin nen a toodook ta jaƭ Mbind ne na Roog fee mi, too sutooxkatee teen. Xam bind took a tagid um gon le na Roog fee mi, bind teen itam gon le na teeru fee Roog, refna Yeerusaleem fa nqas fee na fudoortiidkaa na asamaan, a inoor na Roog es. Xam bind teen itam gon xas le jeguuma.

Mbeeñil 3:12 Referans Kwoze

Mbeeñil 22:4

Xan a nga mukit um, too gon um xan a bindel took a tagid den.

Mbeeñil 21:2

Ga’aam teeru fa tedu fee refna Yeerusaleem fa nqas fee Roog a fudnitiidna na asamaan. Kaa jagandoox nen o toog oxaa bugeena o ɓoxot o kor um.

Mbeeñil 14:1

Cinj kaaga, ɗeetaam, too ga’aam o Mbaal onqe a geenoox took o Joong ole Siyoŋ, soo wiin cuni teemeed we fo wiin cuni qarɓeen nahik we fo wiin cuni nahik we a ndef fo ten, gon le no Mbaal onqe fo gon Faap um a mbindel na tagid den.

Galati 2:9

Ye Saak fa Kefaas fee refna ref Piyeer fa Saŋ we mbi’eena a toodook no mbokatax ne no gimu we a nga’na yirmande fee ci’eema, a nqaariitoora fa in, mi fa Barnabaas, ndax i nqot farna fo we ndefeerna Yaawuur, soo den, da nqot farna fo we nqucooxna.

Yeremi 1:18

Xaye, saƭkandaaxoong nen teeru fa njegu saŋe, nen a toodook njelem fo tabax nqanjar mbaambir saax le fop, ta ref maad we Yudaa, kelfa ke ten, saasadax we ten fa xeet fee no saax le.

Mbeeñil 2:17

Oxuu jegna nof, fat a nan-giloox ke Yiif le a layaa pokatax ke no gimu we: ‹Oxe na maafkaa, xam ci’in maan fa ƭasu. Xam ci’in itam ɓil ran fur. Took ɓil leene koy, gon xas a binde teen. Gon le o mat, o leng andiran a refangee oxe na daawkan.› »

Hebre 12:22

Nuun koy, nu matiida o Joong ole Siyoŋ, matiid teeru fee Roog fa ñoow jok fee, refna Yeerusaleem aa-asamaan, matiid malaaka cuni-cuni. Nu matiida faan ɗaayu

A kim a tedu ke 48:8

nen yaa nqeñ ne no batand a duguñaa a kaal a maak a cula’ir ake na ndetaa Tarsis.

1Saŋ 4:4

Nuun xa teɓandoong es, na Roog nu mbogu, too nu maafa duleer maamaaɓ weene, yaam oxe refna na nuun hupu oxe refna na adna fee.

1 Maad we 7:21

A sipa a toodook ake mbaambir o ndambalaan onqe no Mbind Roog ne, a leng ale a fod na ñamaak, soo ta ne’in Yakin, tekitna ‹Roog kaa saƭkandaa›, a lakas ale a fod na janoon, ta ne’in Bowaas, tekitna ‹Na Roog doole fee a refu.›

Mbeeñil 2:7

Oxuu jegna nof, fat a nan-giloox ke Yiif le a layaa pokatax ke no gimu we: Oxe na maafkaa, xam ci’in ta ñaam no ndaxar ne no ñoow ole refna kam a ƭing ale Roog.› »

Efees 3:15

No ten ke sakeena fop a inooru, ta ref na asamaan mbaat took lanq ke.

Heseki’el 48:35

Saŋe ne widna teeru fee xan a ref xa noonoong cuni xarɓaxay fo xa noonoong cuni ɓetuu tadik. No kaa xotitna a koom, teeru fee xan a xoyateel ee: ‹O Yaal oxe xey mene.› »

Esayi 65:15

We jiluuma xan a saloortataa gon nuun ee: ‹Yaasam o Yaal oxe na refkaa boo faw a warnoorong nen o leng no weene!› Kaa koy, den we ndefna dag es o mat, xam coox a den gon lakas.

Mbeeñil 17:14

Xan a song o Mbaal onqe, ndaa xan o Mbaal onqe a maaf a den, yaam ten refu o Yaal oxe no yaal we fo o Maad oxe no maad we. Ten fo we mbogna no ten, ndefna we nqoyeena fo we njileena fo we ngimna, xan a maafandoor a den.»

A kim a tedu ke 87:3

Wo teeru fee Roog, ke layeena na wo fop kaa niwnoox: A maaf

A kim a tedu ke 46:4

mbaat a yag-ee-yag ake a ndititaa, a palaƈaa, a yoɗooxaa boo xa coong axe a sendaa. A maaf

Esayi 62:2

Xan a saax ake a nga o cofel of, soo maad we a mbuudaa o ndam of. Xan o cooxel gon xas le o Yaal oxe a ne’kaa.

Heseki’el 40:49

O cigdel ole no ndambalaan onqe a reeƭa xa noonoong qarɓeen ƭik, soo o yaajel ole a ref xa noonoong xarɓaxay fo xa noonoong xa ƭaq. O toŋ-toŋ a ŋaaytooge. A jeg’a a toodook a ƭak akaa ndeerna ndokand ne.

Hebre 13:14

Kaa i mbaaƭaa ngenand ne na garaa, yaam ngenand in na adna feeke miñkee.

Mbeeñil 2:11

Oxuu jegna nof, fat a nan-giloox ke Yiif le a layaa pokatax ke no gimu we: Oxe na maafkaa, ñimkee fa nqon fa ƭikandeer faa.› »

Mbeeñil 3:5

Oxe na maafkaa, xan a rokoorit neene itam tikoorik tan, too foritkiim gon um no safe le no ñoow ole. Mbaambir Faap es fo mbaambir malaaka ke ten, xam lay ee andaanum nen oxaa fogna na mi.

Mark 12:16

A ƥisiidaan o xanjar o leng. Maaga, Yeesu a laamta a den ee: «Nitaal nene fo a pind akene, an jegu a den?» A ndoonaan ee: «Kesaar fee.»