Mbeeñil 3:10 - NQAARIIT NE ROOG

¹⁰ Yaam ne gayoona ke layuuma no kaa farna no saƭkel, ten taxu mi itam oo xam gaynaakong na jamaane fee Roog a toroxandkaa adna fee fop, ndax ta ɗeetloox we ngenna no lanq ke fop.

Mbeeñil 3:10 Referans Kwoze

2 Piyeer 2:9

O Yaal oxe a anda ne ta warna o muclit no ƭeetlax ke wiin we na ndeefan, soo wiin jofaƭaru we, ta geek a den, ndax da nqawel na bes faa na hate faa.

Mbeeñil 14:12

Ten taxu we mbogna na Roog, a ngeek kebil um, a ngim na Yeesu, a mbara o lalit o saƭkel.

Sakari 13:9

Aleene seek koy, xam ɓekin na fiɗel, jawtin ne xaaliis a jawteel, xoolandin ne wurus a xoolandteel. A koom, xan a ƈufginoor gon es, um jaaɓ a den, lay a den ee: ‹Nuun ndefu xeet es!› Xan a ndoonaam ee: ‹Wo o Yaal oxe, wo refu Roog in.› »

Dañel 12:10

Xan wiin mayu a nqoolandel, a ndan-ginel soo a ƥogdel. Kaa koy, faaxaƭaru we xan a mbi’aa paaxeer too o leng na den andkee keene, ndaa we njegna a yiif xan a andin.

Mbeeñil 2:10

Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.

1 Korint 10:13

Nu ƭeetlooxkaand ƭeetlax naa o kiin a mosaandeena o ɗeetloox, too Roog fee refna gor xaƴkee a nuun, nu sipanel ƭeetlax naa hupna a nuun doole. Kaa xaƴaa nu ƭeetlooxel, ndaa a naaga o soƥaa ta jagand yaaga naa nu sutoorna teen, ndax nu ngatil ƭeetlax keene.

1 Piyeer 4:12

Nuun we fexuuma, ba nu njaaxiɗ no nqeen ke mbarna o ndox a nuun, a ndef ƭeetlax kaa ndalna took nuun, boo nu nga’tatin nen kaa genarooxiidna a nuun.

Mbeeñil 1:9

Mi refu Saŋ fee o pog nuun no ngim onqe. Yaam ne i mbogna na Yeesu Kiristaa kaam fog fa nuun na coono fee fo no maat ne fo no ke i cungtaa o muñ. Reeƭaam no fimb laa ne’eena Patmos yaam ne waare’ooguuma fa lay fee Roog, soo seede’anaa a Yeesu.

Mace 6:13

too ba o waas a in, i ndok no mbog, ndaa mucli a in no paaxeer oxe. [Yaam wo jegu maat fa katil fo o ndam bo na moos boo moos. Amiini.]›

Mbeeñil 13:10

Oxuu jagandaneena mbaƭ, xan a ref o paɗ. Oxuu jagandaneena o wartel laƥ, xan a wartel laƥ. Ten taxu we mbogna na Roog a mbara o lalit o saƭkel fo o ngim.»

Efees 6:13

Ten taxu nqotyo ndiiki ƥonax ke Roog fop. Neene, boo andoona yee ñaal mbaaxeer ne a gara, xan nu mbaag o nqox oxe fodna a nuun mbaambir, too saƭik a cinj yaa nu maafna fop.

Esayi 24:17

Diid le fo gamb le fo mbaal ne owey ƥeedang, woxe genna no lanq ke!

Mbeeñil 8:13

Ga’aam too nanaam a canjiik alaa na yetaa na asamaan, a layaa a maak ee: «Sabab! Sabab! Ndaw sabab took we ngenna no lanq ke yaa a luuƥ ake no malaaka tadik lakas ke a njibkaa!»

Mbeeñil 6:10

Kaa mbalalooxoogu a maak ee: «O Yaal o tedu fo o tigil oxe, boo a mban o cungkaa ndax o hate we ngenna na adna fee, xaw a den, yaam ne da mbar’ina a in?»

Mbeeñil 17:8

Ɓaanoor fee ga’oona a ñoowooga yaaga ndaa maadatee. Kaa nar o sutoor na ngas fiɗel ale, a ɓisel a saŋkook. We ngenna kam adna fee, a kon den a mbind’aandeena kam safe le no ñoow ole, no kaa xotitna no mberaandoong adna, xan a nga a Ɓaanoor. Ɓaanoor feene a ñoowooga yaaga too maadatee, ndaa xan a nomtooxiid. Keene koy, xan a bet a den.

Mbeeñil 13:14

Kaa mo’andoogu we ngenna na adna fee fo xa anddiloor axe ta ci’eena o fi’aa mbaambir Ɓaanoor fa eetaand fee. Naaga, a laya we ngenna na adna fee da mbi nitaal naa nandna fa Ɓaanoor fee laƥ a gaañ’ina, too yaqanee ta maad o ñoowaa.

Mbeeñil 13:8

We ngenna na adna fee fop xan a mbaɗooxin. Weene ndefu we a kon den a mbind’aandeena no safe le no ñoow ole, no kaa xotitna no mberaandoong adna. Safe leene koy, o Mbaal onqe war’eena jegun.

Mace 26:41

Yetooxyo too nqeɗ ndax nu yenkee no mbog. Yiif le a jagandooxa, ndaa cer ke kaa ngees.»

Mace 24:14

Xan Yegil mbaax nene no Maat ne Roog a waare’el kam adna fee fop ndax ta ref seede no qeet ke fop. Cinj kaaga, xan muukandoong ne a gar.»

O leetar ole Pool a bindna GIMU WE NGENNA ROM 1:8

Eetu, na pexey Yeesu Kiristaa, kaam gidmaa a Roog es yaam nuun fop, no ngim nuun onqe na layteel kam adna fee fop.

Mbeeñil 11:10

Maaga, xan adna fa muum a mbelakinoox, too a ndef no ɗaay na fa nqon fee no seede ɗik weene. Xan a lultiraa a ƭang a ndeer den, yaam duleer ɗik weene njom’andoogna adna fee.

Mark 14:9

No ndigil, mexe layaa a nuun ee: Muu Yegil mbaax ne a waare’eena kam adna fee fop, xan a betandax no ke o tew oxene a fi’na a laytel maaga itam.»

YEGIL MBAAX NE YEESU ne Lik a bindtuuna 2:1

Na jamaane faaga, Kesaar fee ne’’eena Ogist a hebla yee fat we mbogna no maat um fop a mbindook.

Saak 3:12

Fog es, ndun rimkee xa ariƈ, too ariƈ rimkee xa tun. Foofi fo fel hatkee na foofi fo xanju.

YEGIL MBAAX NE YEESU ne Saŋ a bindtuuna 17:6

Andnooraam gon of a ndeer no wiin we lasaxamoona na adna fee. Na xa ƥay of a ndeeƭu, o ɓoxotaam a den, da ngeek fa lay of.

2 Timote 2:12

i nqijangaa fo ten, xan i maadook fo ten. I layangaa yee i mosiran o and, too andin, xan a xañ ee andee a in itam.

Mbeeñil 3:8

Kaa tee: Andaam ke o fi’aa fop. Andaam itam ee katil of mayee. Yaqanee o gayaa fa lay es, too xañiraamo. Kaam wet mbaambir of begax naa o leng a waageerna o weg.

Mbeeñil 14:6

Cinj kaaga, ga’aam malaaka fa lakas faa na yetaa ndeer asamaan fee. Kaa saq’u Yegil mbaax naa faafkeerna muk, ndax ta yegnin we ngenna na adna fee, na xeet fuu refna fo no tim oluu refna fo na lak fuu refna fo no saax luu refna.

Mbeeñil 16:14

Cini keene koy na mbi’aa xa anddiloor, kaa ndet farna fo maad we na adna fee fop, ndax da mbokat a den, da ñoxorkel no ñaal maak ne Roog fee jegna katil.

Mbeeñil 17:2

Maad we na adna fee a seeqa fo ten, soo we ngenna na adna fee a mbay fa biiñ fee ten refna ceeq.»